قصص وقصايد الشاعر شالح بن هدلان في ابنه ذيب ,,,

15-05-2009, 09:58 AM

عبدالعزيز بن سعيد ال معمر

عضو مشارك

تاريخ التسجيل: Mar 2008

المشاركات: 163

عبدالعزيز بن سعيد ال معمر has much to be proud of

قصص وقصايد الشاعر شالح بن هدلان في ابنه ذيب ,,,

عندما مات الفارس ذيب بن شالح بن هدلان من الخنافرة من قبيلة قحطان حزن عليه ابوه حزن شديد لانه كان بار بوالديه وكان فارس قل نظيره 0
وقال فيه عده قصائد منها:
يا ربعـنا ياللّي على الفـطّرَ الشّيب"="عزالله إنه ضاع منكم وداعَـهْ
رحتوا على الطّوعات مثلِ العياسيب"="وجيتُوا وخَلّيتوا لقلبي بضاعَـه
خــليتوا النّادِرِ بدارِ الاجَـــانيـب"="وضاقت بي الآفاق عقب اتساعهْ
تكدرون لي صافيات الـمشاريب"="وبالعون شفتَ الذل عقب الشجاعةْ
يـا ذيب انا بوصيك لا تأكل الذيب"="كم ليلةٍ عشاك عقب المـجاعـــه
كم ليلةٍ عشاك حـرش العـراقيب "="وكم شيخِ قُومٍ كزته لك ذراعـهْ
كفّه بعـدوانه شنيـع المـضاريب"="ويسقي عدوه بالوغي سم ساعـة
ويضحَك ليا صكت عليه المغاليب"=" ويلكد على جميع العدو باندفاعـهْ
وبيـتِـه لجيرانِه يشيّد على الطيب "="وللضيف يبنى في طويل الرفـاعـهْ
جرحي عطيب ولابقى لي مقاضِيب"="وافخت حبل الوصل عقب انقطاعهْ
كني بعد فقِدِه بِحـامي اللـواهيب "="وكني غريب الدار ما لي جماعــهْ
من عقب ذيب الخيل عرج مهاليب"="ياهل الرمك ما عاد فيهن طماعه
قالو تطيب وقلت وش لون ابا طيب"="وطلبت من عند الكريم الشفاعَـهْ

وبقي شالح حزيناً كظيماً يسهر أيامه ولياليه ولا يفارق نار قهوته , وذات ليلة وهو ساهر مع أحزانه أتاه شخص يسمى الهويدي قد ضاع صقره واخذ يبحث عنه بالليل ويسأل كل من رأى فرد عليه شالح بهذه القصيدة

إن كان تنشد يالهويدي عن الطيرْ"="الطير والله يالهويدي غــَـدَ لِي
طيري عذاب معسكرات المسامير"="إن حل عند اقطِيّهن الجــفـالي
إن جاء نهار فيه شرّ بلا خـير"=" وغدا لهن عند الطريح اجتوالِـيْ
إن دبرن خيل وخيل مناحـير"=" وغدن مثل مخــزمات الجمـالِيْ
على الرّمَك صيدهِ عيالٍ مناعير"=" وشره على نشر الحَريب الموالِيْ
يضحك ليا صكّت عليه الطوابير"="طير السعد قلبه من الخوف خالِيْ
خيّالنا وإن عرجدنّ المظاهِـير"=" وزيزوم عيرات طُـواها الحيالِيْ
غيثٍ لنا وان جت ليالي المعاسير"=" وبالشح ريفٍ للضعُوف الهزالِيْ
يسْقِي ثَراه من الروايح مـزابير "=" تمطر على قبر سكن فيه غـالِيْ
وهنا بن هدلان يقصد بالطير ابنه ذيب

وشالح اول من بكى على حي وهو ولده ذيب
حيث كان ذيب يقدم لأبوه كل يوم لحم صيد (شبب)
وفي يوم من الايام لم يصيد ذيب اي صيد فعقر قعود وطبخه لابوه شالح
سأله شالح قال : ياذيب هذا لحم ويش ؟
رد ذيب قال : شبب يابه
اي انه لايريد تعكير مزاج ابوه ويقول عقرت القعود

فقال ابوه قصيده يبكي فيها ذيب وهو حي قدامه ويقول :

ماذكر به حي بكى حي ياذيب ___ واليوم انا ببكيك لو كنت حيّا
وياذيب يبكونك هل الفطّر الشيب ___ ان صادفتهم مثل خيل المحيّا
ويبكيك من صكّت عليه اللواليب ___ ان صاح بأعلى الصوت ياهل الحميّا
انا اشهد انك بيننا منقع الطيب ___ والطيب عسر ٍ مطلبه ماتهيّا

وقصة حياة ذيب وابوه شالح من اروع القصص واكثرها وقع في النفس

التعديل الأخير تم بواسطة عبدالعزيز بن سعيد ال معمر ; 15-05-2009 الساعة 10:00 AM

عبدالعزيز بن سعيد ال معمر غير متواجد حالياً

15-05-2009, 03:12 PM

أبن مهذل

عضو فضي

تاريخ التسجيل: Feb 2009

الدولة: KFUPM

المشاركات: 1,291

رد : قصص وقصايد الشاعر شالح بن هدلان في ابنه ذيب ,,,

لاهنت يابو سعيد بيض الله وجهك على القصايد الجزله الي والله انها تنومس

__________________

ان كان مالك من ذراعك نجده @@@فشربك على ايدين الرجال هماج

15-05-2009, 03:29 PM

عبدالعزيز بن سعيد ال معمر

عضو مشارك

تاريخ التسجيل: Mar 2008

المشاركات: 163

رد : قصص وقصايد الشاعر شالح بن هدلان في ابنه ذيب ,,,

قايل مايهون يابن مهذل ووجهك ابيض وافي جعلك تسلم الا انت الي تنومسنا بردودك ,,,,

16-05-2009, 03:59 AM

آل معمر

مراقب
الاستراحة والرحلات

تاريخ التسجيل: Nov 2004

الدولة: الجنوب

المشاركات: 11,982

رد : قصص وقصايد الشاعر شالح بن هدلان في ابنه ذيب ,,,

شكرا لك

ينقل الموضوع للمكان المناسب

__________________

رحلتي لأرض اليمن السعيد / تقرير مصور

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أمراء مكة على مر العصور‏	محمد الضويري العاطفي	إستراحة المجالس	11	24-01-2009 05:55 PM
الاخطبوط الشيعي في العالم؟؟ ادخل ولن تندم	ابومحمدالقحطاني	فضائح وجرائم الروافض ضد أهل السنة	20	26-10-2008 08:14 PM
معلومات شاملة	أبو ريم	مجلس الإسلام والحياة	10	28-08-2008 07:14 AM
قصة الزير سالم كاملة.....؟	ابو سام	المجلس الـــــعــــــــام	28	03-04-2008 11:47 PM

الساعة الآن 04:41 AM

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود

روابط سريعه