هذه قصيدة للشاعر "ناصر ابن شبيب الجيطاء القحطاني" ألقاها أمام صاحب السمو الملكي الأمير مشعل بن عبدالعزيز آل سعود خلال مزاين ابل قبائل قحطان.
وهي هنا نصاً ومقطع فيديو من خلال الرابط التالي:
هنا الفيديو


[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الألف. أببدأ للرجال بتحيــــــــــــــــــه=تـــــحية الإسلام والنار حـــــــــــــــــيه
سلام يا أهل الطيب وأهل الحميــــــــه=يا أهل الوفا والجود في كـــــل ديــــــره
والباء. برحب دامني في محلـــــــــي=بأقوم أرحب بك يا مشعل وهلــــــــــــي
يا بن المليك إلي إذا جيت أصـلـــــــي=ادعي عسى الفردوس الأعلى مصـــيره
والتاء. ترى عبد العزيز أومجالـــــــه=ملك ملك كـل الجزيرة لحالــــــــــــــــه
ومن كثر ما نغليه نغلي عيالــــــــــــه=والله ما ننساه صـقر الجزيـــــــــــــــرة
والثاء. ثبت حكمه بحكم الشريعـــــــه=يحكم بقول اللــه وسنة شفـــــــــــــــيعه
ويبذل لفعل الخير ما يستطيـــــــــــعه=صقراً وخلف له صـقور شطــــــــــيرة
والجيم. جمله الوالي بالجمـــــــــــــاله=قــرمــاً كريــم ظـاري بالشـكالــــــــــه
مثل السحاب إلي صدوق خيــــــــــاله =وعــطاه يـاصـل كـل يـد فـقيــــــــــــره
والحاء.حقيقة ما نسينا جميــــــــــــله=عبد العزيز إلي يـشيل الثقيلـــــــــــــــه
ملك وفارس في نهار الدبــــــــــــــيله=وشعبه مـعه في الجـهر ولا السريــــره
والخاء. خلقه الله للأعدا عقوبــــــــــه=لا قام عدوانه يقولون توبــــــــــــــــــه
وبنا بلاده طوبت فوق طوبـــــــــــــه=في وقت ذي منكف وهذي مغيــــــــره
والدا. دعا للخير والأمن والســــــــلم=وضرب على أهل الشر والغدر والظلم
وبنا المساجد وامن الناس بالعــــــــلم=له نظرة في وضع شعبه بصيــــــــــره
والذا. ذكرنا إلي رفع راية الديـــــــن=ابن الملوك إلي يعين المساكــــــــــــين
يا لله عسى الفردوس منزاله آمــــــين=إلي في درب الخير بين مسيـــــــــــره
والراء. رقا للحكم من عقبه ســـــعود=راعا الوفاء والطيب والخير والجــــود
ملك كريم وكل خلق الله شــــــــــهود=لامن عطا يعطي العطايا الكبـــــــــيره
والزاء. زها للحكم من عقـــــبه أخوه=فيصل ولد عبد العزيز وعرفتــــــــــوه
سياسي ويمشي على منهـــــــج أبوه=حكيم كل أهل الحكم تستشيــــــــــــــره
والسين. سلم عقبه الحكم خــــــــــالد=والخير عم الناس والله شاهـــــــــــــــد
والخير في حكمه مع الناس واجـــــد= ومفتوح بابه للوجيه السفيـــــــــــــــره
والشين. شال الحكم عقبه سيـــــاسي=فهد فهد مثل الجبال الرواســــــــــــــي
إلي وعد جابر بوقتٍ قياســــــــــــي=ثم رد له حكمه وبشر قصيـــــــــــــره
والصاد. صار الحكم عقبه لأبــــونا=عبد الله إلي للجمايل زبـــــــــــــــــونا
ومبايعينه سيدي كل أبـــــــــــــــونا=وشعبه جنوده تحتزم بالذخيـــــــــره
والضا. ضفا خيره على كل من جاه=هذا المليك امبايعينه ونرضـــــــــــاه
يعيش أبو متعب راعا العز والجـــاه=طيبه على شعبه وهذا عبيــــــــــــره
والطاء. طويل العمر ما قال قد صار=خفض لنا البترول بأقل الأسعــــــــار
ومن شان شعبه تتعبه كثر الأفكــــار=يبر شعبه دائما بالبريـــــــــــــــــره
والعين. عينه حط شعبه بعـــــــــينه=ويالله على درب الفضيله تعيـــــــنه
والشعب شعبه دوم رهنت يمـــــينه=ملك على كل العرب فيه غيــــــــره
والغين. غيره لو تطول الســــنيني=غيره على الإسلام والمسلميـــــــني
والخير من يمناه دايم يبينـــــــــــي=ولا على أهل الشر شرٍ شريـــــــره
والفاء. فهمنا ما حصل منه تقصــير=ابن الملوك إلى تقود الطوابـــــــــير
ملك ملك يرسي على الشر والــخير=حكم بحكم الله وريح ضمــــــــــيره
والقاف. قام وقف بوجه الإرهــــاب=ابن الملوك إلى يفكون الأنشــــــاب
شجيع رأس ومن طويلين الاشــناب=وقف هل الفتنه بالارياء البصيـــرة
والكاف. كرم شعبه بكل حــــــــاجه=إلى ليا جيناه يضحك حجاجـــــــــه
وحكيم رأي ويعجبك في الــــمواجه=ملك وتدعي له شعوب غفيـــــــــره
والام. لا والله ما نعصـــــــي أمرك=دامه بحد الشرع فبشر بنصـــــرك
ولي الأمر وطول الله عمـــــــــرك=آمر نطيعك في الأمور العسيــــــره
والميم. ما والله نخون المعازيـــــب=ملوكنا آل سعود عطب المضاريب
ملوكنا إلي مدوا الخير والطيــــــب= ورأسٍ بلياهم عيونه ضريـــــــــره
والنون. نحلف حلف والعالــم الرب=حنا مع آل سعود في السلم والحرب
ودربٍ يبونه والله انه لنــــــــا درب=ويجعل من يكذب بنار سعيــــــــره
والها. هل العوجاء ولدهم يجي شيخ=تشهد لهم كل القصص والتواريـــخ
عاشوا هل العوجاء ملوك مطانيـــخ=تقدم ولا تخشى الدروب الخطيــره
والواو. واقف شاعرا بيرقي بـــــان =قبيلتي ساس العرب نسل قحطــان
ما منهم إلي في العهد عاهد وخـــان=قحطان تشبه للبحور الغزيــــــــره
والياء. يا أبو متعب نجدد عــــــهدنا=وقحطان لا منا وعدنا و عــــــــدنا
ومبايعينك يا أبو متعب ملكنــــــــــا=وحنا لكم وافين في كل ديــــــــــره[/poem]

