السلام عليكم

قبل ١٠ سنين شريت ٣ بطانيات مورا تقليد صناعة صينية ماهي اسبانية من شارع السويكت

وحدة عليها صورة اسد (( اسد بدون قرون )) والثانية شكلها جلد حمار وحشي والثالثة غصب حصلتها .. سادة





المهم من كثر الاستعمال انشقت السادة وبدى يدخل على هواء بارد كانك جالس تحت مكيف

امس ذبحني البرد قلت ابي اغيير ...

اميين اليوم اروح لذاك المحل في اليابان ... تحيرت .. اخذ بطانية والا لحاف

بعد ما درت بالمحل وتلمست كل حاجة ... شفت لي لحاف ناعم ومتين شكله يدفي




قلت خلني اتخلص من المورا ... عفنت عندي



ناديت الموظفة اسالها ايش الفرق بين هالانواع الكثيرة من اللحف ...

قالت لي الريش يختلف والوزن يختلف والمواصفات تختلف ..

قلت لها لا تطولين السالفة ... ابي شيء يدفي .. !!!

قالت لي تعال اجلس ...

المهم جلسنا في اجتماع ... جابت اوراقها وملفات كاننا ننسوي صفقة بناء جامعة ...

سألتني تبيه سنجل والا سميدبل والا دبل ..؟

قلت لها ابي ابو نفر ..

سألتني تبيه من وين تبي مصدر الريش ..؟

قلت لها ... ريشكم من وين يجي ..!!

قالت عندنا ريش اوكراني , وعندنا ريش فرنسي , وعندنا ريش هنغاري , وعندنا ريش صيني ...

سالتها ايش الفرق وايهو احسن ...!!!

قالت كلما كان مصدر الريش مكان بارد ... كان ادفأ ...

قلت لها الزبدة ايهو ادفى شيء ...؟؟

قالت خذ اوكراني ...

طيب OK

(( للمعلومية فان الريش هو ريش بط ))



المرحلة الثانية

سالتني تبي ريش صدر والا ريش ابط (( تحت الجناح )) والا ريش ذنب

قلت وش هذا الكلام ..؟

قامت فتحت الملف وطلعت لية الرسمة هذي عن مكان الريش ...




قلت لها ايهو يدفي زين ...؟؟

قالت الصدر .. لانه ناعم وطري .. !!!

قلت لها يلعن ابو الفقر ... عطينى صدر

قامت جابت لي نموذج من ريش صدر البطة ... سبحان الله ناعم





المرحلة الثالثة ..

سالتني كم تبي سمك اللحاف ... قالت عندهم ١٠ سانتي , ١٢ سانتي , ١٥ سانتي و ١٩ سانتي .

قلت لها مدري ... بس انتي ايش تنصحين به ..!!

قالت اخذ ابو ١٥ سانتي ..

قلت لها تم .

وهي تسجل بالدفتر ... مصدقه



المرحلة الرابعة

كم تبي نسبة الريش ..؟؟

بصراحة ضحكت لاني اشوف النماذج المعروضة فيها نسب مختلفة ولا ادري ايش السالفة ..

قلت لها ايش عندكم وايش تنصحين ..؟

قالت عندنا ٩٥% , ٩٣% , ٨٥% , ٧٠% و ٥٠%

سالتها ايش الفرق قالت هذي نسبة ريش الصدر ..

طيب وايش تنصحين ... قالت خذ ابو ٨٥%

قلت لها تم

قالت ارخص لك نحط لك بالوسط ابو ٨٥% وبالاطراف ابو ٥٠%



قلت لها واذا استبردت ... قالت على مسؤليتي



المرحلة الخامسة

سألتني كم تبي يكون وزن اللحاف ...؟؟

قلت لها والله حول عشرة كيلو ... اتذكر بطانيتي المورا الصينية وزنها ٦ كيلو ...

اشوف البنت صار وجهها احمر وارتبكت ...

قالت لي اكثر وزن للريش هو كيلو وربع , وعندهم ابو كيلو وعندهم ابو كيلو الا ربع ..

