المشاركة الأصلية كتبت بواسطة خليل بن هدلان

[poem=font="Traditional Arabic,5,,bold,normal" bkcolor="" bkimage="backgrounds/40.gif" border="inset,2,#deb887" type=0 line=0 align=center use=ex num="0,"]
خذت القلم بكتب جزيلات الاشعار= وسار القلم عما يكن الضميري
وخذيت فالقيفان مارد ومصدار= وانا على عسف القوافي خبيري
سلام ياهل الطيب والمجد والكار= يالعزوه اللي حفلكم مستنيري
يادرعي ورمحي ليا صار ما صار= يا سيفي اللي فالمواقف شطيري
خنافر تاريخهم شاع باذكار= مع الرواه وكل ركبٍ يسيري
خنافر فالهوش تقلط على الحار= بيوم عبوس قمطرير شريري
خيّالة البلها على قحص الامهار= خيّالة البلها لا صاح النذيري
لا جا نهار فيه عج الرمك ثار= وسمك لها عجٍ سواة الغثيري
خنافر تجدع من القوم الاخيار= ياما جدعوا من راس شيخ واميري
وفي دقلهم كم طاح فارس ومغوار= من فعلهم اصبح منيع وكسيري
وياما غزوا امرار وامرار وامرار= فرسان حرب شرهم مستطيري
وياما كسبوا ذود حنازيب وابكار= ويا ما قلعوا شقراً وصفراً ظهيري
كبيرهم سيفه على الضد بتّار= وصغيرهم رمحه شنيع المطيري
واليا زبنهم جالي نازح الدار= يامن بظل مزبنين الجويري
خنافر ريفٍ على الضيف والجار= خنافر يا طيبهم للقصيري
وفعل اقحطان ذاع في كل الاقطار= في دقلهم كم فرقوا من عشيري
اجموعهم ترد المنايا والاخطار= فوق السبايا للمنايا تغيري
واصل العرب قحطان وافين الاشبار= اهل المواقف فالنهار العسيري
وكل القبايل جا لها افعال وادوار= يوم الحرايب مثل نار السعيري
وختامها صلوا على سيد الابرار= اعداد همال السحاب الغزيري[/poem]