الشاعر عبد الله بن عون العتيبي أحد الشعراء المبدعين والمقتدرين ويعتبر بحق من كبار الشعراء في الوقت الحالي بما يتميز به من قوة القافية وجزيل المعنى وشعره محبب إلى النفوس من تسمع أول قصيدة لهذا الشاعر تعرف انه كبير في أسلوبه وطرحه وعلو كلماته فهو شاعر بما تعني الكلمة ويسرنا أن نأتي بما حصلنا عليه من قصايده الطيبة ومعانيه الجميلة .


قال الشاعر عبد الله بن عون العتيبي هذه القصيدة الغزلية الرفيعة والتي على مستوى شاعرها الذي يمتاز في جميع بحور الشعر بكل أنواعه يقول :





[poem=font="Simplified Arabic,6,white,normal,normal" bkcolor="black" bkimage="" border="ridge,4,black" type=1 line=0 align=center use=sp num="0,black"]
ياراعي الغر العذاب المباهيش =رش الكبود اليابسة عن عطشها

دنق على وطمن الراس بشويش =واحي العروق الذابله وانتعشها

حبك ينهش ثومة القلب تنهيش =نهش الحنيش لعرش رجل نهشها

واهل الهواء في سجن غيك دراويش=وقلوبهم وجلانه من دهشها

من ذاق من خمر السوالف بخاشيش =يبطي وروحه معتلقها بلشها

ولا تستمع في هل الحكا والوشاويش=ناس انقيلي النمايم دبشها

ياخشف ريم ذار واوحى شوابيش =بدواً طلوع الشمس ذاره وغشها

والعين عين اللي جسر عقب توحيش =امير بيتي الحرار اوحشها

طرح الشبك ما قبلوه الطواريش =ولا قرنسوه اهل العشش في اعششها

وحش وجاي من بعيد المناطيش =عوق الخريش اللي طياره خرشها

لا قام ياخذ من طرف ريشها ريش =والياقضا لعبه عليها لكشها

جابوه من عين الشمال الهماميش=ابرك لهادي طرشة قد طرشها

محمد عشير منقضات العكاريش=نجل العيون اللي ملاح بهشها

ومهدي للي براسه نغاميش=لا شوشت حيات الارض وحنشها

محمد مقابل قاصده بالتباهيش =وملفى الرجال اللي جميلة غطشها

ودايم وبيته مدهل للمداغيش =وكم روح معسور بجوده نعشها

لا يبعد ناس تكبر على ويش =لا شافت الناصي تلوت خششها

لو يملكون ارقام الاموال حتيش =در الحماره دوب يكفي جحشها

وروس الضبا ما ذكر فيها عراميش=لوهي على الزيله كبار شوشها[/poem]







وقال الشاعر الكبير عبد الله ابن عون أيضا هذه القصيدة وهي في القنص وشبك الطيور ووصف الطيور والربيع







[poem=font="Simplified Arabic,6,white,normal,normal" bkcolor="black" bkimage="" border="ridge,4,black" type=1 line=0 align=center use=sp num="0,black"]
بالله يالطاروح لا تطرح الطير =خل الوحش لا توجعه بالمهادي

