[frame="9 80"]فـــــلـــــســــــفــــــة [/frame]

فضفضتلي عن سواليف امهـا اللـي كدرتهـا
والحزن مثـال الحسـن لا مـر لازم ينوقفلـه
جاءت تفلسف طفلـةٍ مكياجهـا مـن فلسفتهـا
كملت عشرين عـام ولا تـزال اليـوم طفلـه
يشبـع الخلخـل والسلسـال جائـع برقبتـهـا
خيـزرانٍ لينهـا بيـن انتبـه وبـيـن غفـلـه
ودى ادري لا مشيت بشعور الارض اللي تحتها
وان تثنيت قالت وين اللي يقول ان التـرف لـه
اه لولا خصرها قلـت اسرفـوا فـي تغذيتهـا
مفقره بيـن النعيـم ولا يإبـي مـن ينتصفلـه
حاجـةٍ تطـري عليـهـا جيبتـهـا جيبتـهـا
نسمـةٍ ماتعـرف بالبـاب والحـارس وقفلـه
قلت ويش ذا اللي خفق بين الضلوع من اولتهـا
قبل اقول الضيف جاك اثره فتح كل الغرف لـه
يـوم قدمتـه لهـا ليلـة سرتبـي سلهمتـهـا
قالت اتشرف بقلبك يا فتى قلـت الشـرف لـه
وطرت مع سرب الحمام اللي طلع من حنجرتها
ساعتين وهى تسوق الرمش و ابصم واعترف له
تجـدل انفاسـي ولا حسـت دفائهـا كسرتهـا
و اطلقتها للهبوب بكـل طيـش تنجـرف لـه
لين بأخـر طيشهـا قصيـت اظافـر شيطنتهـا
لا تشح بكيدها اللي كيدها ابن ادم ضعـف لـه
نسنست عصرية الجمعة وهـي تقـراء بختهـا
بين جمع من اعذراء كـل شـي منكشـف لـه
كل ما جن يمشطـن شرطانهـا اللـي تعبتهـا
سمعوها قصائـد خلهـا خرمـن عـرف لـه
ولـدت لحلـمٍ ادور لـه وتنشـد منظرتـهـا
ولدت لبـروازٍ اسـود دمعهـا يمـا ذرف لـه
ولـدت توصـي مكاتيـب قبـل مـا زرفتهـا
ضمنتها الغاليـه دمعـة وداع وعطـر حفلـه
قلت ارضيها وجئـت وجـات والدنيـا ملتهـا
والغزل دار ولقاء المشتاق مشتاق يعـزف لـه
كـل مـا زودت وردى السوالـف اخجلتـهـا
وكل ما زاد الحياء قلت الحلو ويش ينكسف لـه
قالـت امـي تفتكرنـي طفلـة وتظلـم بختهـا
صح انا ماني بطفله صـح انـا مانـي بطفلـه

الشاعر ناصر القحطاني