السلام عليكم ورحمة الله وبركاتة

هذه مجاراة شعرية جرت بين مطر بن عيد آل سالم الفهر
وشاعر الهوازن : عبدالرحمن العطـاوي

تعتبر من أفضل القصائد التي مرت علي

وأتشرف بوضعها في مجالس قحطان

الشاعر / مطر بن عيد آل سالم


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا أبو نواف الله يمسيك بالخير = وسلام عن حضرتك ماله مصدي
أرق من نسمة هوى الغربي عصير = واكثر من رذاذ المطر لو يعدي
والذ وأحلى من حليب المباكير = حمراء وابوها كسب قوم وتحدي
مكرمه ما بين سود ومغاتير = يبرى لها ما هيب تنحد حدي
ماجات بالسهلات سوق ودنانير = ولا هيب بجبال السواني تكدي
إلا بضرب رماح والا بواتير = وكم فارس عنه العوض ما يسدي
وانا جذبني للسلام الأساطير = أسطورة الشعر ومزاجي وودي
أقراء واركز بالدواوين وأدير = فكري ومن بحر الشعر نستمدي
شاعر هوازن كلها دون تقصير = في باقي الشعار علم يردي
أشهر علم يكفخ على قمة النير = وأعمق بحر منه الجواهر تمدي
واحلى تحيه ياعشير المناعير = تنساق لك مع ريح مسكٍ وندي
لك يا العطاوي تتجه دون تأخير = وسلام عن حضرتك ماله مصدي[/poem]



شاعر الهوازن / عبدالرحمن العطــاوي

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
رحبت بالشاعر وحلو التعابير = مطر مشده شد مني مشدي
بينه وبيني في عميق البحر طير = عرسٍ بعقد شغار يمه نلدي
جتني بيوتٍ في مسار الزواهير = ومطر لنجم الفرقدين متمدّي
كنه يماري بالدرر في المحاضير = سلايلٍ تفخر بجده وجدي
ملعب صباهن حد صنعاء إلى الدير = قالو تلاعبهن طرب قلت ودي
أهلاً هلابك يامزار المسايير = يامن كلامه بالعلا مجرهدي
صحة لسانك يازبون المناحير = يقداك ربي ما تبي لك مقدي
والشعر مكسور السلايم بتعزيز = ياقلهم هاليوم ندك وندي
بلا فحول أدنى المعاني معاشير = وميزانهم بغير وزن متردي
أكثر مشاهير القصايد خماكير = شاعر ومطرب والوتر والحمدي
مستكتبٍ لجل الطرب والطراطير = كل يبي الشهره بثوب البردي
طيرٍ بعض ريشه من الغير توسير = ما يرتفع عوقه يرده يهدي
وسوق المقنن من دلال ِ مباهير = الدول الأول يا مطر لك يمدي[/poem]


والسلام عليكم

__________________



ممصمنا المبدع
تركي العلياني
ألف شكر لك

ابن غفره

السلام عليكم

بيض الله وجهك يابو محمد على هذا النقل الجميل الرائع

لعضو شبكة قحطان الشاعر مطر بن عيد ولشاعر هوازن عبدالرحمن العطاوي

واسأل الله ان يوفق الاخ عيد بن مطر في دراسته الخارجية وان يرده الى المملكة سالماً غانماً.

__________________
مجموعة من صوري





مدونتي

صوت وصدى رائع وجزل

صح لسان الشاعر مطر بن عيد و الشاعر عبد الرحمن العطاوي

شاعرين غنيين عن التعريف

لاهنت يابن غفره على النقل الجميل وذا لايستغرب منك لاعدمناك يابو غـــــــاده

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

صوت وصدى رائع وجزل

صح لسان الشاعر مطر بن عيد و الشاعر عبد الرحمن العطاوي

شاعرين غنيين عن التعريف

لاهنت يابن غفره على النقل الجميل

__________________
00000000

بيض الله وجهك يابو محمد


اختيار موفق وقصايد جزله من شعار جزلين


تقبل فائق احترامي

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

بيض الله وجهك يابن غفره

كالعادة نجم الإبدلاع



دمت يابن غفره

__________________
« اللهم كما أحسنت خَلقي فحسن خُلقي »

أبو ياسر أشكرك جزيل الشكر على المرور العطر



وأتمنى من شاعر شبكة قحطان مطر بن عيد أن يهدينا من قصائده الجزله التي هي محل أعجابي بشكل كبير


مع تمنياتي بالتوفيق له في حياته العلميه والعمليه وأن يرجع لنا بالسلامه


تقبل وافر تحياتي وأحترامي يابو ياسر

__________________



ممصمنا المبدع
تركي العلياني
ألف شكر لك

أبو عبدالله اررررررررحب وحياك الله ومرورك شرف طال عمرك


وصح بدنك بالنيابه عن الشعار

والرائع والجميل مصافحتك للموضوع يابو عبدالله

__________________



ممصمنا المبدع
تركي العلياني
ألف شكر لك

لاهنت على المرور يابو مسفر



والله يبيض وجهك يالغالي




شرفت الموضوع والمتصفح