هية جرير بين آل سويدان والدواسر
 

السلام عليكم ورحمة الله وبركاته..


طلب مني احد الاخوان ان اذكر قصيدة الشاعر حمد بن هادي المسردي رحمه

الله اللي قالها في ال سويدان الجحادر في هية جرير مع الدواسر اللتي وقعت تقريبا قبل 30 عام ..





وسالفة هذي الهية ان مجموعه من الدواسر نزلوا في جرير وارادو ان يحفرون بير

وان لديهم اثباتات ان الارض تعود لاجدادهم ومن المعروف ان جرير من اراضي

قحطان وحافظينها يوم الجهل غير يوم جى وقت الرخى والامن والامان جو

يطلبون فيها وجرير تبعد عن وادي الدواسر 120كم وعن تثليث 60كم..منعوهم

ال سويدان ولم يستجيبوا ويوم اتت المعدات لحفر البير رمو قحطان واحد منهم

في رجله ليه صويب فتجمعو الدواسر وتجمعو ال سويدان وانتهت الهية بانتصار

آل سويدان وحماية ارضهم ورجوع المعتدين لديارهم..



ناتي للقصيده..


[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,medium,gray" type=4 line=0 align=center use=ex num="0,black"]
هـيـــةٍ بـجـريــــر كـــلٍ ذكــرهــــا = علمها شـاع بجميـع الجزايــر
سمــع فيهـا كـل مـن لاحظرهـــا = يـوم سـار بذكرهـا كـل سايـر
مـزنــةٍ تَـرعــد وهلـت مـطــرهـــا = بَـرقــه سـلالٍ ووبلــه ذخـايــر
وآل سويدانٍ منـاشـي خطرهـــا = لابــةٍ يثنـون عنــد الـعـشــايــر
لابـــةٍ دايـــم طـــوارف ديـــرهــــا = من طمع فيهـا يشوف العزايـر
يحـتـمـون سهولهـا مـع وعـرهـــا = دونهـا مـا يحسبـون الخسايـر
كـم جموعٍ وقفـوا فـي نـحـرهــا = مـا كنهم إلامستقبليـن لـزايــر
ليــن عيـن العايل اعموا بصرهــا = عندما ضـاعـت جميع البصايــر
وانتخوا بالشايب اللـي عمرهـــا = واحتمـوا مـدهـال ذودٍ حـرايــر
لابــةٍ بـــالـعـــز ربــي نــصـرهـــا = نصرهــا نعطـي عليه البشايـر
شاش راسي يوم جاني خبرها = والعقــال بغتـرتـي راح طـايــر
والـدعــاوي مـا اقتفيهـا بـأثـرهــا = غير يوم أنْس على الكبد جايـر[/poem]

رد : هية جرير بين آل سويدان والدواسر
 

رد : هية جرير بين آل سويدان والدواسر
 

ارحب ارحب يامحمد تراحيب المطر وانتم وافين ورمز من رموز قحطان في الماضي والحاضر وهي ديارك مافيها كلام ومعروفه عند البعيد والقريب
وبيض الله وجهك على القصايد
اخوك ابوفهاد

رد : هية جرير بين آل سويدان والدواسر
 

بيض الله وجيهكم يا صبيان ال الجمل وموقفكم ما راح ينساه التاريخ لأن المعتدي دائما خسران ,,,,,,,, وال سويدان فعلهم معروف من نطحهم خسران


مشكوووووووور على الموضوع الجميل والقصائد

رد : هية جرير بين آل سويدان والدواسر
 

أرحب يا محمد ..

بيّض الله وجهك على الطرح الوافي ..

ومليون نعم بصبيان آل سويدان الجحادر ..

ورحم الله الشاعر الكبير حمد هادي المسردي ..

لاهنت يا الغالي ..

رد : هية جرير بين آل سويدان والدواسر
 

والله ومية نعم يال سويدان انتوا رجال الحرب ومشاكيلها وابن مسرد جعله الجنة صح الله لسانه وقصيده جزل في ربع يستاهلون العلم العلا

رد : هية جرير بين آل سويدان والدواسر
 

ارحب ياخوي محمد

الله يجمل حالك ويطيَب فالك

لدي اضافه بعض القصيد للشاعر مانع بن عايض السعدي

يرد على المسردي

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
المسارده مثل جمة بحرها=زاد جمه لين زم الحجاير

لابتن تلقى الحريب بظفرها=حربهم كنه وقود المناير

داهم يحمون حتى شجرها=يحتمون ديار جل العشاير

شيخهم هم جموعه زبرها=هم جنوده في لقاء كل غاير

هم جبال وزبننا في وعرها=ذخرنا لادارت علينا الدواير

الحمايا ماخذين حذرها= لين يفنا حينا في الحفاير

ياغمار اشروا صنايع كفرها=وحتسوها لاتدور الدواير

اشتروا ملي حشاة سحرها=بندق ورشاش ومات عاير[/poem]


ويقول

[poem=font="Simplified Arabic,6,red,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياقنيفٍ من جنوبٍ على الجزله حدر=ماطره شل الجداير وقف ترابها

ال سويدانٍ رعوده وبرقه والمطر=البرد ماها وبرقه سنين حرابها

خبرةً ردوا الدواسر بحزلات الدبر=كل قرمٍ بندقه عارفٍ مضرابها

هيةٍ بجرير ذا علمها بان وظهر=قوَم الله حظنا يوم ربي جابها

والله انها نومست كل من غاب وحضر=والفعايل تطلق لسان من غنابها

بنت قحطان تغني ليا رد الخبر=من وقايعنا ثياب الحرير اسلابها[/poem]

ويقول

ايضا

[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
حدنا من جو نجد ليا قرية لحد=في طوارف حدنا حن جبال طايله

والدبش في حدنا وامن ماله طرد=كل دارن ترتعي ذودنا مهامله

يوم جيناهم فطقوا ولاحيٍ قعد=كم كسير في المواجه خذت نشايله

طاحت الخيمه على عشرةً وسط الوهد=والدركتر سايقه طاح دميه سايله

خلوا الحفره وخلوا الجيوب الي جدد=عقب ماجاهم قنيفٍ نشت مخايله

والذبايح والمعاميل وخيام الوعد=والسلاح الي على الفرش نسيه شايله

انحن تكرمنا بخرفانهم عقب الهدد=كرمة من جود ربي ومن جمايله

ونت يابن حزيم شكيت يا ؟؟؟ ؟=وامن من شر بقعا وهي لك زايله

تحسبن كتب القراطيس يظهر لك بلد=مادريت انا جنونك على الماء نازله

والله لولا حكم خالد وامر ولي العهد=ان نحاربكم صباح وعصر وقايل

شيخنا مايطلب الصلح دام منا ولد=والله مايطلب صلاح وحن قبايله[/poem]


اشكرك ومليون نعم ياصبيان ابن جحدر

7

7

تحياتي للجميع

رد : هية جرير بين آل سويدان والدواسر
 

رد : هية جرير بين آل سويدان والدواسر
 

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انشدوا لبنان من سيلنا يومن ورد=يوم خلا العد وهو بالعيون يخايله

نطرده بالماو ومايلتفت يومن شرد=قام يظرب بالمخاشيف كنه عايله

حصني قام يتحيَل وجا الحصني لسد=ضيع الحيله وروي نجوم القايله[/poem]
احسنت اخوي اشمس الضحى

رد : هية جرير بين آل سويدان والدواسر
 

بيض الله وجيهكم على سرد المواقيف التاريخيه اللي تنومس وترفع راس كل قحطاني بيض الله وجهك يا اخ محمد ومليون نعم بكم اول وتالي
كما لايفوتني ان اتقدم بجزيل الشكر والعرفان للاخ الغالي اللي يرفع الراس علمه وفعله نسل الشيوخ /الظور الله يبيض وجهك على ماتقدمه من معلومات واشعار وانا من اللذين يتشرفون بك وبما تقدمه جعلك تبطي حي
اقول هذا الكلام بدون مجامله او معرفه شخصيه وانما اقول ذلك انصافا للواقع انت رمز من رموز هذا الصرح الشامخ بل من رموز قبيلة قحطان ويحق لنا ان نفخر بك وبامثالك يا نسل الشيوخ
لاهنتوا وبيض الله وجيهكم لا عدمناكم