المشاركة الأصلية كتبت بواسطة مهدي بن مسفر الحبابي

بدون مقدمات فقط رضاكم هو مطلبي


[poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,medium,gray" type=4 line=0 align=center use=ex num="0,black"]
يا قلب يالي من عنا الوقت منصـاب = قلبي صويـب ومـا لقينـا علاجـه

بإصابة القلب الشقي حاروا أطبـاب= وعزي لمـن همـه يكـدر مزاجـه

وهمـوم قلبـي دونهـا قفـل دولاب = عشـر سنـوات تنتظـر لانفراجـه

ترجي متى تعفى ويفتح لهـا البـاب= وتسمع صدى صوتِِ ينادي انبراجـه

يا ما اجتهدت وطارق كـل الأسبـاب = أتبع طريق الحق ما أخشى المواجـه

وأصارع الوقت الذي كشـر انيـاب = اللي يـا عاملنـي وكنـي خواجـه

يوم أكثر أصحابي غدوا كنهم أحزاب= وكلِِ على مـا قيـل يتبـع خراجـه

اشره على الطيب من اقراب واصحاب= يوم الزمن عقـد بوجهـي حجاجـه

كلِِ تخـلا والقمـر فالسمـاء غـاب= والجو في دنيـأي كـوس عجاجـه

والي تخلا ما حسبنـا لـه أحسـاب= أهـم شـي انحـن معـاد أنتواجـه

مانلحق المقفـى مشاريـه وعتـاب= ومن صد عنـا مالنـا فيـه حاجـه

الحـر منزالـه شواهيـق وهضـاب= عنده وتبقـى عـزة النفـس تاجـه

وأقول له يا باشـة الوقـت غـلاب= خلا قـوي البـأس يشـرب هماجـه

فيا اللي تجر الصوت وألحانك أعذاب= ردد حجر ذا الوقت يخشى الزجاجـه
[/poem]