السلام عليكم ورحمة الله وبركاته



اعذورني على التأخير



ملهيتنا الدنيا



وانتجت بذي القصيده



لعلها تشفع لي عندكم



والله الله



بآمين











.

.
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالله ياربـي بـعشـريـن 20ملـيـون=تـفـك عـنـي ضيـقـةٍ ضايقتـنـي
واصير دايـن عقـب ماكنـت مديـون=ببطـر بهـا وان كـان بقعـاء مهلتنـي
واشَره اللـي وضعـه الـدون فـي دون=حـاجـات دنـيـاً قبلـهـم حيجتـنـي
وابني بهـا قصـراً مشيـد لـه اركـون=مـن حـر مالـي والحكومـه عطتنـي
ارضٍ علـى الشـارع ولاهـم يعيـون=فـي اي حــاره كانـهـا معجبتـنـي
اربع عشر قطعـه علـى بلـك مقـرون=وربعـي معـي وبيوتهـم حاوطتـنـي
لن المسائيل أصدقـاً لـي وانـا امـون=مـادام جيبـي عامـرٍ مــا نستـنـي
وضيافـةٍ طرفـه علـى اللـي يمـرون=مـا ضيعـت ضيفانـي اللـي نصتنـي
فيهـا المجالـس والنشـامـا يهـلـون=مجـالـسٍ ضخـمـه وقــد كلفتـنـي
شي بكنـب رسمـي زخاريـف وفنـون=لاهـل المشالـح والعـبـي لا لفتـنـي
وبه مجلـسٍ لاهـل البرستيـج يلفـون=مدوكـرٍ فـيـه التـحـف مبهرتـنـي
وبه مجلسٍ للـي يروحـون .. ويجـون=لشلـه اللـي تــو مــا صادقتـنـي
وعشرة خدم هـذا مـع اللـي يصبـون=بــدلال بــنٍ بشربـهـا كيّفـتـنـي
مـن غيـر ربـعٍ دايـمٍ معّـي ياتـون=عنـد العـرب لا جيتهـم واعزمتـنـي
اللي يشـل البشـت .. واللـي التليفـون=واللـي يعـدل غترتـي فـوق متـنـي
سلقلـقٍ وانـا اعـرف اللـي يكـنـون=لـولا الفلـوس الواجـده مـا اخدمتنـي
وعشـرة سيايـرٍ .. وعشـره يسوقـون=وارقـى وكـالات المـواتـر هدتـنـي
مابيـن فرويـلٍ .. ومابيـن صـالـون=مـن دولـة الالمـان للحـوش جتـنـي
ما عاد هي بلحيـة كـورلا.. وافالـون=قـرابـعٍ فــي ركبـهـا فشلـتـنـي
لحية بي أم.. ورنج .. والبنز ابو عيـون=اخـر موديـلات السـنـه واصلتـنـي
وابراج .. وبيوت .. وعمارات .. يبنون=ومؤسسـاتٍ فــي البـلـد نافستـنـي
ومزارعٍ .. وأملاك .. وأطيان .. وظعون=وسلايـل الخيـل الأصيـلـة زهتـنـي
وميتيـن خابـط كـل ذودٍ لهـا لــون=وأقيامهـا بأغلـى الثمـن ماعسرتـنـي
لا جيـت اشـارك فالمزايـن وممنـون=مـن كثـر دعـوات المزايـن دعتنـي
وفي مجلس الامه ليـا صـار مضمـون=كـل العـرب بأصواتـهـم رشحتـنـي
ومقابلات في الصحـف .. والتلفزيـون=حتـى قنـاة البـي بـي سـي قابلتنـي
واكثـر شعاعيـر الجـزيـرة يغـنـون=بأحلـى القصايـد والقوافـي مدحتـنـي
وادسـم لحـاهـم عـلـى مايقـولـون=وانـا ادري انهـم بالشـعـر نافقتـنـي
وطيـارةٍ لـي ماركبهـا ولا ازبــون=مفخفخـة ومــن التـعـب ريحتـنـي
مـره بامستـردام ومـره علـى بـون=امسي ولا اصبح غير في وسـط ستنـي
وطارت بي احلامي وصكيـت طبلـون=مسـرع ودوريـات فـكـري نهتـنـي
ياحلـم وقـف عشـق الثالـث بـهـون=لخبطـت وحبـال القصـايـد خذتـنـي
وقفـت لحظـه والبـلا فينـي ظـنـون=لحـلام واجـد والفـلـوس قصرتـنـي
فكـرت والا انـي مـبـذر ومجـنـون=عشريـن مليـون .. وهـي ماكفتنـي؟؟
بدعـي وابرفـع يـدي وانتـم تلـبـون=والـنـاس اعاملـهـم بماعاملـتـنـي
ادعو معي تكفـون .. تكفـون.. تكفـون=وبجـازي اللـي مـن دعاهـم نستنـي
يالله يـاربـي بميتـيـن 200ملـيـون=تـفـك عـنـي ضيـقـةٍ ضايقتـنـي[/poem]

آآآآآآآآآآآمين من قلبي

الله يحقق اللي تبيه

أنت نشمي حتى ربعك ما نسيتهم معك حتى في قطع الأراااااضي

بيض الله وجهك في عمرك وفينا يالذيب

وصح لساااانك الأبيات تلامس المشاعر بشكل كبير

تقبل مروري

امين امين يابن شباب

صح الله لسانك وبيض الله وجهك

فلسفه رائعه وفكره اروع

امتعت وابدعت صح لسانك حتى ترضى

تحياتي

__________________

سرد رائع

وتعبير جميل جداً


صح الله لسانك يابن شباب

وبيض الله وجهك على التواصل


تحيتي

__________________



ممصمنا المبدع
تركي العلياني
ألف شكر لك

!
!
!
!
!
!
لاهنت يانياف وصح لسانك

وافي وافي لااخلا ولااعدم

تحياتي

صح لسانك
والله يعطيك ما اتمنى

__________________
[


صفحتي على تويتر

haian_ali@

الايميل الجديد
ali_haian@hotmail.com

اسعد بتواجدكم

آآآآآآآآآآآآآآآمين

واررررررررررررررررحب يا ابن شباب والله يوفقك في ما انت فيه وان شاء الله تحقق مطلوبك


ولكـــــــــــن تبغى ندعي لك بــ 20 مليون ولا 200 مليون

ههههههههههههههههههه

الله يرزقك من فضله


وننتظر جديدك وشد حيلك في المليون


اخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

الســـلام عليكـم ورحمـة الله وبركاتـه

آآآميــن .. آآميــــن ..
الله يرزقك بفضلــه .. وبيــض الله وجهــك علــى الأبيــات ..
صـح لسـانك .. وأعتــلا شانــك ..

كـُْ ـُْل الـُْ ـُْود

لن المسائيل أصدقـاً لـي وانـا امـون
مـادام جيبـي عامـرٍ مــا نستـنـي


محمد بن شبّآب.,.,


صح الله لسآنك وعلآ شآنك.,.,


شآعر مبدع وقصيده جميله والبيت المقتبس معبر عن مآنرآه الآن.,.,


واللهم آمين ويحقق لك مطلبك.,.,


تقبل مروري مع فآئق الود والتقدير.,..,


نآصر بن محمد آل مْهدي.,.,

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com

تستاهل أكثر
أتمنى لك التوفيق
وصح لسانك

__________________
ALHUBABI2007@HOTMAIL.COM