ألقيت هذه القصيدة بمجلس سموه عندما كان أميرا لمنطقة عسير وبحظور جمع غفير من مشائخ قحطان وأعيان قبيلة بني بشر والقبائل الأخرى.

[poem=font="Simplified Arabic,6,black,bold,normal" bkcolor="transparent" bkimage="backgrounds/2.gif" border="solid,medium,black" type=1 line=1 align=center use=ex num="0,black"]
ياسيدي خالد كريم السبالا=حثيت سيري والخطى في قدومي
أشفق على شوفتك شفق الطلالا=لصقورها يا ذا الأمير الشهومي
إليا نظرتك جرح حالي تشالا=وإن غبت عن عيني حدتني همومي
فيا سيدي يا سيدي ذو المعالا=يانسل فيصل يا لأمير الرحومي
شوفتك كانت في خيالي خيالا=لا والله إلا حلم وأكبر حلومي
واليوم شفتك يا حميد الخصالا=واقف قبالي ليس حلم بنومي
فيا بحر شعري هج وهات الجزالا=خل المراكب وسط غبك تعومي
إن ما تهيج وترتكي للثقالا=منك أتبرى ثم أشقق هدومي
أبيك توفي الصقر بأجزل مقالا=اللي على روس النوايف يحومي
اللي شكى مدهله روس الجبالا=قالت علامه دايم (ن) لي يرومي
فقلنا الصقر يرقى الجبال الطوالا=ويكفخ بجنحانه جميع الخصومي
صقر أنشلع من راس صقر القذالا=فيصل ولد عبدالعزيز الصرومي
أبها البهية زادها الله جمالا=في عهدك الزاهي زهت كالنجومي
من شافها جاله براسه هبالا=ويصبح متيم في هواها غرومي
إسهولها زادت بهاها دلالا=وإجبالها تعانق بعاد الغيومي
ينشي عليها كل يوم (ن) مخالا=وتمطر مزابير ودقها زخومي
نعايم الله عل الجنوبي تتالا=وأقول أنا يانعمت الرب دومي
ياسيدي بأعطيك علمي بوثالا=وأرجوك تتقبل وتسمع علومي
جيتك من بلاد إقحطان بعجالا=أعايدك بالعيد يا ابن القرومي
فعيدك يعود وحالك بخير حالا=وأفراحكم يا علها كل يومي
الحمد لله ربنا ذو الجلالا=اللي وهبنا عيال عود حزومي
بنو الوطن حتى أعتلى ثم تلالا=وأصبح ينافس عاليات الرقومي
غدو لنا ظل ظليل الظلالا=ظل يظل إمن الشموس وسمومي
وأما المعادي وأهل فكر الظلالا=فتعمى عيونه مذ ذريح السمومي
نفدي الوطن بالروح وأغلى الحلالا=أنا وربعي دون حده طقومي
قحطان ربعي وأفتخر يارجالا=وأكبر فخر أن بشر بن حرب قومي
حن للوطن جند (ن) براسه صمالا=يصمل على الشدة نهار اللزومي
وأنتو لنا يا ملوكنا راس مالا=والذخر والعزوة وقدح اللغومي
بجلوسكم نجلس جنوب وشمالا=وبقيامكم إي والله إنا نقومي
أنتو لنا وقت الشدايد نبالا=وإحنا لكم يامن بريتو سهومي
عل الحد سنينا حديد السلالا=وبحد سلتنا نشن الهجومي
حرابنا ياكل هشيم المدالا=وإحن الضواري آكلات اللحومي
نطمر بساحات الوغى والقتالا=نطمر كما طمر الجواد العزومي
ونروي السيوف المرهفات الصقالا=بدم الحريب اللي حدته الغمومي
نلد النظر للي يسالم ووالا=ونامر سيوف الحق عنه تصومي
ما نقصمه قصم اللذي ما يزالا=معادي وحراب (ن) ونفسه تزومي
صديقنا يبشر بنا بكل حالا=وعدونا أنفه بفعله رغومي
صغيرنا أشجع من ظواري الدغالا=وكبيرنا أرسى من رواسي الرجومي
مدلول قولي راسخات الفعالا=اللي إرسخت من عهد فرس (ن) ورومي
أستغفر الله ما أدعينا الكمالا=الكامل الله رب كل العمومي
فيا هيه يا حاسب وطنا هلالا=أما وإنك في الحقيقة غشومي
هذا الوطن بدر (ن) علا وما تعالا=بدر أكتمل وإمن الهلال إمحشومي
في عهدكم وصل المنا ثم نالا=يا لسعود ونهضته في قدومي
هاج البحر وأعطى الفرات الزلالا=في ذمتي حق عليه ولزومي
لأنك أمير (ن) للبحور الهوالا=تميز أجاج وعذب بحر النظومي
القاف شاب ونوخت به جمالا=وأخاف أنا لا شاب يصبح سقومي
ثم ينقصر وصفه وحبك المقالا=ويصير برطمه المفوه شرومي
المعذره لا قصر أجزل مقالا=في وصفكم يا إبن الإمام الحزومي
أنا بشر والله وحيد الكمالا=عن الخطا والنقص ماني إمعصومي
وإختامها صلاة ربي تقالا=على النبي بعداد زخ الغيومي[/poem]


,,,,,,,,,,,,,,,,,,,,,,,,,وسلامت الجميع ,,,,,,,,,,,,,,,,,,,,,,,,,,,,,,,