السلام عليكم ورحمة الله وبركاته..


طلب مني احد الاخوان ان اذكر قصيدة الشاعر حمد بن هادي المسردي رحمه

الله اللي قالها في ال سويدان الجحادر في هية جرير مع الدواسر اللتي وقعت تقريبا قبل 30 عام ..





وسالفة هذي الهية ان مجموعه من الدواسر نزلوا في جرير وارادو ان يحفرون بير

وان لديهم اثباتات ان الارض تعود لاجدادهم ومن المعروف ان جرير من اراضي

قحطان وحافظينها يوم الجهل غير يوم جى وقت الرخى والامن والامان جو

يطلبون فيها وجرير تبعد عن وادي الدواسر 120كم وعن تثليث 60كم..منعوهم

ال سويدان ولم يستجيبوا ويوم اتت المعدات لحفر البير رمو قحطان واحد منهم

في رجله ليه صويب فتجمعو الدواسر وتجمعو ال سويدان وانتهت الهية بانتصار

آل سويدان وحماية ارضهم ورجوع المعتدين لديارهم..



ناتي للقصيده..


[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,medium,gray" type=4 line=0 align=center use=ex num="0,black"]
هـيـــةٍ بـجـريــــر كـــلٍ ذكــرهــــا = علمها شـاع بجميـع الجزايــر
سمــع فيهـا كـل مـن لاحظرهـــا = يـوم سـار بذكرهـا كـل سايـر
مـزنــةٍ تَـرعــد وهلـت مـطــرهـــا = بَـرقــه سـلالٍ ووبلــه ذخـايــر
وآل سويدانٍ منـاشـي خطرهـــا = لابــةٍ يثنـون عنــد الـعـشــايــر
لابـــةٍ دايـــم طـــوارف ديـــرهــــا = من طمع فيهـا يشوف العزايـر
يحـتـمـون سهولهـا مـع وعـرهـــا = دونهـا مـا يحسبـون الخسايـر
كـم جموعٍ وقفـوا فـي نـحـرهــا = مـا كنهم إلامستقبليـن لـزايــر
ليــن عيـن العايل اعموا بصرهــا = عندما ضـاعـت جميع البصايــر
وانتخوا بالشايب اللـي عمرهـــا = واحتمـوا مـدهـال ذودٍ حـرايــر
لابــةٍ بـــالـعـــز ربــي نــصـرهـــا = نصرهــا نعطـي عليه البشايـر
شاش راسي يوم جاني خبرها = والعقــال بغتـرتـي راح طـايــر
والـدعــاوي مـا اقتفيهـا بـأثـرهــا = غير يوم أنْس على الكبد جايـر[/poem]

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

أخوي محمد صادق

بيض الله وجهك

وهذه قصيدة حمد هادي المسردي رحمه الله الثانيه

نهارن جرى بجرير يفرح به الصديق=وكبد العدو يجي بوسطها عله
نهار الملقا يوم نشف بلال الريق=وجموع الاعادي ردهم خبرةقله
لكن خبرة ياسعد من هو لهم رفيق=اقروم سويدانية تبري الغله
غدوا بوجه القوم ثم سدوا الطريق=ولا طرت في قلب واحدن منهم الذله
حموا عدهم بمصقلات لها بريق=وبأمهات خمس اللي عليها كما الهله
ولا فكروا فالضرب والخبط والتحقيق=يقولون ورث الجد الارواح فدوله
جانا الخبر بأبونعمي وراح يويق=وجات الحكومه واخلف كل ظن له
على راس شيخ بالمثل كنه ضلع طويق=ابو ناصر جعل من ذمه فدا له
ويا ليتها دارت رحانا على الدقيق=حتى نحط من العدو يخلعه ظله
فحنا قحاطين و لابينا تفريق=ومن جاء ضد بن عمي جيت ضد له
...والقصيده اطول من كذا لكن هذا ماحضرني منها..وسلامتكم

ارحب يا بندر..

