[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="groove,4,gray" type=0 line=0 align=center use=ex num="0,black"]




اسعد الله اوقاتكم بالخير والمسرات

قصيده في الأخ / فلاح بن عايض الدسيمي من عبيده من قحطان

اتمنى ان تحوز على اعجاب الجميع


راكب اللي لونها مثل البحر متشابه = ومن ركبها قام يلعن وارد النيساني

اسمها ما هوب يعرف غير عند اصحابه = وان توحيته فدورني ولا تلقاني

شوفها يمسي بقلبي دايم ويصحابه = وكنّ ربي ما خلقه يحب شي (ن) ثاني

جابها اللي من رياله يحسبون احسابه =وارد الجفالي ومن صنعة الالماني

الفياقرا ... وارفع الوسطى مع السبّابه = لأجل يذكرني راع الطاره ولا ينساني

مايحركها غير اللي فاتل(ن) اشنابه =واحد من صلب ابوي ومارثة جداني

يستدير بها وينصى اللي مشرّع بابه = الدسيمي راعي العليا زبون الجاني

عادته في الطيب سيف(ن ) نفتخر بنصابه = وقفته تعرف مع الاقصين واللي داني

ان بغيته في لزوم(ن) ما تروح الابه = وان نخيته في الشدايد قال شانك شاني

فبيّض الله وجهه اي والله ومن هو جابه = راعي الوقفات لا من جيت صوبه عاني

اذكره بالطيب ابو عايض وهو كسابه= واعتبره انه من اغلى واحد(ن) في اخواني

واشهد انّه مايضايقني ياكون غيابه = واشهد انّه ينشرح صدري لا شفته جاني

وكل طيب ودّي انّي واحد من اقرابه = وكل يوم انصاه في بيته وهو ينصاني

والزلابه ما علي منّه لأنه زلابه = كرّم الله وجه من يقراء مثل حذياني

ما يضايق خاطرك غير ابّرود اعصابه = لا نخيته قال رح لفلان والاّ فلاني

آتحاشا منه وان كشّر علي بنابه = انفذ اذراعي بفعلي قبل نطق لساني

قلتها والرجل ماينفعه زين ثيابه = لو يلبّس ثوب كلّه لؤلو ومرجاني

وكل طيرٍ له جناح وعايشه مخلابه = ويرزقه من كرّم المسلم على النصراني

والذيابه من خلقها الله تعيش ذيابه = والحصان يجيك له اخو(ن) ماهوب احصاني

قلتها والكامل اللي نهتدي بكتابه = والوفاء والطيب يبقى وابن آدم فاني [/poem]

__________________
قالها اللي مايخوجل في كلامه _عاطفي(ن) يعتزي بالعاطفيه

__________________

صح الله بدنك

ياأخ / وليد القويفل

والطيب ماله جزى الا مثله

ومرورك شرف الله يعطيك العافيه

__________________
قالها اللي مايخوجل في كلامه _عاطفي(ن) يعتزي بالعاطفيه

صح لسانك وبيض الله وجهك

قصيدة جزلة وفي رجال يستاهل

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح الله بدنك ياعبدالله المهداني

ومرورك فخر لنا

والله لا يهينك

__________________
قالها اللي مايخوجل في كلامه _عاطفي(ن) يعتزي بالعاطفيه

صح لسانك ولالالالالالالاهنت ياذيبان

__________________

لا عدمتك يابن ملهي

ومرحبا بك كثر من قال مرحبا

__________________
قالها اللي مايخوجل في كلامه _عاطفي(ن) يعتزي بالعاطفيه

شاعرنا المبدع دائماً / فهد المكودر

السلام عليكم

ما قصرت وبيض الله وجهك
وصف دقيق وتوظيف رائع للكلمة المناسبه
ورجل يستحق المدح




ورجل يستحق المدح

__________________
مجموعة من صوري





مدونتي

وعليكم السلام ورحمة الله وبركاته

ارحب ارحب يابو ياسر

والله لايهينك

واشكرك على الكلام الطيب ولاهي غريبه على امثالك

تقبل تحياتي اخوك / فهد المكودر

__________________
قالها اللي مايخوجل في كلامه _عاطفي(ن) يعتزي بالعاطفيه

صح لسانك يا ابو مبارك
وبيض الله وجهك