الحقيقه ان القهوة العربية حازت على جزء كبير من قرائح الشعراء


ولعل من اشهرها ما قاله دغيم الظلماوي

يا كليب شب الناريا كليب شبـه
عليك شبه والحطب لـك يجابـي

الوالمه يا كليـب عجـل بصبـه
والرزق عند اللي ينشي السحابي

حنا علينا جيـب ماهـا وحبـه
وعليك تقليـط الـدلال العذابـي

ادغث لها ياكليب من جزل خبـه
وشبه الى منـه هباكـل هابـي

باغـي إلـى شبيتهـا ثـم قبـه
تجـذب سـراة منبعيـد غيابـي

بنسرية يا كليب صلـف مهبـه
متلطميـن وسوقهـم بالعقـابـي

صبه لقرم صرفتـه مـا حسبّـه
يوم البخيل مدنهر الوجـه هابـي

وعده عن اللي مايداري المسبـه
اللـي يدوربالقصـي الغيـابـي

لا جاضع المتروع خطو الجلبـه
يا حلو تالي الليل خبط الركابـي

اقحص لهم وابدي سلام المحبـه
لا شح بالهيـن كبيـر العلابـي

من لا صبر يا كليب في حكم ربه

هذاك يوم البعـث مالـه ثوابـي



* كذلك قول الشاعر: سعد بن حمد بن ضويان في القهوة:





ياحسين لاكني على الجمر مجضوع
من فقد خلانـي وفقـدي ربوعـي

قم سو فنجالٍ ترى الراس مصدوع

صفه وزله عن سريب الخموعـي
فنجال فيه مخموس الكيف مجموع

بدلال يشـدن الخبـاس الوقوعـي
ونجر دلاله ماو بالصوت مفجـوع

يا زين حسه والخلايـق هجوعـي
وانجاك بالمجلس سنافـي وبالـوع
عده على الطيب وكـب البلوعـي



بيض الله وجهك يالرهالي


على الاختيار الموفق

ووجهك أبيض يالغالي وشكرا على الإضافة القيمة لا عدمتك

دمتم في حفظ الله

بيض الله وجهك يالرهالي على هذا الاختيار الموفق

يقول بن فتنان في القهوة ما يدور حولها :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
تكفون شبوا ضوكم يارجاجيل=هاتوا حطب وأنا باجيب حرجيه
برية ياسهيل وبهارها هيل=واللي مسويها يمينه عذيه
ماها قراح من هضاب شهاليل=من هضبة بن حويل ولا الوجيه
مقدر ماها ثلاثة فناجيل=في دلة من سوق شقراء عذيه[/poem]

الحرجيه قهوة بريه مشهورة تجلب من أسواق الحرجة بعالية تثليث

ويمكن الرجوع لكتابنا الحنين والاشجان في اشعار قبائل قحطان الفصل السادس عشر القهوة ص 174والشعراء في هذا الباب هم :
- غالب بن فتنان آل روق
- فهاد بن مسعر آل عاصم
- حويدي العاصمي
- محمد الشعرا آل عاصم
- دخيل بن دعس آل عاصم
- عليان بن جرادان آل ناصر
- مبارك بن شرثان آل ناصر
- فلاح بن جبران آل كناد

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

شكرا والله لا يهينك على مرورك الكريم يا بن غفرة

دمتم في حفظ الله

ووجهك ابيض يا اخي علي وشكرا على الإضافة الرائعة يالغالي

دمتم في حفظ الله