لاهنت لاهنت على ذكر القصيده وهذي هي كامله:



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
نهار جرى بجرير يفرح بـه الصديـق = وكبد العدو منـه يجـي وسطهـا علـه


نهار الملاقى يوم نشفـت بـلال الريـق=جمـوع الدواسـر ردهـم خبـرة قلـه


لكن خبرة يـا سعـد مـن لهـم رفيـق=قـروم سويدانـيـة تـبـري العـلـه


رسو في وجيه القوم ثم سـدوا الطريـق=ولا واحـد منهـم طـرت قلبـه الذلـه


عيال ابن سواد حمو عدهـم مـا ذيـق=وحرابهـم صـدر محيـم وبـه خـلـه


حمو عدهم من ضدهم مـا بهـا تبريـق=وكم صوبو من واحـد مـا حـد شلـه


نجى من نجى من شرهم وانثبر من عيق=وباقي عشا السرحان يصبح فطـور لـه


وخذوا حقهـم بمصقـلات لهـا بريـق=وبامات خمس اللي عليهـا كمـا الهلـه

ولافكروا في حكـم شـرع ولا تحقيـقيق=ولـون ورث الجـد الارواح فـدولـه


وهلو ضواحك شاهد الـزور والتلفيـق=ولا والله اللي جاء فعلهـم علـى حلـه


عطوه الجزا اللازم وقفـا دمـاه تريـق=على غم مـن غمـه يغمـه وغـم لـه


اقوله ونا في القول مـا دانـي التعليـق=ولا قول قول غير عنـدي شهـود لـه


وربعي مساردة ليا جاء نهـار الضيـق=فيا سعد منهم حـزة الضيـق ربـع لـه


يخوضون ساحات الوغى والدما تريـق=وحرابهـم يمسـي وكنـه علـى ملـه


على راس شيخ بالمثل كنه ضلع طويـق=ابو ناصر اللي جعـل الانـذال فدولـه


جمل والجمل لارتكى للحمـول يطيـق=وهو شيخنا اللي لاحظـر مشكـل حلـه


لفاه الخبر ثم قام واسـرع بـلا تعويـق=وشاشت شعوره ثـم تقلـد بسيـف لـه


وصاح ونخى ربعه وفزع و نوى التسبيق=وحتى معمه طاح مـا هـو مـن الذلـه


تحرك على الجمس المصفح بدون يفيـق =وخاطر بروحه يـوم حـن مقتفيـن لـه


وهو قدوة وعيـال مسـرد وراه تسيـق =برشاش وابـرت وفـرد وضـراب لـه


وفرخ كما العود اللـي نايشـه حريـق =وجنبيـة مـن حضرمـوت بهـا سلـه

وعطانا الاشارة بابو نعمـي راح يويـق =وجات الحكومة واخلفت كـل ظـن لـه

فيا ليتهـا دارت رحنـا علـى الدقيـق =نحط العـدو مـن فعلنـا يخلعـه ظلـه


وحنـا قحاطيـن ولا بينـنـا تفـريـق =وضد ابن عمي لازم اكـون ضـد لـه[/poem]


اشكرك على مشاركاتك..

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

ارحب ارحب يامحمد تراحيب المطر وانتم وافين ورمز من رموز قحطان في الماضي والحاضر وهي ديارك مافيها كلام ومعروفه عند البعيد والقريب
وبيض الله وجهك على القصايد
اخوك ابوفهاد

ارحب يا ابو فهاد..

ما عليكم زود يا بني هاجر خلان الاشده..


لاهنت على المرور..

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

بيض الله وجيهكم يا صبيان ال الجمل وموقفكم ما راح ينساه التاريخ لأن المعتدي دائما خسران ,,,,,,,, وال سويدان فعلهم معروف من نطحهم خسران


مشكوووووووور على الموضوع الجميل والقصائد

__________________

ارحب يالعلياني..


لاهنت يالغالي على مرورك وما عليكم زود يا آل الجمل..

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

أرحب يا محمد ..

بيّض الله وجهك على الطرح الوافي ..

ومليون نعم بصبيان آل سويدان الجحادر ..

ورحم الله الشاعر الكبير حمد هادي المسردي ..

لاهنت يا الغالي ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

سلمه..

ووجهك ابيض


ما عليكم زود يالحباب..


اشكرك على مرورك وتقبل خالص تحياتي..

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

والله ومية نعم يال سويدان انتوا رجال الحرب ومشاكيلها وابن مسرد جعله الجنة صح الله لسانه وقصيده جزل في ربع يستاهلون العلم العلا