قصيده للشاعر حامد الجذع في امجاد قحطان

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامن تبي تكتب عن أمجاد قحطان = وتذكر تواريخ الشيوخ الأوايل
أهل المواقف يوم زوغات الأذهان = يوم الحكم سيف ورمح وسلايل
الله يعينك ياسلايل كحيلان = مهمتك صعبه ومثلك قلايل
لاشك عندك يا أبيض الوجه برهان = وعندك من التاريخ صدق ودلايل
ديارنا من نجد لي غرب نجران = ولنا ربوع من ورى حد حايل
وشرق بني هاجر ربوع ابن شبعان = يشهد لهم راكن والشك زايل
هل دقله تروي عطش كل ضميان = وهل موقف ماعاد بعده عذايل
وغرب نزل منا المدينة فريقان = الأوس والخزج وحازوا الفضايل
أنصار للمبعوث رحمه وغفران = مذكور في السنه وذيك الرسايل
قد قالها حسان في ماضي أزمان = والصدق نور والدعاية ظلايل
قبايل معروفة قبل والأن = تعز الهود معربين واصايل
ربعي عبيده والجحادر وسنحان = ورفيده وجمع الحباب الهوايل
وبني بشر وشريف ماني بغلطان = هل قالة عليا لما ظال ظايل
منا ابن هادي واللبده وابن سفران = ومنا مروية السيوف الصقايل
والشيخ ابن هادي تقدم لعربان = شيخ تعدل حكمته كل مايل
شيخ تطوع صطوته كل فسقان = وربعه هل الطالات يوم القتايل
والشيخ شالح والفديع ابن هدلان = فرساننا يوم اقتتال القبايل
هل صبحة يشبع بها الذيب سرحان = يشهد على قولي عيال الحمايل
والخوة اللي بينهم شانها شان = قدوة وذكر ينقله كل قايل
رمز الوفاء والطيب من بين الأخوان = والعزوة اللي تجعل الراس طايل
لا قال ابن دراج ثم ثار دخان = راحت خيول القوم منهم جفايل
خنافر تارد على الموت شجعان = وجحادر تاطا على كل عايل
وذيب على اسمه ذيب من روس فرسان = له موقف يشفي الكبود الغلايل
كسب الأصيله واشتهر طير حوران = وعمره عشر واربع عديم الخصايل
دون إبل بوه موقف قبل الأذان = حتى انصرف عنها سموم القوايل
صد المغيره ذيب والحظ له زان = وكسب ونعم واحمر الدم سايل
وبره يسولف فيه حضر وبدوان = عساه للجنة وبرد الدبايل
زيد ابن شفلوت له المدح عنوان = على قرارة نجد جاله فعايل
شهد له ابن فهيد بالفعل وكدان = ماني بقايل قول ماله حصايل
ومنا ابن حشر وموقف الشيخ قدبان = مع الموحد يوم قدح الفتايل
وابن رشيد اللي منا زله برزان = الضيغمي فعله قديم وهايل
ومنا المهادي نوابن غيده ودبران = أهل المواقف كاسبين النفايل
وابن سعيدان آل عاطف وجبهان = وفراج بن ريفه حميد الشمايل
ومنا ابن شري والجذع وابن فردان = ومنا المرحب والفشق له مخايل
وابن دليم وابن عبود شيخان = وأبن حويل اللي للأمجاد نايل
وجراب والمدرس وذيب ابن عردان = وجديع والعماج روس وزحايل
ومنا ابن جافل وابن سلمان زبران = وذيب بن قنطاش صبي الصمايل
وراعي السويد محمد وابن كزمان = يوم اعتزى جاء القوم منه نكايل
وحاتم وابن معدي كرب جود وسنان = أمجادهم سولف بها كل جايل
وابن مريحه وابن داهك وشهوان = ومنا آل عشتل محتمين الحلايل
ولنا سلوم تطلق وجيه وإيمان = ساروا بها العربان فوق الرحايل
دون الخوي والجار والضيف والعان = والشاهد الله والفعول الطوايل
وجيرة حقيب يوم في الوجه مالان = وقصرة محمد يوم صارت مثايل
ودون الخوي قام ابن محسن ولاهان = فيه اقتضى عشرة وخاله كمايل
هذه مآثرنا وكل له لسان = والنار ما تقدح بليا شعايل
واللي عن فعول المطاليق عميان = ماني طبيب للضعوف الهزايل
تشهد مطير ويام وجموع عتبان = يوم القنا والرمح والخصم صايل
ذاك الزما اللي به الموت عزران = ويميز الطيب من أهل الفشايل
وبيت بلا ساس ودعايم وعمدان = لي هبته ريح يجيك متمايل
والناس يفرقها الشجاعة والإيمان = وجود لما شحت يدين البخايل
ولا فلان اسمه على فلان وفلان = الاسم واحد والفعايل سهايل
موجز بسيط فيه ذكر عرفان = لاهل القعول الوافيه والجمايل
وكل القبايل كامله دون نقصان = مثل الجبال النايفات الوحايل
واللي نسيت العذر من كل إنسان = الكامل الله والعفو في الزلايل
كم من عقيد ماضي الوقت قد كان = يثني نها ر فيه يبس البلايل
واليوم في عهد السعد أمن وأمان = حكم الشريعة مانبي له بدايل
عهد الملوك مرجحة كل ميزان = حكامنا آل سعود نعم السلايل
الله يديم الملك ويعز الأوطان = ويزيل من ينووننا بالدغايل
وختامها باعداد ماهل ودان = على الرسول أزكى صلاة ونفايل[/poem]

المصدر / ديوان الشيخ شالح بن هدلان

__________________

الله يجمل حالك و لا يهنيك

هلا والله بابن درعان

لاهنت اسعدني مرورك العذب

جعلني ما اعدم راسك

__________________

بسم الله الرحمن الرحيم
السلام عليكم ورحمة الله وبركاته


صح لسااااااااااااااااان الشاعر


والله يبيض وجهك

__________________

اررررررررررررررررحب يا ابو علي


الله يبيض وجهك على النقل الجميل والرائع

قصيده جدا رائعه

والله يبيض وجه قايلها عزالله انها قصيده جزله ولا في قمة الجزاله


خالص شكري وتقديري

اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

ونعم بكل من ذكر

ولكن ألم يسمع الشّاعر بــ فرسان وشيوخ ال العبد

واللي قد يكون هو أعلم منّي بهم لــ درايته وحكم النسب بيننا وبينهم

والجوار ..

وغير ال العبد

على العموم لاهنت يا ابن مسفر


تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صح لسانك أخوي علي وصح لسان قايلها وتاريخنا أبيض دائماً وأبداً بإذن الله

وتقبل خالص تحياتي ،،،