يـــــاذيـــــــب

في يوم الثلاثاء الموافق 17/11/1425هـــ توفي ابن عمي الأخ/ذيــــب بن فهـــد الحميـــــداني
عن عمر يناهز السادسه والعشرين اثر حادث مروري........
فقدان اي انسان عزيز يؤثر في النفس
وفقداني لذيب اثر في نفسي اثر بالغ لانه رحمه الله كان اسماً على مسمى
فبكيته بالابيات التاليه:


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يادنيا من صدوفك تراني اكتفيت = من بلاوي بقعاء ماجاني كفاني
يحترك قلبي كل ما اني تراكيت = سبايب جمع همي اللي طواني
ياذيب من مسراحك عليه أبطيت = لفووا الطروش ولابه علمٍ لفاني
ياذيب أنا ابعالي الصوت ناديت = ولا أوحيت ردك ياعريب المجاني
ياذيب في عالي المرقاب عديت = من هاجسٍ علــــى فوادي صلاني
ياذيب بغيت السلوى ولا تسليت = كل ماغنت الورقا زاد الجناني
ياذيب لاني بلا حيٍ ولا ميت = ياذيب عجز عن وصف حالي لساني
ياذيب أنا في تالي الليل ونيت = ونةٍ تشيب بصغار السناني
ياذيب انا من حلو المرقاد جضيت = ياذيب جفني عن النوم يعصاني
ياذيب عن غرة القبر صديت = ياذيب سبة دمعي اللي غشاني
ياذيب ياذيب ياذروة هل البيت = ياريف ربعه لما قسى الزماني
ياذيب أنا في عالي الرجم شبيت = ضوٍ شاف سناها كل طرقي وعاني
ضوٍ لذكرك عليها الحطب رزيت = ماينطفي ذكرك ياريف العواني
ياذيب اناقد ضاق صدري ثم انحيت = وجهي شمال وقام همي يحداني
ياما تخطى من عثرات الهلافيت = وياما تصينج هرجة الهلقماني
أبكيه ياتثليث وأبكيه ياهيت = وأبكيه من نجدٍ لدار اليماني
مرحوم ياللي درب الردا ما تهقويت = مرحوم يامروي لحد السناني
شرفت في مبدا العز ثم ذبيت = أذكرك لا قسى وقتي ثم رماني
يالله ياللي لدبيب النمله أوحيت = تغفر ذنوبه ياجزيل الحساني
عساك للغفران ياذايع الصيت = وعسى مسكانك فسيحات الجناني
وختامها صلوا ماطافوا على البيت = على رسول الحق من نسل عدناني[/poem]اخواني الأعضاء هذه أول مشاركاتي
في هذا الموقع فأعذروني على القصور
وقريباً بأذن الله قصيده لهذا الموقع خاصه به
تقبلةا خالص تحياتي المقرونه بأمنياتي لكم بالتوفيق لكل خير
والسلام عليكم
أخـــوكم/ مروض القاف (الحبابي)

اررررررررررحب ياحبابي

واحسن الله عزاكم

وجعله من اهل الجنه اللهم ااااااااااامين

وصح لسااانك اخوي مروض

بس اسمحلي هذي محلها في مجلس الشعر النبطي

اخووووووووووك

ابن عااااااااااااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

صح بدنك وابشر بعزك
الجايه في مجلس الشعر النبطي
مشكور

عزي عززززك وانا اخوووووووك

لباااااااااااا قلبك اخووووي مروض

اخووووووووك

ابن عاااااااااااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

معاوضين بخير في ذيب
الله يرحمة

وننتظر وعدك
لاهنت

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

صح لسانك

ومعوضين خير

والله يرحم ذيب

والله يحييك معنا يامروض القاف

وتراني نسقت لك القصيده

__________________

صح السانك صح السانك
يامروض القاف
والله يحسن عزاكم ويرحم ميتكم ويسكنه فسيح جناته واموات المسلمين

اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]

اولا : الله يرحمه رحمة واسعه ويسكنه فسيح جناته وجميع المسلمين

وصح السانك علي القصيدة وطال في عمرك


تقبلوا تحياتي

خوكم داحس

الله يحسن عزاكم ويسكنه فسيح جناته .

وصح لســـــــــــااااانك على هذه القصيدة

__________________

صح لسانك يا مروض
والله يرحم ميتكم ويسكنه فسيه جناته
احب ارحبك معنا بين اخوانك

__________________
[frame="6 80"]عدت من جديد [/frame]