السلام عليكم ورحمة الله وبركاته

اعتقد ان من حق صياف علينا رثاءه بعد الدعاء له

رحمه الله رحمة واسعه


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]




مات صيا ف بن عـواد والله يبيحـه=عزتي للملاعب عقب ذخـر الملاعـب

لو تطنّب على فرقاه تسعيـن صيحـه=مايعوّض خسارتهـا زمـان المتاعـب

راح ذرب اللسان وراح غزر القريحـه=جعله بجنة الحور الحسـان الكواعـب

كم وردنـا علـى جـمٍ قـراح يميحـه=بالدليّ الكبار ومـع رهـيّ المجاعـب

وكم نجاذب بيوته في العشا والصبيحـه=قام يلعب بها حتى الحمـام الرواعـب

في سنين مضت يوم المناهج سميحـه=قبل جمهورنا يصبح لمطـرب ولاعـب

فرْجته بيّنه والساحه امسـت جريحـه=بعد شرواه يبْتلش الشعر بالمصاعـب

سامج(ن) درّها لـو درّ ديـد المنيحـه=عقب ما طاعت اهل الفرفشه والمداعب

فاتن الصوت والا اهل الوجيه المليحـه=عشبة ظلال مامنهـا فـواد ومشاعـب

يحسن الله عزا حرب وعسى الله يبيحه=ويحسن الله عزا الشعر وهله والملاعب [/poem]

حسين العبدي



صح الله لساااانك وبيض الله وجهك


وجمل الله حالك


وعسى الله يرحم ابن عواد ويبيحة ويسكنة فسيح الجنان


مبدع في شتى المجالات


يا ذيبااااااااااان


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

السلام عليكم ورحمة الله وبركاته



صح لسانك ياحسين العبدي


ورحم الله الشاعر العلم صياف الحربي



واسكنه فسيح جناته




.

__________________

أخوي حسين العبدي

صح لسانك وبيض الله وجهك

رايعه بروعة حضورك

وافيه من راس وافي

رحم الله صياف الحربي رحمةِِ واسعه

لك فائق أحترامي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

حسين العبدي /// بيض الله وجهك

انصاف الرجل لللاخرين وهم اموات يدل على طيب معدنه

تعويض صياف ليس مستحيل ولكنه صعب صعب للغايه

عسى الله يبيحه ويجعل قبره روضه من رياض الجنه

لا هنت يا حسين

__________________

صح لسانك ياحسين وبيض الله وجهك على القصيدة الرائعة

والله يرحم الشاعر الكبير / صياف الحربي رحمة واسعة

ويسكنه فسيح جناته


تقبل تحيات

أخوك / ساج الوقت المشعلي

صح الله لسانك ياحسين ومثل ماقال سعيد الفهري من طيب معدنك ورحم الله صياف

__________________

بيض الله وجهك ياحسن




وصح لسانك وعلا شانك



والله يحسن عزاء الجميع في صياف



واشهد انك ماقلت الا الصحيح وياحبني للشاعر اللي يعرف يوظف العبارات صح مثلك يالقرم


واشهد انك شاعر كفووو ولا انت في حاجة شهادي لكن كلمة حق ودي اقولها



تقبل تحيتي

__________________

صح الله لسانك يا بو علي . .
وبيض الله وجهك . .
قصيدة تستحق منا ان نقراها . . من شاعر مبدع . . في شاعر كان له الاثر الكبير في ساحة المحاورة . .

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

استمعت قبل ايام قليلة بمشاهدة محاورة لهذا الشاعر الكبير رحمه الله منذ فترة في احدى ليال صيف عسير وكانت

روعة بروعة شاعريها وروعة صفوفها

رحم الله صياف

وجزاك الله خيرا على هذا الشعور النبيل ووفي بحق وفقك الله

__________________