[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله الرحمن الرحيم

بسم رب البيت نبدا بالمعاني= ربنا الدايم وما سواه فاني

يا اله الكون خلاق البرايا= ياعظيم الشان مالك ند ثاني

نطلبك يالله عفوك والمغفره = والطمع يارب في خضر الجناني

بعدها باقدم اشعاري نصيحه= من صميم القلب ترجمها لساني

والنصايح غاليه من يشتريها= بس بهديهاعلى قاصي وداني

يالبنادم ربنا يعلم بسّرك = يعلم اسرارك خفا ولا بياني

اتق الله في جميع معاملاتك= دام عمرك يافتى ماله ضماني

لاتمادى في المعاصي والمصايب= ماحد يضمن حياته لو ثواني

والصلاه اهم شي في حياتك= لا تأخر بعدما تسمع الاذاني

هي عمود الدين نور في جبينك= ساسها الايمان والسبع المثاني

والصيام لربنا صحه وطاعه = وحظ منهو تاب في شهر رمضاني

والزكاه تطهرك وتصون مالك= رزق غيرك في زكاتك يافلاني

وحج بيت الله لمنهو يستطيعه= يستعي ويطوف بالركن اليماني

وطاعة الوالد تراها اكبر غنيمه= والحساني ماجزاها الا الحساني

خل ابوك يكون راضي عنك دايم= لايقول ابني ربيته ثم عصاني

والرسول يقول امك ثم امك = امك اللي كلها عطف وحناني

امك اللي ترضعك عامين وكثر= وامك اللي ضمتك بين المحاني

وطاعة والي الامر في مرضاة ربك= واجبه والله ذكرها بالقراني

ولا تخاوي كون شغموم مجرب= مع هل الطالات له هيبه وشاني

خّوه اهل الطيب لك عز وشهامه = وخّوه الرديان تاليها الهواني

ولا تزوج كون من روس العشيره= بنت قرم بين قومه له مكاني

والردي خله ولا تخطب بناته = لا تغرك بالحسن بنت الجباني

قلتها ونا حبابي من قبيله = من هل الطالات ذربين اليماني

جدنا قحطان يرجع له نسبنا =وفعلنا يبقى على طول الزماني[/poem]