اخوي فار س السروات
يعطيك العافيه ولاهنت ياالذيب على شعورك تجاه بن ساقان
السوأل هنا ؟ ليش خسر بن ساقان ؟
الصراحه اقولها ان بن ساقان الله يهديه لم نسمع منه اي طاري لقحطان ولم يوجه لقحطان
اي اشارة يشعل بها الحماس في قلوب ابناء قبيلة قحطان وكان على عكس العتيبي والمطيري
اللي كل بين كلمتين يفتخرون بقبائلهم ويشحذون همم ربعهم ولافيها شي كل الشعار انتخو بقبائلهم
العتيبي يقول في احد ابياته :
الله يجملني واجمل ربعي = قدام تدفن في التراب اعظامي
ثم قال مع العلم ان ربعي فعلهم مجملهم وقال عتيبه عصابة راسي .. فعلآ عرف من وين توكل الكتف
هو عارف ان الترشيح با الرسايل يعني العلم عند ربعه ماعاد عند اللجنه شي .. ونجح في ذلك ويستاهل
اللي كل شوي يجيب طاري ربعه ويمدحهم ويثني عليهم ويتفاخر بهم
وشف اللي زهمو ربعهم كانت نسبهم اعلى من ابن ساقان والحقيقه انه هو اللي جنى على نفسه
ما حسبها صح ... والا هو .. والله مايكلون معه عيش كل ذا الشعار اللي معه لكن الدعوى ماهيب تقييم
الدعوى تصويت وحظ نصيب يعني البرنامج فاشل من البدايه واهدافه مع الأسف تجاريه ونجحو في تمريره
على المشاهدين .. والمفروض انه يوقف ذا البرنامج لأنه يخالف الحقائق ولايعتمد على اسس التقييم الصحيح
.................................................. .................................................. ..........................
على العموم ابن ساقان ماقصر ووصل مراحل متقدمه وادى اللي عليه ووالله انه كان ودنا انه يفوز
بس طريقته اللي اتبعها كانت سبب خروجه ...
اتمنى ان لايرتكب الشاعر القحطاني الثاني اللي هو الحبابي من الأمارات نفس الخطاء
وعفاكم