الله لا يهينك
يالمهادي

وقصه رائعه

اخوك
العجرشي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله لا يسقي نهارٍ على تين= يومٍ خذينا يا حسين به اقطاع
الله لايسقي ملاقى القحاطين = كلنا لهم بالمد واوف لنا الصاع
الله لا يسقي ملاقى هل الدين= والقلب من صلين الاطباع مرتاع
الاشراف لناو عقب ما كان قاسين= والشق ما يرفاه خمسة عشر باع
و...... و........ راحو مقفين=والخيل من ضرب المزاريج خراع
وجونا الهواجر من وردٍ محيمين= وكم شيخ قومٍ وسدو خده القاع
عز الله انهم في هل الخيل ظفرين = ظفرين لا ركبو على كل مطواع[/poem]

__________________
[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في ضحى العيدي اخلي من العايدين=والمعايد نهار العيد مافيه شي
حبذا لو يكون معانقٍ باليدين= وان سنح فيه فرصه بنتمادى شوي
ودي اشم باقي نفحت الياسمين= حسبي الله علىمن قال بالشرع لي [/poem]

السلام عليكم

فيه عندي تعديل على قصيدة عبد الشريف حسب الروايه اللي سمعتها من الشيبان

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,burlywood" type=0 line=0 align=center use=ex num="0,black"]
الله لايسقي نهار على تــيـــــــــــن = يوم خذينا يابديع به اقـطــــــــــــــاع
يوم التقينا حن وخيل القحاطين = كلنا لهم بالمد واوفو لنا الصاع
جونا الهواجر مثل ورد محيميـــن = وياما وطو منا على صحصح القاع
الحمر مثل مغلثات الشياهيــــــــن = والصفر من ضرب المزاريج خراع
كله لعينا لابسات القيالين = اللي يحطن الخواتم بالاصباع
لاشراف لانوا عقب ماكان قاسين = والشق مايرفاه خمسة عشر بـــــــاع
ياشيب عيني ليلة الغزو مقفين = لو تجمع العشرين عشاهم الصاع [/poem]


هذا اللي سمعته والله اعلم اي من الروايات هي الاصح


تحياتي

__________________
[poem font="Simplified Arabic,4,black,normal,normal" bkcolor="transparent" bkimage="" border="inset,4,gray" type=0 line=0 align=center use=ex num="0,black"]
حن بني هاجر عذاب المعتدين= الضياغم متعبين المسرجات
من عبيده ضلع قحطان المتين= جدنا هودٍ عليه ازكى صلاة

فهد بن دلباح
[/poem]

بيض الله وجهك ياسعيد وانا أشهد ان نقلك
اكثر من صحيح..
يعطيك العافيه

بسم الله الرحمن الرحيم

حبيت أضيف أضافه
أتوقع أنها مهمه بالنسبه لهذا الموضوع

معركة تين اشترك فيها الدواسر

والمعركة معروفة وموثقة بمصادر تاريخية اولها ((تحفة المشتاق في اخبار نجد والحجاز والعراق)) للمؤرخ الشيخ عبدالله بن محمد البسام المتوفي عام1927.

اي متوفي قبل ان يولد ابن شداد وغيره من المؤلفين الحاليين بعشرات السنين.

وذكر ذلك في احداث سنة 1212هـ

ففي شهر شوال سار غالب بن مساعد شريف مكه بالعساكر العظيمة من الباديه والحاضره و اهل مصر والمغرب ومعه المدافع والالات وتوجه الى بلدة رنيه وحاصرها وحصل بينه وبين اهلها قتال شديد قتل فيه من جيشه عدة رجال وكان الحصر لمدة عشرين يوم ثم ارتحل وقصد بيشه فحارب اهلها وكان له فيها بطانه فستطاع ان يستولي عليها وان يدخل اهلها في طاعته وقبل حصاره بيشه ورنيه اغار على قبائل من قحطان واخذ منهم ابلاً كثيره فأرسل الامام ابن سعود الى هادي بن قرمله ومن معه من قبائل قحطان والى ربيع بن زيد امير وادي الدواسر والى بعض الباديه والحاضر ان يتوجهوا لمواجهة الشريف فقوى الله عزائمهم وصبحوهم على القنصليه فهرب الشريف وعساكره لا يلوون وبعث الله الرعب في قلوبهم وتركوا خيامهم وذكر المؤرخين ان القتلى بلغوا الف ومئتين .

