السلام عليكم

الله يبيض وجهك على الموضوع الاكثر من رائع

وبصراحة مافيه قبيلة ماعندها عادات سيئة قد تسيء لها من ناحية دينية ولكن بالتأكيد انها بسيطة باذن الله ونستطيع تغييرها والبركة في هذا الجيل ينير الطريق للجيل القادم

ومثل ماذكر اخوي الحبابي دين المثل عندنا حرموه المشايخ وللاسف الى الآن موجود في الصلح بين الناس والقبائل

وهو بالفعل يدخل في علم الغيب .. مثل ان يقول شخص (والله لو اني بموقفك ما ازعل) طبعا على سبيل المثال .. وهو يمكن لو يصير بموقفه يكون تصرفه اقوى وأعنف وعلى غير اللي حلف به.

الشي الثاني حن نسميه الوصل واظن يسمى البداة عند بعض القبايل هو البر والسمن او المصبع او العريك على حسب اللي عندهم المناسبة اللي يسوونه مابين الغدا والعشا في الزواجات

هذا انا اشوفه ماله داعي والله ماله سنع مغير تبذير على غير فايدة وتكليف على النفس على غير سنع

الشي الثالث المكسا في الزواجات بالنسبة لنا يا آل الجحل ماعندنا مكسا ولكن عند بعض القبايل موجود وانا اشوفها بصراحة عادة خاطئة والافضل تركها لعدم التكليف على المتزوجين

واترك مجال لباقي الاخوان ولي رجعة ان شاء الله

__________________