[QUOTE=محمد القويفل;460040][poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
مــبــارك بــــن حــاضـــر
سعـد الله مساكـم بالرضـا و السـرور= من غلاكم . رضاكم لـي سنيـن أجمعـه
اتنشد عـن القرقـاح قـد لـي شهـور= راح مع حزب فتـح وْ ضـاع فالمعمعـه

فـــــــراج الــقـــرقـــاح
باسم ربعي وباسم واصحابنـا والحضـور= مرحبا .. وانـت واجـب علمنـا تسمعـه
الليالـي عليـنـا .. دايرتـهـا تــدور= مير مالـي ورا بعـض العـرب مطمعـه

مــبــارك بــــن حــاضـــر
البقـا يالمـرحـب و النـوايـا بـحـور= جابـك الله بعـد قلنـا مــن يرجـعـه
دام مالـك مـع بعـض العـرب أي دور= خلـه يـروح مـرواح الرشـا فسنـعـه

فـــــــراج الــقـــرقـــاح
بـارك الله رجـال ٍ (ف)الوعـد ماتبـور= يوم بن حاضر اشفى حل ً (ف)المجمعه .!!
وش تـدوّر ورا ذيـك الفلـل والقصـور =وانت مالك ريال (إ)مـن الـورق تجمعـه
مــبــارك بــــن حــاضـــر
قالوا العلـم شـاره قلـت و العلـم نـور= اشتـر القصـر يـا فـراج و الا بـعـه
لاتهـرب و انـا ماقلـت لـك علـم زور= جـاوب العلـم يابـو قصـر و الا دعـه
فـــــــراج الــقـــرقـــاح

مـن تحيّـز .. تحيّـز والمعرفـة دبـور =والعقـل لا بغيـت الصـدق وش يقنعـه
الجنايز علـى الامتـان صـوب القبـور =والعسل (ف)الخليـة بـس مـن يطلعـه
مــبــارك بــــن حــاضـــر

وش نسوي في معلم من انـاث و ذكـور =وقلـب الانسـان ليـن والهـوى ولعـه
انتبـه للعمـر دنيـاك نقـطـة مــرور =صل فرضـك و حـذراك الهـوى تتبعـه

فـــــــراج الــقـــرقـــاح
وش رصيدك مع التجار .. وقـت العبـور =كـان طاعـك زمانـك زيـن ولا طـعـه
هيه يالبـارق اللـي لاح وقـت الظهـور =البـدو تسبـرك والنـو ّ مالـه سـعـه

مبارك بن حاضر
مايزعّل كلام الصدق غير امعثور =و الوجيه الدنيّه فوقهـا الاقنعـه
هذا رايي و راي الحق في كل زور =و العلوم الطويله صارت امجبّعـه

فراج القرقاح
الوفاء للرجال الطيبين (إ)مخبـور =والوصل عندهم ممدود لا تقطعـه
دام لك راي والاسرار وسط الصدور =فالك البيرق المذكور واللـي معـه[/poem]

مبارك بن حاضر

فراج القرقاح

بيض الله وجيهكم على الابداع الذي لايستغرب من عمالقه شرواكم


لكم فايق احترامي