وقد اورد ابن بسام قصيدة ابن بسام في كتابة حيث يقول الشريف راجح بن عمرو الشنبري:

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله لا يسقي نهار[ن]على تين =يوم[ن] غدينا يا شجيّع به اقطاع
جونا الدواسر مع فريق القحاطين =كلنا لهم بالمد ووفوا لنا الصاع
ياشيب عيني يوم قالوا عقالين= ودالذليل انه تراب من القاع
جونا الدواسر مثل ورد محيمين= جونا وجيناهم على كل مطواع
حطيت بالرجلين زين التوامين= ووسطتها مابينهم تقل فراع
والخيل مثل امفلتات الشياهين= والقلب من كثر المثارات يرتاع
نبي نرد ولاودعونا الوداعين= ياما وطيناهم علا صحصح القاع
ياشوفة الله ليلة الغزو ملفين= لو تجمع الستين عشاهم الصاع
يافضحنا من لابسات السباهين= اللي يديرون الشويرع بالصباع
الاشراف لانوا عقب ماهم ب قاسين =والشق مايرفاه خمسة عشر باع[/poem]


هذه القصيدة كما وردت في كتاب ابن بسام

اما القصيدة كما في رواية الدواسر:

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله لايســقيك يومٍ ورى تــيـــن=يومٍ غدينا يا شجيع به اقطـــاع
جونا الدواسر مثل وردٍ محيمــين =كلنا لهم بالمد وأوفوا لنا الصـاع
يا شيب عيني يوم قالوا عجالـين =ود الــذليل أنه تراب مع الـــقــاع
حطيت بالرجلــين زين التوامـــين=ووسطتها من بينهم تقــل مـــزّاع
والخيل مثل مغـلــشات الشياهين=والقلب من كثر الــمثارات يــرتاع
نبي نرد ولا اودعونا الوداعــين=ربعٍ تحب القتل ما هوب الأطـماع
يا شوفة الله ليلة الغــزو ملفــين=لو تجمع الستين عشاهم الــصاع
لحقوا بنا مثــل الرياح الــبداريـن=ويا ما وطوا منا على صحصح القاع
يا فضحنا في لا بسات السباهــين=اللي يديــرنّ الشــويرع بالأصــباع
والأشراف لانوا عقب ما هم بقاسين=والشق ما يرفاه خمسة عــشر باع[/poem]

عجالين:العجالين امراء الفرجان من الدواسر
البدارين: احدى قبايل الدواسر
الوداعين: احدى قبايل الدواسر


كما تطرق الأمير محمد بن احمد السديري في قصيدته الملحمه الزايدية لمعركة الاشراف وذكر اسماء الاشراف وهي مطابقة لتلك التي ذكرها ابن بسام المتوفي سنة 1927.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش حل بالأشراف (غالب )و(راجح)=أقفـو كمـا صيـدٍ حدتـه إضـراه
اقفو على قب تخافـق مـع الوطـا=تنـازا بطوعـاتٍ الرقـاب حــذاه
من ولب عطبين السهـوم آل زايـد=لهم صانع السيـف الصقيـل حنـاه [/poem]

ملاحظات:توفي الامير محمد السديري عام 1979 اي قبل ان يؤلف ابن شداد كتابه الذي الفه قبل اربع سنين او ثلاث.

لم يذكر ابن شداد في كتابه اسم صاحب القصيدة بل اكتفى بعبارة ((شاعر الاشراف)) في حين ان القصيدة واسم شاعرها ورد في كتاب مؤلف منذ قديم الزمن .

ذكر ابن شداد ان الشريف الذي قابله القحاطين وبني هاجر هو سلطان الشريف امير الخرمه وليس الشريف غالب بن مساعد .

موضوع يستحق النشر ..
وقبل النشر الثناء ..
وقبل الثناء المجد ..
كم هي كثيرة تلك القصص التي نسمع عنها ولانعرف تفاصيلها .. وهذه واحدة منها .. فلك جزيل الشكرررررررررررر على التوضيح وبيض الله وجهك ياخال.

__________________
[poem font="Simplified Arabic,5,white,normal,normal" bkcolor="transparent" bkimage="backgrounds/36.gif" border="none,4,gray" type=0 line=0 align=center use=ex num="0,black"]
سبحان الله وبحمده سبحان الله العظيم[/poem]

مشكووووووووووووووووووووور اخوووووي ولاهنت يا سعيد المهداني


وتســــلم يمناك.

اخوووووووكم

كحيلاااااااان..

اخوي الفهري

معارك قحطان مع الاشراف ليست معركه واحد بل عده معارك من زمن هادي حتى ابنه محمد وناصر بن قرمله وروايه الدواسر عن تلك المعركه حيث انهم ينسبونها لانفسهم فقط يساورها شك وضعف كبير من ناحيه مكانه الدواسر في تلك الحقبه من ضعف وتناحر فيما بينهم وبعدهم الجغرافي عن مناطق الاحداث الساخنه والاسباب التي ادت الى تلك الحرب غير مقنعة من منظور الدواسر والاشعار التي يذكرونها ورافقت الحرب وقبلها وبعدها ضعيفه وركيكه ولايوجد لديهم اي تفاصيل عن تلك المعركه , ربما اشتركو مع هادي بن قرمله لأنه كان يقود جيوش الدوله السعوديه الت تتكون من قحطان كقبيله رئيسيه وعده قبائل اخرى وحاضره نجد.
ودمتم سالمين

الاخ الفهري صح الله لسانك والسالفه معروفه من المؤرخين ورجال الدواسر فما ادري لماذا تنسبها سبيع وقحطان والهواجر ورحلتهم الخياليه ومرورهم حسب ذكرهم ابن برهوم ولايوجد في الدواسر رجل هذا اسمه وعليكم في المصادر الموثوقه لا الموضوعه والخيال

ياسلام عليك يابن مضيم

كتبت فأبدعت فأنصفت

لله درك

__________________