المشاركة الأصلية كتبت بواسطة مخرب بن ضيطان

السلام عليكم ورحمة الله وبركاته

اتشرف ان اكون احد اعضاء مجالس قحطان

وإليكم مصافحتي الاولى







€


[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اقول وينه مالقيته ولا راح = ماراح عن فكري وانا اقول وينه

هاجس شعور احساس في روس الارماح = تدري بها كل القلوب الفطينه

هاذي مشاعر خاطري جات تجتاح =تكتب عن الواقع بزينه وشينه

من يزرع الورده على جال الاملاح = تذبل مجرد ما تفارق يدينه

ومن بعثر القصه على ضوء مصباح = تمسي بعض لافكار عنده حزينه

ومن ينطح العدوان ما فيده سلاح = تبكي عليه المقبله من سنينه

ومن وافق الطايح على طيحته طاح = ومن هان نفسه في زمانه تهينه

احدٍ على موج البحر فوق الألواح = واحدٍ مع الربان فوق السفينه

مافيه واحد من عنا الوقت مرتاح = صحيح هالدنيا تراها لعينه

الرابح اللي من وباء الحقد منزاح = متمسكٍ بكتاب ربه ودينه[/poem]