المشاركة الأصلية كتبت بواسطة عبدالله بن غفره بيض الله وجهك يالوافي وكثر من ذا المواضيع اللي تنومس والهواجر كفو وفعلهم معروف من قديم الوقت وذلحين في إنتظار جديدك يالغالي أخوووووووك

حنا هواجـر والمراجـل سبتنا :: سبي الغنايم للرجال الكرمين
من ساس سلطان العرب انسبتنا :: حنا عيال العود حنا قحاطيـن
حنـا الشكالـه والشكالـه لفتنا :: لفو القريب اللي لفاله قريبين
كل القبايل بالنعـم عارفتنا :: ماينكر المدات كود الحسودين
----
ويقول فلاح عايد الشمري :

لابة فرسان يوم الطرادي :: هواجر بالكون تكره ضديده
هذا ذكر يا بن مذكر لاصول الجدادي :: حنا وياكم بنسب من عبيده
حنا بني ضيغم كلام وكادي :: وعبده بني ضيغم وهاجر حفيده
وحنا وياكم من سنين بعادي :: أصحاب واحباب ونصح وعقيده