abu jabar

I 'm really sorry if i bother you

الترجمة.ــــــ

أقول روح شف المجلس الانجليزي...كيف شغال......

ماعاد نلحق نرد على الاعضاء ومواضيعهم المميزه.....

وثاني شئ...بدال ماتضحك على المجلس ......روح شارك فيه وحركه...تراه مجلس واحد من مجالس قحطان..اللى هو واجهت قحطان

الاكترونيه وأنت من أ عضائه المميز فيه.

تحياتي لك يالفتيله.

__________________

ههههههههه ابن خرصان عصب

خلاص يابن خرصان والله نزورك انت وهاني هناك

الا وش اخبار هاني

انا قريت في الرسائل الخاصة مرسل لفارس قحطان يقول ليش عطيتوني هالعله

ابن خرصان كل شيء الا ابو جابر

هذا حبيب الكل وزهر الفل

لكن ابشر بسعد والله اني اقول كل شيء بروح هناك وانشغل

لكن انت غالي يابن خرصان ومجالس قحطان غاليه

وابشر بعزك كم عندنا ابن خرصان

المهم لاتزعل علينا

( والله اني اخلاق واحسب اني ملقوف)

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

منصور

وش تبغا انت

أنا قاعد أكلم ابوجابر...

لانه رجال يستاهل اللي يساعده يتعلم شويت لغة..

أنت بس أطلع منها.......(ماتقول ...عودنا لطير ياللي)

أشتاق دايماً لمناحاتك..يالنشبة

ويعلم الله أنها من معزتك يالملقوف...(.أنت اللي تقول)

__________________

منصور العبدالله


عيني فلا هلت يالخوي الوافي

ما رضيت تشوف هذا الكائن الغريب ألي جاي من الارض المهجوره

مجلس الغه العنقلينزيه

يتكلم علينا وتسكت



تحذير

ياشباب الاستراحه

أحذركم من معرف مكتوب

باللون البنفسجي

أسمه أبن خرصان

هذا يجي الاستراحه يبي يغرر بصغار السن وقلال الخبره

وياخذهم عنده في مجلسه

ومن وسائله في التغرير بالناس :

1_ يقوم بأستغلال قدرته الهائله في التنكيت وتوسيع الخاطر لكسب ثقة الناس.

2_ يتمسكن لين يتمكن.

3_ له عملاء في الموقع يجيبون الاخبار بحيث أنك لو تكتب أسمه في أخر الدنيا جا يرد عليك.

4_يمتلك قاعدة بيانات كبيره يجمع فيها زلات الاعضاء ووأستهبالاتهم يذكرهم بها بعدين .

5_يمتلك سيره حسنه في الموقع وصداقات معى مشرفين الاقسام.

6_ مهايطي ويهايط حتى في أمريكا ولو تقول له كيف حالك قام يهايط.


هذا ياشباب ألي أسمه أبن خرصان أنتبهو منه

تروه يبغى يعلمكم أنقليزي ويخرب طبايعكم

يجي الواحد لما قام من سفرة مضيفه

بدل ما يقول جاد الله عليكم ولا الله يغنيكم


يقول ثانكيو على الذبيحه

ويضيع مجد قحطان العريبه

تروه قد بغى يخرب طبايعي بحجة تبادل الخبرات زمااان

أنتبهو

ولا حد يعلم له أني علمتكم ذا الكلام

شوكرن

__________________



لأستشاراتك القانونية أضغط هنا
لوجه الله تعالى

ههههههههههههههههههههه يابو جابر

كفو والله

على راسي يا شيخ والله

الله يبرد كبدك بنعيم الجنه ابردت كبدي في ابن خرصان

ابن خرصان

انت مشرف جدا متعاون وش رايك نتبادل الخبرات

يعني تعطينا اثنين من أفضل كتاب المجلس اللي انت فيه

ونخليك تقعد معنا ببلاش ( لايفوتك العرض )

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

لاهنت يامنصور على الرسالة الخاصة...

ولكن ليش مستعجل.... أنا عندي مصادري الخاصة اللي تعلمني من اللي تكلم علي في غيابي...على العموم الف شكر على التنبة


نرجع لمحور القضية...

أبو جابر وما أدراك ما أبو جابر

أنا لن أتطرق وأتحدث بنفس اسلوبك و اسرد مواصفاتك الزينه والشينه ..الجذابه والمنفرة...المقربه والمبعدة.....(وعز الله أنها واجد)

ولكن سوف أجعل للأعضاء حرية المشاهدة والاختيار

وهنا أحب أن أرد على كلامك الذي شوهت به صورتي أمام محبيي.....( واحد صدق نفسه أنه مشهور)

أنا واعوذ بالله من كلمة أنا ...حبيت أن أفيد أخواني واسهل لهم دروب العلم

لكي يتعلمو الشئ القليل والمفيد في مجلس اللغة..ويحلموا في تحسين وضعهم المعيشي والوضيفي...

