مسيت بالخير يا ذيب . اسمع الكلام الصحيح وهذا المعروف عندنا يا قحطان ونحن اعرف الناس بنسبنا

قبائل قحطان هي :
عبيده
شريف ومنهم بني هاجر ويقولون اللي في نجد منهم انهم من عبيده اما اللي في الجنوب من شريف
سنحان ومنهم ال عبدالله ( الجحادر و الحباب )
رفيده
بني بشر
وسلامتك

- اما وادعه فهم من همدان بن زيد
- وبني زيد نعرف ان بني زيد الاصليين من شريف وهم قله هاجروا وتحضروا في نجد والان كثروا وكثر من استسمى بهذه القبيله
- ونهد قبيله قحطانيه اسوة بالقبائل القحطانيه الاخرى ( نصف العرب ) اي ليست في قحطان الحاليه ونحن قحطان نعرف نسبنا ولا علينا من حكى العرب والكتاب اللي ذكرتهم اغلبهم ليسوا من قحطان وليسوا باعرف من بنسبنا . وسلامتك

__________________
لي قابلت ضو ابن همدان ضونــــا = حامت طيور العرش تبغي نصيبها
ومـــا بين شهـران ويـام محلنــــــا = وكل يسقي للحيـا مـن شعيبهــــــا
حنا عبيدة من نسـول آل ضيغـــــم = ما حن بجيران تـداري حريبـــهـا
وحنا حرق على حرق من الأوايـل = هل القدى والهينـة مـا نجيبهــــا

مسيت بالنور ياعزران .

وسبعة انعام فالقبايل اللي ذكرتها كلها معروفه , لكن مالك لوا باخراج نهد وسبق اني عطيتك الادله

اما صبيان همدان فهم معروفين من ايام الدوله العثمانيه وكان دخولهم في مسمى قحطان في هذاك الوقت

بعد كتابة وثيقه بين شيوخ اقحطان و وادعه ودخولهم تحت امرة ابن دليم كما سمعت , وارجوا من الجميع

عدم الخوض فيما لا يعلم وترى قولت معروف ماخوذ خيرها , وانا عطيتك ادله ابيك ترد عليها واحد واحد

وارجوا من الجميع عدم الخوض في مثل هذه المواضيع الا ويدرك ما يقول ((لان التشكيك بالعرب ماهي من سلوم اقحطان ))

ومن اعظم الذنوب الطعن بالأنساب !!, ولي تحفظ على قولك ((بني زيد الأصليين )) يمكن خانك التعبير ,

وان كانك تقول اقولك ان ما حفظ اصل القبايل الا العرب اللي قاعد تكلم عنهم والسلام .