صح لسان الشاعر ناصر شبيب


شاعر معروف ومبدع في النظم والمحاوره


ولاهنت يادبسان على نقل هذه القصيده


مشكور والله يبيض وجهك

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

صح لسانك اخوي دبسان


وصح لسان قايلها



ولاهنت على النقل

بيض الله وجهك يادبسان علي نقل هذا القصيده الرائعه
وناصر بن شبيب شاعر معروف في المحاوره والنظم
ويستاهل الاعجاب والتقدير

لك شكري وتقديري

__________________

لاهنت يا دبيسان على نقل القصيدة

وصح لسان الشاعر

قصيدة جزلة ومن اشهر القصائد التي قرئتها

تقديري

الله يعطيك العافيه يادبسان ولاهنت


على هالنقل الطيب وصح لسان الشاعر قصيده طيبه




ولك تحياتيييييييييييييييييييييييييييييييي

صح لسان الشاعر ناصر شبيب




ولاهنت يادبسان على نقل لهذه القصيدة


يعطيك العافية أخي الكريم

__________________

الأخ العزيز دبسان

قصيدة رائعة وجزله ومذهله

تستحق الإعجاب والتقدير

ولك شكري واحترامي

__________________
اللـهـم
اصلـح لي ديـني الذي هـو عصمـة أمـري
واصلح لي دنيـاي الـتي فيـهـا معــاشــي
واصلح لي آخرتي الـتي فيـها مـعـــادي
واجـعل الحيـاة زيـادة لي في كـل خــيــر
واجـعل المــوت راحــة لي مـن كـل شـــر


ازا مر زمان ولم تروني ,,, فهذه رعصاتي على الكيبورد فتذكروني

صح لسان الشاعر


و بيض الله وجهك على النقل الرائع


و من اروع القصائد التي مرت علي


دمتم بود جميع

صح اللسان ناصر بن شبيب

قصيده كفو

لاهنت يالعاطفي

اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم