بسم الله الرحمن الرحيم

محاوره بين الشاعرين والشاعر فلاح بن خالد المورقي العتيبي
والشاعرحسين بن شتوي الحبابي القحطاني في حفله دعم
وتكريم الشاعر فلاح المورقي بقاعه الكرستال بخميس مشيط 5 /1429هـ

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حسين بن شتوي الحبابي=
ياسلامي عليكم عد وبل السحاب =من هجوس الحبابي يوم غنابها
صوتوا للعتيبي كلكم ياشباب = شاعر ومن قبيله يحسب حسابها
فلاح المورقي =
باسم ربعا لهم بالطيب باب وجواب =مرحبا والجزيله حظ من جابها
ماعلينا خلاف ولاحسبنا حساب =شب نارك ترى للنار شبابها

حسين بن شتوي الحبابي=
اقحطان (ن) خولك وارق فوق الهضاب =وفيه غلطات لازم نعرف اسبابها
احفظ الدرس ياللي تدرسون انتساب =والمدارس تورطنا بطلابها
فلاح المورقي =
انت خالي وخالي من رجال عراب =مير من دور البلاوت يبلابها
انت ياحسين وايش له ماحفظت الكتاب = والمدارس تري اللي مثلك اولا بها

حسين بن شتوي الحبابي=
ليش حاكم قطر سوا لابوه انقلاب = وليش الاصحاب تبغي تزعل اصحابها
انت يالمورقي بين الخطاء والصواب= لاتخلي خوالك تفقد اعصابها
فلاح المورقي =
لاجل نحمى الاشده نتحمي للحراب =والمسامه ترانا ما رضينابها
انت تبغي جنان الخلد والا العذاب =ماتضيع الحقوق ان وصل طلابها

حسين بن شتوي الحبابي=
بان نجم الجدي في الجو والبدر غاب =والاجاويد قامت تشعب اركابها
كما دعينا وياجعل الدعاء مستجاب = جعل عيني تهنا شوفه احبابها
فلاح المورقي =
مايغيب البدر لكن دونه ضباب =يوم بعض العرب مايحسب احسابها
والله اني لاموت ولا طردت السراب=غير ربي جميع الناس ماهابها
حسين بن شتوي الحبابي=
القضيه ماهي دعوى حضور وغياب = غير ياساتر الاجسام بثيابها
يا عتيبي تراني من رجال الحباب =خل عنك الدعاوي وايش تبغي بها [/poem]

__________________

الله الله على الكلام الجزل

شعار كبار ولايحتاج

الله يبيض وجهك يابو فيصل على النقل

__________________

لاهنت يابومسفر عل النقل



تحـــــــــــــــياتي يالغالي

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

محاوره ممتعه وشعار متميزين

وبيض الله وجهك ياعلي الحبابي على نقل المحاوره.

فلاح المورقي نجم وشاعر مميز ومبدع

وابن شتوي شاعرنا المبدع دائما ونجم ماشاء الله عليهم كلهم


لاهنت ياعلي وبارك الله فيك

__________________

رائد ارررحب ولاهنت يغالي علي المرور

__________________

والله ما عليهم كلام
والمورقي اول مره اعرف ان قحطان خواله
بيض الله وجهك يا بوفيصل
على النقل الجميل لهذه المحاوره الجميله

هلا وغلا


اشكرك علي مرورك


ولاهنت ودمت بكل الاحترام

__________________

حياك الله اخي الغالي

انا سعيد بمرورك علي مشاركتي

دمت بكل الود

__________________

فلاح المورقي وحسين بن شتوي الحبابي شعراء اكثر من رائعييين


لهم محاورات مميزه


لاهنت ياعلي ولاهانوا