سالم بن ثامر

ياسعد كل ماغنيت طرقٍ جديـد
قلت مال البضاعه غير سوّامها

انت شاعر ذكي والا شويعر بليد
جعل الايام ماتغتالـك ايامهـا


سعد القحطاني

اسلم اسلم ياسالم جاينا من بعيد
ناصي المسلمين وجاهل اسلامها
انا شاعر وزندي ينفتل من حديد
جعل بقعا تخمك فوق صدامهـا


سالم بن ثامر


ياسعد جعل لك عمرٍ طويلٍ مديد
السوالـف تهندمنـا بهندامهـا
احمدالله مع الشعار عندي رصيد
وانت غترتك لايختل مرزامهـا


سعد القحطاني


ادري إنك على ما قيل شاعـر فريـد
والبيـوت الطويلـه رفـت اعلامهـا
مير تمسي في حمص وصبح يم الصعيد
والعرب من علومـك عبـت افلامهـا

سالم بن ثامر

كل ماقلت عطني ياسعد من مفيد
جاب له حجةٍ ماجفـت اقلامهـا
ابك انا حر لي مشراف في كل حيد
وانت ترعى حلال الناس واغنامها