السلام عليكم ورحمة الله وبركاته
قلت هذه القصيدة
بمناسبة مشاركة / هادي بن شجاع الفهري القحطاني في مزاين الملك عبدالعزيز للإبل في أم رقيبه لعام 1431هـ لفئة المية عفر .
(وهي تعرض في قناة الساحه على شكل شله) .
آمل أن تحوز على رضاكم
[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
جا الشيخ هادي والمزاين قال ارحـب = ولا جا المزاين غيـر بالفـوز نـاوي

نقّى ميـة عفـرا وفالمعتـرك طـب = له هقوةٍ فالوضـح فـوق الهقـاوي

لا من نوى الناموس عزمه قضى النب = العـز للـراس الطمـوح االـفـداوي

ابن شجـاع ألـدّ خصـمٍ للاصعـب = من همّته غصـن الصعوبـات ذاوي

للطيـب كنـه ايسخّـره معجـزة رب = أو كنـه مفتـي والجمايـل فتـاوي

لاعراض ضغط الدين مدّة يـده طـبّ = ولداء فقـر الجـاه جاهـه امـداوي

وفالماقف الغصّـاب وقفتـه مذهـب = أتباعـه اللـي ياصلـون الحـراوي

وان جت امصادم روس حده ما يقرب = يارد علـى عـد المنايـا الرهـاوي

مـن لابـةٍ حرّابـةٍ يـوم تـحـرب = حرابهـا عرشـه تخليـه خــاوي

إعيـال مفلح.والفهـر دوم مكسـب = للمعتـزي لا جـا نهـار الـعـزاوي

من راس قحطـان العريـب المعـرب = لدرب المعالـي ينـذرون الخطـاوي

وقحطان مع كل القبايـل لا جـا الـذب = عن دارها صـفٍ مـا يقـواه قـاوي

دارٍ غلاهـا منـه الابطـال تشـرب = من دونها ينتف شنـب كـل غـاوي

علـى ثراهـا قصـة المجـد تكتـب = ولسـان تاريـخ الحـضـارات راوي

عبدالعزيـز بيـوم ميلادهـا هــب= لإنقاذها مـن بيـن نابـح وعـاوي

وتبت يـد الارهـاب والمعتـدي تـب = عن قبلـة الإسـلام بامـرٍ سمـاوي[/poem]

عبدالله بن عايض بن رده الفهري

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]

أرحب يابو نواف

وصح السانك واعتلا شانك


على القصيدة الوافية من شاعر وافي في رجل وافي

ومليون نعم بك وبالشيخ/ عبدالهادي بن شجاع

ونتمنى له الفوز , والى الامام

تقبل مروري وخالص تحياتي

بيض الله وجهك وابوسعيد يستاهل

صح والله لسانك يابو نواف أشهد بالله أنك وفيت وكفيت وأبو سعيد يستاهل العلم الغانم ولا يستغرب الطيب من هله

تقبل مروري كل لحظه على هادي القصيده

ابو عساف

__________________

أرحب يالفهري

صح لسانك شاعر جزل وابن شجاع وافي ويستاهل

بيض الله وجوهكم جميعاوتقبل مروري


أخوك :

سلماني

ارررررررررررحب يابن رده تراحيب الحيا والله اني صادق..

وش حآلك يا الذيب ..؟ اربك طيب ..؟ من طول الغيبات جاب الغنايم ..

عسى ماخلاف يابونواف ..والله مانفقد الاغالي من غير شر لك يا الذيب ..

جيت ولا ابطى من جا..

جيت ولا جبت الا السمين وهي لك ماهي غريبه ..

جزل ولا جبت الا جزل ..

ابو سعيد يستاااهل منك ومنا كل علم غانم والله اني صادق وانا والله ما اعرفه شخصيا ولاكن راسن ما يحمى يهمي

وانت كفوووو حميت ولا هميت ..

صح الله السانك يابو نواف مدد بلا عدد ..

وان شاءالله ان حنا بنمر على مخيم رفيقنا وبن عمنا في ام رقيبه لجينا ذيك الديره ..

تقبل مروري يالقرم ..

صح لسانك يا ابو نواف وبيض الله وجهك على الجزاله اللي ماتستغرب منك ويستاهل الممدوح

لك مني كل الود

صح والله لسانك يابو نواف

أشهد بالله أنك وفيت وكفيت

وعمي هادي يستاهل

وافي انتظار التسجيل الصوتي

ولك تحيتي

(بعد اذنك تم نقلها الى منتدى ال حارث)

__________________

أرحب يابو نواف

صح لسانك يا ابو نواف





وبيض الله وجهك على






الجزاله اللي ماتستغرب منك


ويستاهل ابن خضير


مشكوووووووووووووووووووور


تحياتي

__________________

محمد سيف الجروي
ابوسيف الفهري
ابوعساف
سلماني
فلاح آل راكان
أبو معتز
ابن خضير
عايض الفهري

صحت أبدانكم وبيض الله وجيهكم

أتشرف بمثل هذا الكلام من مثلكم وشرواكم من الرجال اللي عليهم الكلام

تحياتي للجميع

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]