هذه قصيدة للشيخ/ علي بن وازع بن شديد آل مخثله (اطال الله في عمره)

قالها عندما عـزم يوم من الايام على السفر من مقره في (نجد) إلى اماكن معينة في المنطقة الجنوبية.. هذه الاماكن يرغبها ويسافر لها كل صيف ويقضي بعض وقته فيها.. وقد تطرق في قصيدته هذه إلى وصف هذه الديار وميزاتها التي تميزها عن غيرها..

ثم تطرق إلى ماضيها المجيد بأبطالها الذين خاضوا المعارك من اجلها وحموها من الاعداء.. وقد ذكر بعض من مشاهير آل محمد (على سبيل المثال لا الحصر) ممن كان لهم صولات وجولات على ارض هذه الديار.

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هيا معي ياللي تبون المراحي=صوب الديار اللي نقي هواها

الجو صافي والمشارب قراحي=الله اكبر يانشانيش ماها

احلى شراب للجروم الصحاحي=اللي تمتع صحة من غذاها

جبالها كنها مخابي سلاحي= محكمات تختبي ماوراها

والاودية لاحولت للسماحي=تسقيه بامر اللي بفضله سقاها

بين القهر ورمالها والبراحي=ماحلى مزاياها على ماسواها

الارض خصبة والمراتع فياحي=مايشتكي نزالها من حفاها

دار لسمحين الوجيه الفلاحي=كل ابلج يوم القوامه حماها

كم عاصرو من دونها من كفاحي=وكم نزحو من طامع لابغاها

مثل (ابن جرمان العواطف مناحي)=مااكبر وقايع ضربته في عداها

بمصقلات الهند ولاّ الرماحي=ولاّ الخناجر لاتشابك بلاها

وامثال (جعمل) في نهار الصباحي=خلا حريم القوم يكثر انعاها

يوم اتّلاهم في مرب المداحي=قوم لدرب الخير ماالله هداها

و(اخوان حمسا) متعبين المشاحي=اللي نهار الهوش تعرف اعزاها

كم واحد منهم على القاع طاحي=مثل نهار (الجوب) في ملتقاها

لعيون وضحا علقوها الوشاحي=يوم ان فرسان القبايل شعاها

سبق لهم (علي) وديع الضواحي=وخاض المعارك عندها واحتماها

حوّل بشيخ القوم وسط المراحي=ورده منيع بعد ماهو خذاها

وراحت شرايدهم تهب الصياحي=متكسفين والمصايب بلاها

هذا عن التاريخ لا الاقتراحي=اقول قول اللي بعلمه رواها[/poem]

========================================

السلام عليكم


يا سلام عليك يا ناشر

والله قصيده وافيه ومن رجال وافي الله يطول في عمره

وشاكر لك توضيح معاني البيوت واسماء الشيوخ اللي فيها

لا هنت ولا تحرمنا من جديدك ومواضيعك المميزهـ


أخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

كفوا والله في ال مخثلة كلهم اخوان حمسا وال سعد والخنافر وال عاطف وقحطان كلهم

لاعدمتك يالقرم

تقبل تحياتي

بيض الله وجهك يا ناشر

انا اشهد انك مكسب لذا المنتدى ..

وصح الله لسان الشيخ علي بن وازع بن شديد ..

قصيدة رايعة ..

__________________


http://www.qahtaan.com/works/up/get....fmnp1261962149

بيض الله وجهك وشوقتنا على المصياف التثليث وبراد الجنوب

عليكم السلام

ارحب ياسعيد

ماعليكم زود الله يطول عمرك

اسعدني حضورك الكريم والمشرف لاعدمتك

تحياتي وتقديري لك

ارحب يا الضويري

ماعليكم زود

اسعدني حضورك المشرف لاعدمتك

تقبل خالص تحياتي وتقديري

ارحب يا شامان

وجهك ابيض ياكحيلان

وشهادتك مكسب لي لاعدمتك

تقبل فائق الاحترام

ارحب ياحمد

وجهك ابيض

تشتاق لك العافية ياالغالي

اشكرك على حضورك الجميل

تحياتي لك

السلام عليكم
اررررررررررررررحب يا ناشر ال مخثله
والله يبيض وجهك على هذه القصيده الجزله
وصح لسان الشيخ/ علي بن وازع بن شديد آل مخثله
اخوي ناشر :
انت مكسب حقيقي للمنتدى من خلال طرحك الجميل
للمواضيع
وفقك الله ونطلب منك المزيد

__________________