السلام عليكم
صدق القائل المال السائب يعلم السرقه..........ماخلى الاول للتالي شيئ

كنت في زيارة طارئه للاهل والمنطقه قبل نحو شهرين وفي طريق عودتي للمطار وفي طريق المصياد السراه رايت عدد كبيرا من اعمدة الاناره متناثره في اكثر من مكان على جنبات الطريق وهي بالتاكيد لانارة طريق السراه صقر بني بشر بعد التوسعه ولكن قال لي اخي انها منذ فتره طويله هنا وانا الاحظ ان الطريق اصلا لم يكتمل ويحتاج الى وقت طويل حتى يكمل قد يزيد على سنه المهم قلت له تعرف ان اسعار هذه الاعمده مابين 3000و4000على ما اظن كيف خلوها بهذا الشكل والناس للاسف تسرق البيوت فكيف ماحد سرقها قال يمكن نقلها صعب ولا مايخلونها وضحكنا وانطلقنا ولم يدر في خلدي انها ستأتي هذه اللحظه ولا ادري هل هي نفس الاعمده التي اقصد او غيرها المهم والسؤال اللي يطرح نفسه ياسعادة مدير شرطة سراة عبيده ولا ادري هل هو اليامي ولا تغير اقول ياحضرة الظابط الم تمر على هذه الاعمده من قبل فماذا كان دورك؟؟ سعادة رئيس بلدية سراة عبيده المحترم كم مره شفت هذه الاعمده مرميه عالشارع فما دورك؟؟ سعادة المحافظ المحترم ماهي مسؤليتك ..؟
انا لا استبعد مثل هذه الاشياء وشي طبيعي جدا لمن يعرف ان البيوت تسرق والسيارات تنهب والعصابات تصول وتجول بدون حسيب ولا رقيب
قبل مايقارب السنه سرقت سياره من داخل حوش منزل احد المواطنين وهرع اهله وذووه لمطاردة السياره وبالفعل استطاعو ان يعرفوا مكانها كان صاحب السياره لوحده اتصل بشرطة الجوه وقد كان بلغهم بالتاكيد قال لهم لقيت السياره قالو جبها قال كيف ابيكم تاخذون بصمات تسوون شي قالوا مافيه احد اذا تبغى نسجل محضر جبها المهم شك ان اللصوص قريب من السياره وكان الوقت قبل شروق الشمس اتصل لناس من جماعته وفزعوا له وفعلا كانوا الاخوه محششين وراقدين قريب من السياره اتصل بالشرطه مره ثانيه قال انا اشك في شباب قريب من السياره وابيكم تلقون القبض عليهم(السياره كانت في مكان بعيد جدا عن اي قريه ولا يوجد بالقرب منها اي سياره اخرى)قالوا ماعندنا قوه امسكوهم انتوا وجيبوهم طبعا لاحول ولا قوه انت تشوف سراق سيارتك قدام عينك المهم استطاعوا يمسكون 2 من الثلاثه والثالث هرب في اوديه وخلوه باعتبار انهم لقو 2 وبيجيبون الثالث وراحوا للشرطه وسلموهم وطلب منهم ارسالهم لاخذ تحاليل دم واخذ اقوالهم فورا وضبطها في محضر لاتستغربون ولاشي والله حصل من هذا كله لا تحليل دم ولا ظبط اقوال ولا هم يحزنون
مرت الايام واطلق سراحهم ولم يثبت عليهم شي والان لازال ذوييهم يحاولون يحلون المشكله بالصلح قبليا والشرطه اطال الله في عمر قائدها في الجوه خبر خير ..؟؟؟
مثل هذه الاحداث تجعل الامن في مهب الريح سواء في منطقة سراة عبيده او في المملكه لان التهاون مع المجرم بالتاكيد يدفعه يسوي اللي هو اكبر والشرع الكريم لم يشرع الحدود والعقاب الا ليردع من التمادي في الجريمه ويتعظ من في قلبه مرض
موقف اخر مع شرطة الجوه:
مقاول كفيله احد اقاربي عليه بلاغ هروب منذ 6 اشهر واقامتة مسحوبه وجوازه مسحوب عند قريبي ويشتغل في المنطقه وفي تهامه وعنده سياره وينزل من النقطه راس العقبه كل يوم ويصل الى الربوعه طبعا اللي مايعرف المنطقه مايدري ان فيه ثلالثه مراكز حرس حدود ومباحث ومجاهدين المهم اشتكى على قريبي في شرطة الجوه وكنا في مدينة السراه المهم الشرطه اخذت المشتكي مشكوره وجاءوا على بيت الكفيل مالقوه قام اتصل فيه المكفول من جواله قال لي وانا معه هذا المقاول يتصل اكيد مسكته الشرطه الحمدلله اخيرا المهم رد عليه ماكلمه الشرطي اللي تكلم بلهجه والله رأيت تأثيرها على قريبي المهم قفل سألته ايش السالفه قال ما اعرف واحد يكلم من تلفون العامل يقول انه عسكري ويقول تحضر في شرطة الجوه ولا تعصي الامر قال انت من ومن وين تكلم المهم فهم انه من عند البيت اتصل عالبيت قاله اخوه السالفه المهم توجهنا فورا الى شرطة الجوه ودخلنا على الرقيب سالنا سلامات ايش عندكم قلنا سلامتك انتوا اللي اتصلتوا وارسلتوا لنا عسكري قال ما اعرف والله روحوا عند النقيب المهم دخلنا عالنقيب وكان عنده زائر نعرفه جميعا سلمنا عليهم وسألونا عسى ماخلاف قلنا كفيتوا الخلاف طلبتوا الرجال بالعسكري من بيته والموضوع عندكم قال النقيب ايه تذكرت هذا المقاول اشتكى عليك يافلان قال خير واذا اشتكى علي ترسلون العسكري في نفس اليوم الى البيت الموضوع خطير اكيد قال لا لا خير
دار الحديث وجاء المقاول وادلى بدلوه ولم يكن يملك اي اثبات وعليه ايضا بلاغ هروب من كفيله والسياره اللي يركبها ليست ملكه ولا عنده رخصه قياده ولاعنده تفويض من كفيله المهم ابرز صاحبي كل الاوراق واعطاها النقيب وقال انا اطالبكم تودعونه السجن وتحولونه المحكمه اذا له اي حق عندي ياخذه بس ابيكم توودعونه السجن او تحولونه الجوازات المهم النقيب قال يصير خير واعتذر عن الارباك اللي حصل وخرجنا من عنده على بالنا ان المقاول اكيد بيتوقف
لا تستغربون والله العظيم انه ماجاء العصر من نفس اليوم الا وهو وسيارته حرين طليقين وبدون اقامه ولا جواز ولا استماره ولا رخصة قياده؟؟؟؟؟؟؟؟؟؟؟؟؟؟؟؟؟؟؟؟؟والله على ما اقول شهيد
عاش القانون وانا اردد عاش الامن وسلمت لنا ديارنا الحبيبه وهذه الكفاءات يجب ان تشكر على جهودها في بسط الامن والعدل
تحياتي