خله امضياحه بروس الشناظير=بالخد ولا في ارجوم الحمادي

يشيخ في رايه ورزقه بتيسير =ويسلم من البرقع وتل القيادي

وانت اكسب الراحه وخل المخاسير =اليوم شبك الطير عود اجهادي

الا ان ابوتركي ذكر تلة السير =وطراله المقناص وقت الهدادي

فانت اجتهد له بالطيور المشاهير =طوال الموامي بارزات الثنادي

وعليك باللي كن لونه لهب كير =الصافي الهجر العريض السنادي

ولا ابيض من وافيات المغاتير =في وصف طير جابه العام هادي

قاصر محل السبق وافي التشابير =الصدر بادي والمواسي احدادي

عوق الطيار العازمات المعاشير =يلحق ولو ان الطيار امتمادي

لاقفا يهز الريش هذا البواكير =وروس المناكب منهن الصدر بادي

يعطيه حقه طلعت الشمس وعصير =الى هب ذع ذاع الشمال البرادي

مع درب وسمى قفنه شخاتير =نداير يدرج بهن كل وادي

فيها الخضار مولع له تباشير=مثل النميلي في عروض الكدادي

لا قوضن الربد منها مدابير =وتركزن بالجو مثل الجرادي

هده وقام يصخر الشرد تصخير =كنه عقيد ضاري بالمعادي

وان كان ضايقهن وجوهن مخامير =مستذريات في جنوب العرادي

ذولي مدابير وذولي مناحير =مثل الخدوش اللي عليهم بيادي

خذولهم غفلة بعزل وتطيير =وما طار منهن موعدآ بالنفادي

وزمالهم من لذة العام تذكير=وكثر المزايد بينهم والعنادي

والريش غادي بالمفارس دعاثير =يعلب به النسناس حول المصادي

وهاذي تراها طربة العمر يا امير =وزرع العمار مواعد بالحصادي

ولا قلتها والله ترى مقصد غير=الا حياتك والسلامة مرادي

وانا بخير ولاحصل منك تقصير =لا شك ابين مايكنه فؤادي

وياكثر ما تنفق يدينك من الخير=وهايب تملا كبار الايادي

ومن جاك يلقى له معزه وتقدير =كنه مفرج يوم زار المهادي

والطير والله طيرنا ياصقاقير =طير الفلاح اللي طلوعه ابعادي

حر تسلسل من علو المواكير =من غير تعلوم الى من هد صادي

من موكر طيره يصيد المشاهير=لباسه الغيرة نهار الطرادي

متسلسل من راس حبس الطوابير= عبد العزيز اللي على الكل سادي

مروي شباء حدب السيوف البواتير =ماله في فرسان الجزيرة ملادي

لاعنتر العبسي ولاسالم الزير=وعلى ذياب وفعل ابوزيد زادي[/poem]







وقال الشاعر عبد الله ابن نايف بن عون هذه القصيدة الغزلية الجميلة وكل ماياتي من ابونايف جميل يقول :








[poem=font="Simplified Arabic,6,white,normal,normal" bkcolor="black" bkimage="" border="ridge,4,black" type=1 line=0 align=center use=sp num="0,black"]
يا مل قلب يسج وفيه دولاجه=من هاجس بالضماير قادم يدرجها

في معزل عن جميع الخلق وازعاجه=ما اسمع من الناس لو تكثر لجالجها

ما غير اهوجس تقول مضيع حاجه =واخذ واسند على روحي واهرجها

وادوج لو كن ما رجلي بدواجه =ادله النفس لين الله يفرجها

يالله ياللي بيدك الضيق وافراجه =ياخالق الخلق ياقاضي حوايجها

ابرج لعين الياغضة بسوهاجه=تجهز عليها الطورائ لين تزعجها

بالصدر ضيق ونوم العين هملاجه =عين من العام والسهر امتولجها

نوب سهرها شديد ونوب منهاجه=مرا تكن الدموع ومر تزعجها

عليك ياللي بقلبي كن وهاجه =وهاج نار هواء الغربي يسارجها

راعي ثمان تشادي اللؤلؤ لعاجة =كن البرد يوم يضحك في مفالجها

ياروح روحي وجرح القلب وعلاجه=اللطف بحال عليك الهم ساهجها

قلب يناجيك بسلوب الهواء ناجه =يشكي لك الحال داخلها وخارجها

اما التفت له وتم الوصول بمواجه =ولا بلا عشرة هاذي نتايجها

وش ينفعك من حنين القلب وخلاجه =واجروح اسبابها انت ولا تعالجها [/poem]





يقول عبد الله ابن عون في هذه القصيدة التي يصف فيها الدنيا وما تأتي به وتروح به من الرجال الأوفياء والطيبين وتبدل الأيام وتغير الزمن وغير ذلك يقول :








[poem=font="Simplified Arabic,6,white,normal,normal" bkcolor="black" bkimage="" border="ridge,4,black" type=1 line=0 align=center use=sp num="0,black"]
ياهل الجيوب السارية دورولي =خط يوقف بي على بيت سطام

