[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مسري الشعار
مرحبا ترحيبتن فيها السعد منا ومنا =بالعميل الي تغيب له شهور وله الليالي

ان زعلتو مارضيناو ان رضيتو مازعلنا =لاتمرون القصار ودوروها في الطوالي


خولان بن عامر


البقاء يامسري الشعار يازبن المجنا=من هجوس الشاعر اللي خوتك له راس مالي
كيف نزعل والنعايم كل ابوها في وطنا=البروق تلوح والنوه يسابقها المخالي

مسري الشعار
انت يخولان من نوع الثبيتي والمعنا =حفلتن يم الجنوب وحفلتن يم الشمالي

قالو انك في منامك لاتروق ولاتهنا =لانسميها حرام ولانسميها حلالي
خولان بن عامر
لاتمنا بالثبيتي والمعنى لاتمنا=روحوا ماباقي ال كلمة قد قلتها لي
انت تدري وش حصل لذياب في غزوة مهنا=ابتلش مابين ابن خاله وابو زيد الهلالي
مسري الشعار
الثبيتي كيف غنا والمعنى كيف غنا =طاري لك شي والله يالسنافي ماطرالي

وانت تعرف شغلنا لامن وقفنا وشتغلنا =والمعرفه والتجارب تضهر انواع الرجالي
خولان بن عامر
القصور اللي تبنا والبيوت اللي تبنا=وش نبا في بعضها لصار ماجاله ظلالي
كل ماقلنا عسى الحمله يوديها جملنا=اعترض له يامسري واحد فاضي وخالي
مسري الشعار

انت ياخولان بالالغاز ودك تمتحنا =مادريت انا نحل السالفه والحظ عالي

يمكن ان العيد يصلح لو مافالكف حنا =هكذا الايام دارة لاحصان ولاجمالي
خولان بن عامر
بنت ابو زيد الهلالي عمرها قام يتثنّى=مثل غصن كل ماهب الهواء والنود ماااااالي
كيف كنتوا في زمان فات واحنا كيف كنا=قبل عصر العولمه والبرمجة والاتصاااالي
مسري الشعار
لاتغنى في الصبيه طيع شوري لاتغنا =وانت عودن غترتك بيضا ولاتلبس عقالي

لاتحطون الذبيحه من صحنكم في صحنا =ولاتخفون الاجابه يامحرفة السؤالي
خولان بن عامر
الصبيه زوجوها شايب قام يتوّنا=خاطره من ضيقة الايام ماكنه بسالي
الله انه لايبح اهل الذبائح في زمنا = نصفها ذبحه حرام وحن ذبحنا الاتكالي

مسري الشعار
لحيتك بيضا ولاباقي معك فالفم سنا=وتخطب بنت شباب تجمع انواع الجمالي

ان هرجتو ماسكتنا وان رطنتو مارطنا=بس حذفك تالي الايام وقع في طلالي

خولان بن عامر

اخوياهم يامسري بعضهم عزمة تدنا=وانت اعدك شايب فاهم ولك هيبه وغالي
بس قلي وايش ذنب اللي حمل تسعين طنا=ياوجودي يامسري ياوجودي وجد حالي[/poem][/center