السلام عليكم ورحمة الله وبركاته ....
أخوي مهدي ....
اللي أعرفه عن سعدون العواجي انه سبيعي ... و كان شاعر و فارس و شيخ ربعه ... و له ولدان هما عقاب و حجاب و راحوا و عاشوا عند خوالهم و عرفوا بالشجاعة و الفروسية .. و في يوم من الأيام قام واحد من جماعتهم اسمه شامخ و استغل غياب عوال سعدون و أخذ الشيخة من ابوهم بالقوة و تأييد ناس من جماعتهم ... فأرسل سعدون قصيدة لأولاده ينخاهم و يستنجد بهم ... و فعلا فزعوا لابوهم و رجعوا له الشيخة بالقوة كما أخذت منه ....
بعدها بفترة قال سعدون لعياله أبغاكم تغزون على شمّر في مكان اسمه (بيضاء نثيل) و قد كانت بيضا نثيل لسبيع و خذوها منهم شمر ... و غزو على شمر و ما قدروا يسترجعونها حيث انتصروا شمر ... و مات عقاب و حجاب على يد شيخ شمر ... و كان لعقاب ولد اسمه جار الله و حجاب عنده ولد اسمه علي ... مرت السنين و كبروا أحفاد سعدون ... وقد رباهم جدهم على الشجاعة و الفروسية ...
المهم قال الشايب قصيدة لعيال عياله يزهمهم علشان ياخذون ثار اباءهم حيث انه كبر و ما عاد يقدر يغزي ... فردوا الثنين عليه بقصيدتين يعاهدونه انهم ياخذون ثار أباءهم .. فأعجبت الشايب قصيدة جارالله ولد عقاب فقال له خذ الفرس حقتي و رح لشمّر ... و فعلا راح لشمر و اخذ ثار ابوه و عمه حيث قتل شيخ شمر ... أما علي فقد حزن و زعل لأن جده عطى جار الله الخيل ... و مات بعدها بفتره من الحزن ...
هذا اللي أعرفه عن قصة سعدون و عياله .... و الله أعلم
أخـــــ ابن شطفان ــــوك
__________________
BB PIN: 21CD7379
التعديل الأخير تم بواسطة ابن شطفان ; 12-11-2005 الساعة 01:21 PM
12-11-2005, 01:19 PM
تعليمات المشاركة
العرض الشجري