لعيون فلاح ال راكان


عايد يذكرني وانا كنت مرتاح = بالشعر الاول والقلم والفصاحه

يابن الكرام اللي لهم صيت وامداح = نهج المعالي لابسين وشاحه

مالك تذكر غافل صاحبه راح = لو صاح مايسمع رفيقه صياحه

الشعر له مفتاح ومصنعه طاح = باام الغبيب وجاهل بالسباحه

والشعر قيفانه مريضات وصحاح = يكمن علاجه في معاني نجاحه

والشاعر اللي بالتماثيل مصلاح = مثل الطبيب المعتني بالجراحه

من لاخسر مادش بيبان الارباح = ومن لاتعب ماذاق لذات راحه

احب منهو للمواجيب نطاح = اللي مقره للمكارم مساحه

هش يبـش وخاطـره دوم منسـاح=ويضفي على جاره طوارف جناحـه

ولو كان في صدره هواجيس واشباح=يظهر على شان الجميـع انشراحـه

يارب لاتقطع رجـا كـل مضـواح=بيت المعالي والشـرف والسماحـه

اللي بهم مشرب الاجاويد يماح = ملجا الضعيف اللي قلال مناحه

اللي على مداتهم باب الافراح = بالجود يوجد للجميع انفتاحه

واليوم حام الحوم والناس طفاح = كل يدور للسفر والسياحه

وانا غرامي شوف خلفات ولقاح = تضوي على بيت وسيع مراحه

ويدق تو وجيهها صوت ضباح = نجر يصوت للنشاما ضباحه



حامد بن علي بن مايقه الحبابي