|
هذا ما حصل اليوم ...
السلام عليكم
قبل ١٠ سنين شريت ٣ بطانيات مورا تقليد صناعة صينية ماهي اسبانية من شارع السويكت وحدة عليها صورة اسد (( اسد بدون قرون )) والثانية شكلها جلد حمار وحشي والثالثة غصب حصلتها .. سادة http://www.qahtaan.com/works/up/get....9z421263104940 المهم من كثر الاستعمال انشقت السادة وبدى يدخل على هواء بارد كانك جالس تحت مكيف امس ذبحني البرد قلت ابي اغيير ... اميين اليوم اروح لذاك المحل في اليابان ... تحيرت .. اخذ بطانية والا لحاف بعد ما درت بالمحل وتلمست كل حاجة ... شفت لي لحاف ناعم ومتين شكله يدفي http://www.qahtaan.com/works/up/get....fntv1263105138 قلت خلني اتخلص من المورا ... عفنت عندي ناديت الموظفة اسالها ايش الفرق بين هالانواع الكثيرة من اللحف ... قالت لي الريش يختلف والوزن يختلف والمواصفات تختلف .. قلت لها لا تطولين السالفة ... ابي شيء يدفي .. !!! قالت لي تعال اجلس ... المهم جلسنا في اجتماع ... جابت اوراقها وملفات كاننا ننسوي صفقة بناء جامعة ... سألتني تبيه سنجل والا سميدبل والا دبل ..؟ قلت لها ابي ابو نفر .. سألتني تبيه من وين تبي مصدر الريش ..؟ قلت لها ... ريشكم من وين يجي ..!! قالت عندنا ريش اوكراني , وعندنا ريش فرنسي , وعندنا ريش هنغاري , وعندنا ريش صيني ... سالتها ايش الفرق وايهو احسن ...!!! قالت كلما كان مصدر الريش مكان بارد ... كان ادفأ ... قلت لها الزبدة ايهو ادفى شيء ...؟؟ قالت خذ اوكراني ... طيب OK (( للمعلومية فان الريش هو ريش بط )) المرحلة الثانية سالتني تبي ريش صدر والا ريش ابط (( تحت الجناح )) والا ريش ذنب قلت وش هذا الكلام ..؟ قامت فتحت الملف وطلعت لية الرسمة هذي عن مكان الريش ... http://www.qahtaan.com/works/up/get....uvwx1263106059 قلت لها ايهو يدفي زين ...؟؟ قالت الصدر .. لانه ناعم وطري .. !!! قلت لها يلعن ابو الفقر ... عطينى صدر قامت جابت لي نموذج من ريش صدر البطة ... سبحان الله ناعم http://www.qahtaan.com/works/up/get....2n1o1263106359 المرحلة الثالثة .. سالتني كم تبي سمك اللحاف ... قالت عندهم ١٠ سانتي , ١٢ سانتي , ١٥ سانتي و ١٩ سانتي . قلت لها مدري ... بس انتي ايش تنصحين به ..!! قالت اخذ ابو ١٥ سانتي .. قلت لها تم . وهي تسجل بالدفتر ... مصدقه المرحلة الرابعة كم تبي نسبة الريش ..؟؟ بصراحة ضحكت لاني اشوف النماذج المعروضة فيها نسب مختلفة ولا ادري ايش السالفة .. قلت لها ايش عندكم وايش تنصحين ..؟ قالت عندنا ٩٥% , ٩٣% , ٨٥% , ٧٠% و ٥٠% سالتها ايش الفرق قالت هذي نسبة ريش الصدر .. طيب وايش تنصحين ... قالت خذ ابو ٨٥% قلت لها تم قالت ارخص لك نحط لك بالوسط ابو ٨٥% وبالاطراف ابو ٥٠% http://www.qahtaan.com/works/up/get....mqtx1263107047 قلت لها واذا استبردت ... قالت على مسؤليتي المرحلة الخامسة سألتني كم تبي يكون وزن اللحاف ...؟؟ قلت لها والله حول عشرة كيلو ... اتذكر بطانيتي المورا الصينية وزنها ٦ كيلو ... اشوف البنت صار وجهها احمر وارتبكت ... قالت لي اكثر وزن للريش هو كيلو وربع , وعندهم ابو كيلو وعندهم ابو كيلو الا ربع .. قلت لها عطيني ابو كيلو وربع ... ادفأ http://www.qahtaan.com/works/up/get....fk0v1263107487 المرحلة السادسة قالت انصحك بان تاخذ لحاف ابو طبقتين حيث عندما يقل البرد تستطيع ان تستخدم طبقة واحدة ... قلت لها والله شيء طيب ... حتى ارمي المورا مره وحدة المرحلة الاخيرة .. قلت لها طيب كم الحساب .. قالت كل طبقة سعرها ٣٩,٩٠٠ ين يعني ١٦١٥ ريال طبقتين ٣٢٣٠ ريال ... الان جلست اتنافض كيف اطلع من المأزق ... قلت لها حن بديرتنا نكاسر بالسعر والان ابي تخفيض (( للمعلومية في اليابان ما يكاسرون )) قلتها روحي للمدير وقولي له في اجنبي يبي تخفيض .. هي مستحيه تروح لمدير لانه اول مره يمر عليها المكاسر .. المهم انا ابي الفكه ... ضغطت عليها وراحت ... بعد ربع ساعة رجعت بالتسعيرة هذي http://www.qahtaan.com/works/up/get....v98z1263108905 نزلوا لي عشرة الاف ين ... صار السعر ٦٩,٩٠٠ يعني ٢٨٣٠ ريال http://www.qahtaan.com/works/up/get....morw1263109047 قلت لها ابي اروح البيت اراجع نفسي واعوّد بكره طبعا داخل نفسي اقول اروح اخيّط الشق اللي في بطانية مورا الصينية ام ٦٥ ريال اسلم وابرك ... وارسم للاسد قرون اهون من الريش ... لا بو الريش |
رد : هذا ما حصل اليوم ...
هههههههههههههههااااااااااااي
ويل امها صدق ... يذبحني البرد ولا ادفع 2000 ومدري كم علشان اتدفى ..ههههههههه هاه .. وش قررت يابو عصااام ..؟ لاهنت نفداك ويا حي بطانيات مورا هههه |
رد : هذا ما حصل اليوم ...
لو قايلي ارسلت لك من حراج بن قاسم بطانية دبل كوري نفرين 160 ريال فقط لاغير تكدها كد الي مايخاف من الله
وكلما لها تقولك ماجاني شي اجل تبي ريش صدر !! لو ذبحت دجاج الغرغر عفوا الصومالية في بيتك كان استفدت من الريش. |
رد : هذا ما حصل اليوم ...
هههههههههههههههه
والله لو اني خبل أدفع 3000 في بطانية .. كان الله في عونك يا بو عصام على ذا الغلاء .. خلك على بطانية أسد أبو قرون أحسن لك .. |
رد : هذا ما حصل اليوم ...
اقتباس:
ابو حزام ... فكنا من الريش يا حبيبي ... عندي بطانية مشتريها من مفروشات الاحمري .. تخبره في شارع المدرسة جنب حلويات الاحمري ... مقابل صيدلية الخنيني .. بطانية صوف حرشة كأنها ليفة حمام ... اذا ماني غلطان ٣٥ ريال باكستانية .. مشكلتها حقت اقزام ... اذا غطيت راسك طلعت رجولك ... واذا غطيت رجولك جمدت اذونك ... |
رد : هذا ما حصل اليوم ...
اقتباس:
حبيبي رقعت المورا ... صارت كانها جديدة |
رد : هذا ما حصل اليوم ...
اقتباس:
هههههه المورا ام الاسد ماهي اصلية تقليد صيني ... والاسد اللي فيها بدون قرون بس عجبني اسد سعد ... قمت وحطيت له قرون بنفس اللون .. طلعت كانها موديل جديد |
رد : هذا ما حصل اليوم ...
ههههههههههههههههههههههههه
هههههههههههههههههههههههههه ابو عصام اهم شي البطانيه اللي فيها اسد لا تفرط فيها ممكن نعمل عليها مزاد في الاستراحه |
رد : هذا ما حصل اليوم ...
اقتباس:
لا يا سعد ... هذي تحفة ما هي للبيع الله يقطع ابليسك على ذاك الاسد قالك مشاري والا ..لا تراه نزل ذيك الصورة في كل مواقع قطر ... وكبر لوحة وحطها في سوق واقف |
رد : هذا ما حصل اليوم ...
اقتباس:
الجملة هاذي دقرت عندها وتمعنت فيها جيدا وسرحت طويلا بمخيلتي الفذة فعلا الصدر ناعم وطري هههههههههه والله يابو عصام أحسن مخدة شفتها في حياتي هي الريش وأذا اللحاف بعد ريش .... ياسلاااااااااااام |
| الساعة الآن 06:47 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com