ما والله استانس إلى ضاق جولي=الا اليا جاله على النار همام

لا قام نجره يزعج الصوت حولي =واحيا السمر بلحاق الإضرام بضرام

هوه يذكرني قديم الفعولي =اللي غدت مثل الهذاري والاحلام

فعول الرجال اللي تشيل الحمولي =نطاحة الكايد مفاريص الاخصام

والى ذكرت أفعال هاك الزحولي=ربع تقافت دونهم جرد الأعوام

اخذ شوي مغيب في ذهولي =يعرض لي الماضي كما عرض الأفلام

بطياف ذكرى في خيالي تجولي=تطوف بي بين الحقايق والأوهام

دنيا تزول وما عليها يزولي =الباقي الله وافضل الخلق مادام

ياحيف يا تقريقها لشمولي =تنشر بيارقها على كل مقدام

وتاطا كبار الجاه وطي النعولي =لين القضاء فيهم غرس نابه السام

هاذي منازلهم أخلي تهولي=ترفالها في هاك الأيام الأيام

بلاقع شهب أخلي امحولي =تبني بها هوج الدواليب الاسوام

عقب الجهام وعقب هاك النزولي=اتقول محدا حل فيها ولا قام

طرفي بدمعة يوم اجيها همولي =تقرب محاضيبي ولا نيب ملام

اذكر طربها قبل عشرين حولي =قدام تزلف هاك الأيام قدام

ولو كنت من غارات سلمى زعولي=يملي على العقل تنفيذ الأحكام

واعزز الخاطر بربع بقولي=هم نور عيني في غطاليس الاظلام

لا جيتهم عقب البطا يسرولي=توسيع بال وضيع الهم الإكرام

ولولا الاسود معقبين الشبولي=عندي تغلق مصدر الانس بلحام[/poem]





وقال الشاعر عبد الله بن نايف بن عون هذه القصيدة إعجابا في أبها ومنطقة عسير ويمدح أميرها سمو الامير خالدالفيصل .








[poem=font="Simplified Arabic,6,white,normal,normal" bkcolor="black" bkimage="" border="ridge,4,black" type=1 line=0 align=center use=sp num="0,black"]
اليوم زار لصيد الأفكار عساس=جاني وروحي طربة مسفهله

باعلى رواب السوده اللي لها ارواس=اللي على ساحل تهامه امطله

شم الجبال اللي الى هب نسناس=اشفا بريح وردها كل عله

دارا تباهت بالبها مالها أجناس =جو لذيذ ومنظر ما تمله

وصفتها عذرا لها روح واحساس =مصيونة ما راودت كل زله

مجمولة تزهى جميلات الالباس =والها من الباري ديانة وملة

شامت لمن هيا لها رفعة الرأس =الصافي الوافي نزيه الجبله

ولا لومها لو عاشقت طيب الساس =خالد عسى من لامهابه افدله

بيديه قلدها عقود من الماس =واومت بكف العزفي طاعتله

مطلوبها عز ومعزة ونوماس =وبيت المعزة مايريد المذله

وهيا لها عن زيف الإزعاج حراس=يا من بها السايح وهو راعيله

وعسى صيف يجمع الناس بالناس =لممطرات من السحايب إتعله [/poem]















الشاعر عبدالله بن عون له الكثير من القصائد الجميله الرائعه ولاكن لاتحضرني في الوقت الحاضر

-
-
-

-
-
-

بيض الله وجهك يا طيب المجنى على الاعداد الرائع لهذه الروائع الرائعة لشاعر من اكبر شعاراء الجزيرة العربية



تحياتي




.

الله يسلمك يا ابو مسفر







ولاعدمناك .... ولا خط يمناك





-

مشكووووووووووووووووور



اخوي الغالي طيب المجنى


صحت يمناك على النقل



وصح لسان شاعرها

__________________
« اللهم كما أحسنت خَلقي فحسن خُلقي »

بيض الله وجهك وما قصرت

شكراً لك اخي الكريم على هذا المشاركة

بيض الله وجهك مشاركه طيبة

__________________

شكرا يا سالم على الحركان على التوقيع

صح السان الشاعر ولاهنت على النقل

طيب المجنى


اررررررررررررحب

بيض الله وجـــــــــهك


قصايد رائعه . بروعة شاعرها الكبير عبدالله بن عون

اخوي طيب المجنى

بيض الله وجهك شعر جزل وفريد

من احد اعلام الشعر الشعبي

هذا من طيبك وطيب مجناك

مشاركه تستحق الوقوف والاطلاع

ومجهود تشكر عليه


الف شكر يالغالي