ويكونوا أفضل الناس...وأن يحملوا أفضل وأعلى الدرجات

والله كنت أحلم اني أشوفك شايل شهادة دورة اللغة اللي كنت مسويها في مجلس اللغة...العنقريزيه اللي تقولها بكل أستهتار

شوف زملائك تخرجوا..انت عادك ماتفك الخط



وأذا كان من ناحية طباعي الي تقول أني مضيعة..وابغى أخرب الشباب

فانت ماتعرفني زين يالغالي

أنا.....مره ثانيه ...واعوذ بالله من كلمة أنا



واحب سلوم البدو

وشبت النار



واحب سوالف الشجعان....وأسمع قصيد المدح والحكمة

[poem=font="Courier New,4,firebrick,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
احدٍ يدس القرش في وسط مخباه=وحدٍ يدّور قرش يقري ضيوفة
وحدٍ ينام الليل ومكبر غطاه = وحدٍ حلوم الليل بقعى تحوفة
وحدٍ يصك الباب في وجة من جاه = وحدٍ يفك الباب لومايشوفة
وحدٍ يدّور للردى لين يلقاه = وحدٍ يكن الهم في وسط جوفة
وحدٍ على فعل الردى دوم تلقاه = وحدٍ على النية يزّين حروفة
وحدٍ محله ياعرب وسط معزاه = يغض عنك الطرف لونك تشوفة
لا موجب ضيوفة ولاماشي بجاه = طبع الردى دايم كثيره حسوفة
يالله عسى بقعى تجيه وتغّشاه = تجِعلة مايدري وشلي يحوفة
يالله ياللي كل خلقة ترجاه = تشفق بحال اللي تشّعب ظروفة
وصلاة ربي عد مالخلق ترجاه = اللي يعرف العبد مابوسط جوفة[/poem]

واحب البر والمزيون...واحب البدو والاوطان ....واحبك قبل لايدرون.... أهلي وأهلك ولاالجيران



[img][/img]

واحب أن شرب قهوتي من تحت أيدي.....ولاهي من يد غيري



وأخر علومي

أن أغفر زلت خويي ...وأطيب خاطر الزعلان....وطلب له الرحمة.....وارجيله الغفران

[poem=font="Traditional Arabic,5,firebrick,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اول حياة الفتى مشوار وعساسه=مسيرة ٍ في عجاج الوقت يقطعها
وثاني حياة الفتى تدريب ودراسه=تكثر هموم الحياة وينشغل معها
وثالث حياة الفتى يرجع على ساسه= النقطة اللي بدا منها يراجعها
ياصل لسن الهرم ويضيّع الطاسه= يزحف مع الارض ويخطط شوارعها
اليا تلاقت كتوفه وانحنى راسه=ضاعت جميع العلوم اللي مجمعها [/poem]



.....أشرب الحليبه نفداك..وعليك بالغبوق.....وريح مليكتك.

[img][/img]

كيــــــــــــــــــــــــف هيــــــــــــاط الامـــــــركـــــــــــــــــان ..

__________________

والله لا يعلى عليه من الهياط





واحــــــــــــــــــــد قـــــــــــــــاط

أيييييييييييييييييييييييه يابن خرصان

وش أشكي عليك


ذليوم رقدت وراح علي الاختبار

أختبار ماده أسمها القانون الجنائي

وهذا معناه أني راح أعيد الماده مره ثالثه


حسبنا الله ونعم الوكيل

مدري البلا في راسي ولا من النوم ولا من الماده ألي قد درستها مرتين قبل

ولا وش السبب الله العالم؟؟؟



نرجع لموضوعنا

والله وسبع أنعااااا7ااام بك يابن خرصان


ولوما أنت عزيز وغالي

ونعرف أنك رجال تتقبل المزح ما مزحنا معك


لكن أسمع ونا خوك

أذا معك




فأنا معي




فلا تقعد تهايط علينا

وتسوي ربشه ومشاكل في الاستراحه






بعدين أنا ماقلت شي؟

أنا كل ألي مقلقني

أني أذا جيت أبي أفرفر في الاستراحه

أحصل الشباب بعض الاحيان يكتبون أنقليزي

ونا مثل منت عارف ثقافتي عربيه

ولا أفهم في الانقليزي

يعني على قولتكم

نو أندر ستاند

أو في مقوله

نو سبيك أنقلش


وبعدين الانقليزي ذا صار يسبب لي مشاكل

وراي وراي

وين ما أروح

شردت منه في الشارع وجيت الاستراحه أبي أفلها معى الشباب

لقيته قدامي


فالله ألي يلوم ألي يلوني يوم شنيت الانقليزي


شوكرن

__________________



لأستشاراتك القانونية أضغط هنا
لوجه الله تعالى

أيه

نسيه أقول شي يا بن خرصان



أنصدمت في ردك والله

مادريت أن عندك هذا الكم الهائل من الهياط

لكن عسى الله يسمح دربك ياسفيرنا في أمريكا

أشهد لله أنك أذاك متمسك بطبايعك أنك راح تشرفنا في الغربه

كما تشرفنا بوجودك في مجالسنا


ثانكيو <<< هذي لطيبة الخاطر

__________________



لأستشاراتك القانونية أضغط هنا
لوجه الله تعالى

والله متابع لحظة بلحظة

__________________