بقلم/
بندر بن هضبان القحطاني



[poem=font="Traditional Arabic,5,black,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سلام يابنت السعودي ترليون=أمي وأختي بنت عمي وخالي !
بنت الرجال اللي على الطيب يمشون=ماظن فيها المدح يبلغ منالي
من بطنها روس الرجاجيل يآتون =وبعروقهم من صدرها الدرّ سالي
من عادهم رضــّع لها دوم يبكون =عقب احمَلـَتهم تسعة اشهر ثقالي
هذي تكفــّيها فـَخـَر لو يعَـرفون =وان جيت اعِدّ افضالها الهرج طالي
من عِظم شان البنت لو بس يقرون =في قول ربي والنبي ويش قالي
قول ٍ يهز اِجبال وايخشــّع الكون =لو يجهله منهو من العقل خالي
مثل المهايــِط ياسر الثور بـُوقرون =حاز الفشايل والغضب بالهبالي
وان قال مطفوق ٍ فانا آقول مجنون =ذم الجنوب اهل الشيم والمعالي
واردودنا حدّتـــْه للذل والهون =خنــّاس غاب اِشهور مثل الثعالي
ثم عاد يمدح وسط شاشة تليفون =ليته سِلِم من نقصه اوّل وتالي
والا اكتفى بالاوّله بالتلفزون =يوم ٍ وصف شبابنا باختلالي
في موقفه قال النسا ما يسوقون =لان السعودي مجرم ٍ ما يبالي
زود ٍ على آلاِجرام ينسب لنا اجنون =مير ايخسى اللي ما وفى بالمقالي
المنطق اعوَج والخطا فيه مدفون =والا الشرف حنا هـَلــَـه والعيالي
تعليمنا من قبل تنبت لنا اسنون =هدي النبي ماقد لِلاجرام مالي!!!
من فضل ربي ثم شيوخ ٍ يحَكمون =بالشرع ماهو بالجَرَم والخبالي
آل السعود اشيوخنا اللي يربّون =أشبال شعب ٍ ضاري ٍ بالفضالي
لا مجرمين ولابنا مس واسكون =مهد الرساله مهد شعب ٍ مثالي
دين ورجوله واطيب اللي يعدّون =أمن ٍ وامان ٍ ماهي ابدون والي
حكم الشريعة خير من كل قانون =من زلّ حدّه ينجزا بالعدالي
والوالد القايد له العمر مرهون =في الحرب والسلم انعدِي ما نبالي
شبابنا ما بينهم مجرم اِيخون =وافين عهد ٍ في الرخا والقتالي
والكل منا للوطن عز ٍ وعون =واهله ترى حنا واهَلـَنا غوالي!
وكل ٍ هَلـَه يالثور في الحفظ والصون =وحنا ذرى الخِلـّه وستر الخمالي
والكل محروس وله الحق مضمون =مهما نبح ياسر على كل حالي
يــَ مهرّج الجمهور: .. بالهون ! بالهون =لا تِلحِق المخ العقِل للزوالي
حنا حرار ٍ ما شحنــّا مِكِرفون =الدار وآمِن والشعَب منك سالي
ماغير قرد ٍ صار بالمدح مفتون =واستبدل القول الجزل بالميالي
وَلوَل وهَوّل وادخل العال في الدون =واخطى على اخوان وخواتٍ واهالي
وانتقلت العدوى على بوم ملسون =بوم ٍ على لحن الفشل جا يلالي
نايف ولــَد عرويل ما ندري اشلون =جات الدفينه في يمينه تشالي
بناتنا اللي للوطن دوم يوفون =صوّرهم اِبقاف ٍ هزيل ٍ هزالي
حط الهزل والسخريه فيهم اِفنون =لين اصبحوا نكتة على كل جالي
هل سمعة ٍ بياضها ناصع اللون =صاروا طواري المسخره والنكالي
طاريهم اول لا طرى طاحت اعيون =من سدّ مآرب لين الاقصى شمالي
قام السفيه وكل الاجناب يوحون =وعن بنتنا كـبّ الطرايف توالي
هم يضحكون وهو يزيد ويزيدون =ويفخر وهو يسخر ببنت الحلالي
أخواتنا يالبوم ماهم يهونون =عنك ابكرامه صاحبات الجلالي
ماياخذون ودايم الدوم يعطون =علم وعمل والتربية باكتمالي
في كل صرح ٍ بالتفوّق يفوقون =وابركة ٍ اِمن الـــلــــه مع خير فالي
في ناصيتهم خير منــّه يجودون =ونلقى وراهم خيرهم ما يزالي
من طيبهم كل العذارى يغارون =بالوصف فيهم يضرب اوّل مثالي
والنعم فيهم لازم ايزاد مليون =واقيامهم واقدارهم ما تكالي
وان جا اللزوم اخواتنا له يسدّون =حتى انت ايقودونك بَعَد بالشكالي
لاصار معنى القاف ماهوب موزون =لا تحسب ان اوزان حرفك جزالي
ليتك سكت ّ وقلت "ياخوات، ممنون=يا من بنوا معنا صروح ٍ عوالي!!
سلام يابنت السعودي ترليون =أمي وأختي بنت عمي وخالي ![/poem]





الســلام عليكـم ورحمـة الله وبركاته

صبــاح الخيـر / النــوووور ..

صـَـح لسانـَـك .. وآعتــَــلا شانــَـك ..

آآآبدااااااع .. آآآآآبدااااااااع ..

لاهنـت .. لاهنـت .. لاهنـت ..

كـُْ ـُْـل الـُْ ـُْـود

__________________



...:: بيـَض الله وجهـَـك يـَالحبـَـابـَـيَ علـَـى التوقيـَـع ::...




سلمـان أهـدائـك هــاذا يرقــع القلــب .. لا عدمتـك على التوووقيـع ..