[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
خالد الحصين :=
سمعت اللي سمعت .. وجيت فازع والقلوب صحاح=ابا اسلم علـى ربعـي واصيّـف فـي مصايفهـا
يقول اللي يسولف لي .. ترا خولان هو مضـواح=وانا ماني مصدّق .. والعـرب كثـرت سوالفهـا!
خولان بن عامر :=
سمعت اللي سمعته. بس ريح خاطرك وارتاح=ياشاعرنا الكبير اللي بيوتك كيـف اوصفهـا
مادام انك عرفت العلم علم صاحبـك سـداح=تعالونـا وزونـا علـى ابهاهـا وطايفهـا
خالد الحصين :=
انا وشلون أبامن منك .. وعلومك خـرز مسبـاح= لكـن عضويتـك يـا صاحبـي والله لا اوقفـهـا
لا تحرص وازهل الرحله .. وانا الكبتن وانا الملاح=ما دام القلب دون القرم .. لا يسهـى ولا يفهـى!
خولان بن عامر :=
تخيلّك سحابة صيف والبراق فيها لاح=لكن الارض من بعد المطر.. اذا انتهى شفها
ياخالد لو تزعلني كسرت القفل والمفتاح=وسقت البكره اللي وسمها يزهى سفايفها
خالد الحصين :=
ما يملا العين .. غير ان شفت عدٍ مثل عد رماح=ولا عـدٍ عليـه الضاميـه تيبـس شفايفـهـا
ابا ازعّلك بالعرموط .. ثـم ارضيـك بالتفـاح=عسى عينك تحبس الدمعه الزرقا .. وتذرفهـا!
خولان بن عامر :=
ما يملا العين غير اذرورهـا والمـوس ابـو تمسـاح=يـمـر اجفونـهـا واهدابـهـا حـتـي يخفـفـهـا
رضى الله خير من مرضى الصديق السارق المزاح=يصرّفهـا ليـا مـاصـاد لــه حيـلـه يصرفـهـا
خالد الحصين :=
اظن الموس ما ينفع مع اللي في ايديه سلاح=لا تمشط لحيةٍ .. أدنات مـن جاهـا ينتفهـا
رضى الله خير .. لكن منت ببعيدٍ عن القرقاح=بني عم ونشاما .. والله اعلم مـن تطرّفهـا!
خولان بن عامر : =
ترى مايعرف الظمني مفرح غير ابن شلاح=وباقي الناس مالقيت لها نـاسٍ توظفهـا
بغيت اكسب لكن المال راح وراحت الارباح=وراعي الدله الصفراء على ناره يشهفهـا
خالد الحصين :=
اعرف انك تبي تجحد لكن نور القمر وضّـاح=يا راعي النخله اللي لا حداك الجوع .. تخرفها
مافيه الا تسجّل عضو .. في جمعيّة الاصـلاح=وهي جمعيّةٍ للي بساط الفقـر .. مضعفهـا!
خولان بن عامر :=
تقوله وانت قبل العام لاغبشه ولا مسراح=عليك الله واكبر كيف تكتبهـاا وتحذفهـا
انا لاجعتت ياخالد انا فّلاح ابـن فـلاّح=ابا اللقا عيشتي لكّن بعض الناس نعرفها[/poem]

__________________