أبشر وعلى خشمي ..

أبذكرلك بعض من أمرا العشاير اللي اعرفهم وياليت عيال العم يعطونا اللي ما ذكرناهم :

الأمير / عبد العزيز بن عبد الله بن سعد بن عبد الله المسعود ( الأمير الحالي لال مسعود ولمدينة الشعراء )

الأمير احمد بن دخيل المنيفي الأمير الحالي لعشيرة ال منيف ولمدينة حوطة بني تميم

الشيخ العلامه عبدالله بن جبرين شيخ عشيرة الجبارا من ال رشيد وشيخ شمل فخذ ال رشيد

الشيخ صالح بن علي ال راشد الحديثي شيخ عشيرة الحداثا من ال رشيد

الشيخ عبدالعزيز بن محمد عبدالله ال سدحان شيخ عشيرة ال سدحان

الشيخ عبدالله بن سليمان ال منيع شيخ عشيرة ال منيع من ال حرقوص

الشيخ عبدالعزيز بن ابراهيم بن صالح العيسى شيخ عشيرة ال عيسى من ال عطيه

الشيخ عبدالعزيز بن محمد بن عبدالعزيز الحامد.محافظة القويعية سابقا وهو شيخ ال حامد من ال مسلم

حفظهم الله جميعا وما ادري ان كان منهم من مات ولاباقي وكلهم شيوخ عيال شيوخ ..

وأتمنى من اللي عنده زود يضيفه والسلااااااااام ..

أخي الكريم كان شيخ زهران بخروش بن علاس الزهراني وهو أشهر من نار على علم وصحيح قد لا يكون لكافة (زهران) شيخ شمل لكن دوس وفهم وبالطفيل وغيرهم من القبائل لها شيوخ معروفين .

علية الشحم ..

ويعطيك العافية على ما ذكرتة ..

لكن بنشدك الشيوخ اللي ذكرتهم شيختهم رسمية وبختوم والا كيف ؟؟

واللي ذكرتهم جميع شيوخ عشاير على كلامك ولا ذكرت شيوخ فخوذ كبيرة

في القبيلة كما قلت ذلك سابقا ..

لأن اللي طرها عندما ذكرت انا ان ما فية لبني زيد شيخ شمل واكدت انت ذلك

وذكرت انا ان مالهم بعد شيخ فخذ وذكرت انت ان لهم ولا ذكرت ذلك في إضافتك ..

.

بعضهم شيختهم رسميه وبختوم وبعضهم رسميه على نطاق القبيله ومن اللي شيختهم رسميه<عند الدوله>

الامير الشيخ عبدالعزيز بن مسعود امير الشعراء

ومن شيوخ الافخاذ ذكرتلك الشيخ عبدالله بن جبرين شيخ شمل ال رشيد ويشمل

عشيرة الحداثا وعشيرة الطخيس وعشيرة ال ابن حسن وكل هالعشاير يرجعون له

فالاوراق الرسميه والسلااااااااااااااام .

الشيخ العلامة عبدالله بن جبرين شيخ دين ماهوب شيخ فخذ الله يصلحك !!!!!

توني ذا الساع داق على واحد من الجبرين من ربعي وذكر لي هالكلام

والله على ما أقول شهـيـــــــــــــــــد ..

وهذا أثبات صريح ان ما عندكم شيخ فخذ ..

وش لون اسر متحضرة وعندها شيخة فخذ ؟؟ شيخة الفخذ تجي في قبايل

الباديــــــــة ..

وبعدين بدأ التخبط الواضح في فيما ذكرت في رد رقم 61 ان العلامة عبدالله بن جبرين شيخ عشيرة

الجبارا من ال رشيد ثم عندما اكدت لك انا ان ما عندكم شيخ فخذ ولم تذكرة في ردي رقم 63

بعد ذلك قمت وعدلت وغيرت انت ما ذكرت مسبقا وجعلت العلامة عبدالله بن جبرين شيخ فخذ ال رشيد

علشان تسكتني وهو في الحقيقة لا هو شيخ الجبارا وهو شيخ ال رشيد ولا تقول بعد يراجعون لة بالأوراق الرسمية اجل ههههه..

الوكاد

ان كنت تدري وتكذب فتلك مصيبةً ........... ...وان كنت ما تدري فالمصيبة أعظمُ

انا معك الشيخ بن جبرين يمكنه شيخ دين وانا ذكرت الشيخ بن جبرين لان واحد من ال رشيد ذكرلي هذا والله ماقصدي
اسكتكت ولا شي ولا كنت ادري ولبعدي عن فخذ ال رشيد((والله على ما أقول شهيد)) , لكن الشي المتأكد منه مثل ما تأكدت من اسمي تماما هو شيخة ال مسعود على فخذ ال علي كامل وكلهم تحت إمرته وشيخته رسميه وبختوم وما جتهم الشيخه كذا ما جتهم الا لانهم شيوخ وفرسان من قبل الدوله السعوديه وباذكرلك امراهم بالتسلسل التاريخي /

أمراء الشعراء:

من المعروف أن أمراء الشعراء هم من عشيرة ال مسعود وهم أبناء( مسعود بن عبدالله ) من آل علي من عطيه من بني زيد
1- الأميرالفارس / مسعود بن عبد الله بن محمد ( الضعيف ) أول أمير .
2- الأمير الفارس/ سعد بن مسعود بن عبد الله المسعود .
3- الأمير الفارس/ ناصر بن سعد بن مسعود المسعود .
4- الأمير الفارس/ سيف بن فهيد بن مسعود المسعود .
5- الأميرالفارس / سعد بن ناصر بن سعد المسعود .
6- الأمير الفارس/عبد الله بن سعد بن ناصر بن سعد المسعود .(توفي سنة 1355هـ رحمه الله)
7- الأمير / سعد بن عبد الله بن سعد بن ناصر المسعود .(توفي سنة 1401هـ رحمه الله)
8-الأمير / عبد العزيز بن سعد بن عبد الله بن سعد المسعود .(1403هـ تحولت الاماره للامير عبدالعزيز بن عبدالله لظروف)
9- الأمير / عبد العزيز بن عبد الله بن سعد بن عبد الله المسعود ( الأمير الحالي ,وقد تحول اسم امير الشعراء الى
رئيس مركز الشعراء سنة 1414هـ ) .

--------------------------------------------------------------------------------

والسلاااااااااام ..

بيض الله وجهك يا ذيب بني زيد ولا اقدر اكمل الحوار معك

لأني ما ابي احاور احد الا وهو متأكد من اللي يقولة ..

على العموم استمتعت بالحوار معك والنعمين بك وبربعك ..


وانتظر اخوي سليل زيـــــد للإكمال الحوار معة ..

السلام عليكم ورحمه الله وبركاته

اسجل حضوري ولي عودة

ووجهك يابن عاطف ولا عليكم زود ..

لكن تعليلك غير مقنع , وترى الشعور متبادل .

وننتظر ابن العم سليل ....

والسلاااااام ..

ارحب ارحب يالمنيفي بين اخوانك وبني عمك ..

وننتظر عودتك ..