هيثم قحطان : من طول الغيبات جاب الغنايم
الرد : على رغم البعد إلا أني والله قلبي معاكم ومع الموقع

فارس قحطان: بيض الله وجهك يا أبو مسعد
الرد : ووجهك يا فارس الفرسان ولا عدم انشاء الله

سعد القحطاني: ابو مسعد بيض الله وجهك على هذه التغطيه الوافيه وانت وافي وعلومك كلها غانمه.
الرد: ووجهك يا عسى الله يسعدك يا سعد، ولا نجي إلا من بعدك.


الفارس الجنوبي: لاهنت يابن مسعد وأشكرك على نقلك لهذا الموضوع .
الرد: قايل ما يهون، وجعلك سالم.

العبدي: يا مرحبا بك وبمواضيع . . يا بو مسعد . . أنت واللي مثلك وشرواك نتمتع بمطالعة كتاباتهم وارائهم . . وانت نعدك مكسب لنا وللموقع . .
الرد: جعلك سالم بالعبدي، وأشكرك على هذا الإطراء، والمكسب لي أنا طال عمرك.

الخنــفري: ياعمي حنا وين مانروح لدوله لاازم يصير فيها تكسير.
الرد : تسلم على كل حال، والله ما فهمت الجملة، ياليت تشرحها.

أبوجابر القحطاني: أبو مسعد، الله يعطيك العافيه وما قصرت، وافي وعلمك وافي.
الرد: يا أبو جابر، ويعافيك ربك، ولا نجي إلا من بعدك، جعلك ذخر انشاء الله.

ناصر المعمري: ابو مسعد , وش اخبار البيتزاهت اللي في طريق التخصصي قبل 10 سنوات :d
الرد: الله يذكرك بالخير يا ناصر، والله اني أحبك في الله، ولا أقدر أنسى اللحظات الجميلة التي توفقت بقضائها معك، رغم قلتها ، إلا أنها لذيذة جداً أكثر من البتزا هت إللي في التخصصي، ، عذرا لمثلك وشرواك على قصر اتصالي بكم، ولكن والله اني لا أجد في كثير من الأوقات الوقت لنفسي وأهلي، وقريباً إنشاء الله سأرتاح من العمل الصحفي.