قلت لها عطيني ابو كيلو وربع ... ادفأ





المرحلة السادسة

قالت انصحك بان تاخذ لحاف ابو طبقتين حيث عندما يقل البرد تستطيع ان تستخدم طبقة واحدة ...

قلت لها والله شيء طيب ... حتى ارمي المورا مره وحدة



المرحلة الاخيرة ..

قلت لها طيب كم الحساب ..

قالت كل طبقة سعرها ٣٩,٩٠٠ ين يعني ١٦١٥ ريال

طبقتين ٣٢٣٠ ريال ...

الان جلست اتنافض كيف اطلع من المأزق ...

قلت لها حن بديرتنا نكاسر بالسعر والان ابي تخفيض (( للمعلومية في اليابان ما يكاسرون ))

قلتها روحي للمدير وقولي له في اجنبي يبي تخفيض ..

هي مستحيه تروح لمدير لانه اول مره يمر عليها المكاسر ..

المهم انا ابي الفكه ... ضغطت عليها وراحت ... بعد ربع ساعة رجعت بالتسعيرة هذي




نزلوا لي عشرة الاف ين ...

صار السعر ٦٩,٩٠٠ يعني ٢٨٣٠ ريال




قلت لها ابي اروح البيت اراجع نفسي واعوّد بكره

طبعا داخل نفسي اقول اروح اخيّط الشق اللي في بطانية مورا الصينية ام ٦٥ ريال اسلم وابرك ...

وارسم للاسد قرون اهون من الريش ... لا بو الريش

هههههههههههههههااااااااااااي

ويل امها صدق ... يذبحني البرد ولا ادفع 2000 ومدري كم علشان اتدفى ..ههههههههه

هاه .. وش قررت يابو عصااام ..؟

لاهنت نفداك ويا حي بطانيات مورا هههه

__________________

لو قايلي ارسلت لك من حراج بن قاسم بطانية دبل كوري نفرين 160 ريال فقط لاغير تكدها كد الي مايخاف من الله

وكلما لها تقولك ماجاني شي

اجل تبي ريش صدر !!

لو ذبحت دجاج الغرغر عفوا الصومالية في بيتك كان استفدت من الريش.

هههههههههههههههه

والله لو اني خبل أدفع 3000 في بطانية ..

كان الله في عونك يا بو عصام على ذا الغلاء ..

خلك على بطانية أسد أبو قرون أحسن لك ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ابو حزام ...

فكنا من الريش يا حبيبي ...

عندي بطانية مشتريها من مفروشات الاحمري ..

تخبره في شارع المدرسة جنب حلويات الاحمري ... مقابل صيدلية الخنيني ..

بطانية صوف حرشة كأنها ليفة حمام ... اذا ماني غلطان ٣٥ ريال باكستانية ..

مشكلتها حقت اقزام ... اذا غطيت راسك طلعت رجولك ... واذا غطيت رجولك جمدت اذونك ...

حبيبي رقعت المورا ... صارت كانها جديدة

هههههه

المورا ام الاسد ماهي اصلية تقليد صيني ... والاسد اللي فيها بدون قرون

بس عجبني اسد سعد ... قمت وحطيت له قرون بنفس اللون .. طلعت كانها موديل جديد

ههههههههههههههههههههههههه

هههههههههههههههههههههههههه


ابو عصام اهم شي البطانيه اللي فيها اسد لا تفرط فيها

ممكن نعمل عليها مزاد في الاستراحه

__________________

لا يا سعد ... هذي تحفة ما هي للبيع

الله يقطع ابليسك على ذاك الاسد

قالك مشاري والا ..لا

تراه نزل ذيك الصورة في كل مواقع قطر ... وكبر لوحة وحطها في سوق واقف

اقتباس:

قالت الصدر .. لانه ناعم وطري .. !!! قلت لها يلعن ابو الفقر ... عطينى صدر

الجملة هاذي دقرت عندها وتمعنت فيها جيدا وسرحت طويلا بمخيلتي الفذة

فعلا الصدر ناعم وطري هههههههههه

والله يابو عصام أحسن مخدة شفتها في حياتي هي الريش

وأذا اللحاف بعد ريش .... ياسلاااااااااااام