السلام عليكم ورحمة الله وبركاته :
اخي العزيز عايذ
الذي اعرفه واسمع به من كبار السن من قحطان والبعض من عتيبه
ان قبيلة الشيابين لا يرجعون في قحطان وهذا هو الصحيح .

السلام عليكم ورحمه الله وبركاته
وبعد

سالت احد زملائـي من قبيلة ( الشيابيـن) ومن فخذ القرافيـن بالتحديد
وقلت له كل مادار من نقاش بان الشيابين يرجعون في ال سعد
(شايب وشيبان) وانهم اخوان وافترقوا ووووو........

فقال لـــــــي : هذا غير صحيح إطلاقــــــــا
والمشكلة ان هذى السوالف انتشرت عند اغلبية الناس
والصحيح هــــــــــو :

قبيلة الشيبابين ليست من عتيبة بالاصل
وانما هي فخذ من فخوذ قبيلة ( ثقيف )
الحجازية ومواطنهم القديمة (سيسد والحوية والطائف)
وتحالفت مع قبيلة عتيبة ,, كمــا هو معروف
فالحلــف .

مثلهم مثل /

برازات مطير اصلهم ( سهول )
عرينات سبيع اصلهم ( تميـــم )
وووو......................

بالحلــــــــف


والله اعلــــــــــم

__________________

الشيابين سمعت يا اخوى انهم من ال سعد وهذا الموضوع سمعت من ال سعد من ال حصين من ال سعد وان الشيابين يرجعوان من ال سعد وان القصه ان امهم كلها الذيب وعيرهم ثم شدوا الى عتيبه وخذا نسب فيهم وسلامتكم هذا الي سمعت من ال حصين وشكرا

__________________
ابن ضيطان

يا ناس ابك انا شيباني ولا انتم عرفين اصلي اكثر مني
ابك حنا قبيلتنا من دون عتيبه وبعد ما هزمن كسرى مع هوازن قبل تسمى عتيبه واضا القصه مشهوره وله مسلسل على القنوات وفراسانه باسماء الشياين صار حلف بين الشيابين وهوازن اللي هي عتيبه ومن ذاك اليوم وحنا مع اعتيبه
وانتم ياعوال الشايب تكثرون الكلام

اذا ان الشيابين يرجعون في قحطان فهم من يقوله مهوب الواحد ينقز ويقول الشيباني ولد عمي وفي الاخير يقوله الشيباني قم بس قم ماحن منكم
والصحيح انه اذا انهم يرجعون في قحطان فهذا فخر لهم

بعدين انت ياللي تقول الشيباني يقرب لي اكثر من القحطاني ليتك ما قلتها هنا عندنا والله ما درو عنك الشيابين
لا تلحق المقفي

الأخ عايذ حياك الله


الشيابين ليسوا من جد واحد شأنهم شأن بقية عتيبه وكثير من قبائل جزيرة العرب .
ولكن قسم من الشيابين يعود في آل شايب ويقال أن أهم فرع يعود لقحطان هم الفهيدات وسمعت من آل شايب أن هناك بينهم وبين الشيابين فيما مضى فزعات ونجدات في مواقف حصلت على الشيابين واستنجدوا بآل شايب وهذا ما أكده لي بعض رواة الشيابين أثنى بحثي الميداني في جمع مادة كتابي الذخيرة في أنساب قبائل الجزيرة .

واللي فهمته ولا كتبته من آل شايب والشيابين أن نزوح الشيابين (فرع) لا يخلوا من المغاضبة والله أعلم .

يفترض عدم النقاش في المواضيع هذي

الحيد اخف من الجبل

ان كان نسب الشيابين يعود لقحطان فهم المعنيين باثبات ذلك وليس العكس

لو يحذف الموضوع تسوي خير يا المشرف

عشت يا الضويري وعلى فمك الشـــــــــــــــــــــــــــــــــــــــــــــــ ـــحم

أرحب بالجميع
وترحيبة خاصة للضويري على فكره وطرحه اللي يطرب الخاطر ، من غير قصور في الجميع