[poem=font="Simplified Arabic,5,black,bold,normal" bkcolor="black" bkimage="backgrounds/18.gif" border="double,thick,black" type=4 line=0 align=center use=ex num="0,black"]

ياعلي مشكور ومجمّل وشبرك وافي =كل ضلع مدهل(ن) لاهل الجميل تذبّه
شاعر وصليب راس ومن عرب وسنافي =والبنادم يجتهد والباقيه من ربّه
ودّي تبرّك يابو فيصل شرايد قافي = (كل بيت ندخله نعرف مخازن حبّه)
من يعرض الجاه عند الارمله والهافي =راح جاهه قشّة فوق الهبوب تهبّه
ومن يسّل السيف بشماله ماهو سيافي =لو تعرّض غصن من شجرة ما جبّه
ومن يدوّر للحميه في طرف خوّافي = ما لقاها لو هواجيس الشقا تلعبّه
وانا ياشوق البني ثوبي نظيف وضافي =والدسم ما يلبق الاّ في شنب من ربّه
من رجال فعلهم يوم السنين عجافي =في نهار يكتسيه الشرّ من لا حبّه
لا غدا لي راس مال وحافظ ميقافي =وان سبحت البحر اجيب اللولو من الغبّه
ماخذ قسمي مع اهل الطيب والعرّافي =والفخر مقباس نار باليمين اشبّه
لو سمعت الناس ما حقّقت نصف اهدافي =ولا جردت السيف للعاصي وقمت اضربّه
وان تواجهنا وصارن الثقال خفافي =فاعلم اني ما ازرع من الحبّه اكبر قبّه
غيّرت الايام فكر معمّر القذّافي =وبان جرح في صلعة راسه وحصّل طبّه
واغسلوا مخّه لو ان جسم الغبي متعافي =لين صار النجم فوقه يمدحه ويسبّه
وانت كانك ما تعيش بمبدأ الانصافي =ما عطيت الادمي حقّه لوانها جبّه
خير لك تاطا على الجمره ورجلك حافي =ولا مجلس تدخله عاني ولا تحسبّه
اعتبرها جرة (ن) غطّا عليها السافي = واخذها درس مفيد فالحياه منبّه[/poem]

الشاعر /سعيد الفهري

[poem=font="Simplified Arabic,5,black,bold,normal" bkcolor="black" bkimage="backgrounds/18.gif" border="double,thick,black" type=4 line=0 align=center use=ex num="0,black"]
مرحب ترحيبة تكسي الضعيف أللحافي=صوتها يوقض صد يع ألراس دون منبّه
ما تسلفها ولا جت لي على الصرافي= ورث جد وارثه والورث غيره كبّه
بالخطاب اللي لفاء خافي وشرحه كافي=فيه نيران العتب بالمعرفة مشتبّه
من صديق صادق قدمي ما هوا بخلافي=شاعر مبدع وفي نظم القصيد أعجبّه
يا سعيد الفهري الله عالم بالخافي=ما نذم الرجّل لامنه أعتذر ونّسبّه
يعتبر في نظرتي من مبدأ الأجحافي=نعذره في الأوله عذر ولا ننشبّه
أشهد أن ما يلحقه منا ملام وقافي=كل من جاء عند بابه له طلب رحبّه
لين تعب وضيع العارف من ألعرّافي=وابتلش في خوخ وادي فاطمة وعنبّه
ولا مثله طير حر يظهر المشرافي=والجميل يحب يسعى له ولا يغصبّه
وأنا يا خذني على فعل الجميل أشعافي=لين جاهي دون وجهي يالشلي ما حسبّه
كم وكم شيخ عرض جاهه حسب لعرافي=دون وجهه يا سعيد ولا قضى له نبّه
وأنت من دعوى عبيدة متعبة لحفا في=مجدهم يذهل نديم الحرف لوّ يكتبّه
والفهر ربعك رجال يكرمون اللافي=وأنت سيف دونهم فعله يشابه صبّه
شاعر مبدع ولاكن خل قلبك صافي=واللي تكسبّه على مر الزمان العبّه
أحبك الخطة ولا تلعب على الأطرافي=والفريق اضبط دفاعه والهجوم أغلبّه
ولا أنا ما همني إلا حبكة المحرافي=كل ما يطرب فطاحلة القصيد أطربّه
وأعتبرها عارض صحي وقل يا كافي=بصمة الرجال ما تعرف بدون أصطبّه[/poem]

الشاعر/علي البورعي




بيض الله وجيهكم وصح الله ألسنتكم وجعلكم تسلمون شعار كبار وصوت وصدى ولا أروع منه

سعيد الفهري وعلي البورعي الشهاده فيكم مجروحه وأنتو أشهر من علم

ولكن لي عتب بسيط وهو لا عاد تبطون علينا نفداكم

تقبلوا تحياتي وتقديري

أخوكم / أبو عساف

__________________