|
الفياقرا
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="groove,4,gray" type=0 line=0 align=center use=ex num="0,black"]
اسعد الله اوقاتكم بالخير والمسرات قصيده في الأخ / فلاح بن عايض الدسيمي من عبيده من قحطان اتمنى ان تحوز على اعجاب الجميع راكب اللي لونها مثل البحر متشابه = ومن ركبها قام يلعن وارد النيساني اسمها ما هوب يعرف غير عند اصحابه = وان توحيته فدورني ولا تلقاني شوفها يمسي بقلبي دايم ويصحابه = وكنّ ربي ما خلقه يحب شي (ن) ثاني جابها اللي من رياله يحسبون احسابه =وارد الجفالي ومن صنعة الالماني الفياقرا ... وارفع الوسطى مع السبّابه = لأجل يذكرني راع الطاره ولا ينساني مايحركها غير اللي فاتل(ن) اشنابه =واحد من صلب ابوي ومارثة جداني يستدير بها وينصى اللي مشرّع بابه = الدسيمي راعي العليا زبون الجاني عادته في الطيب سيف(ن ) نفتخر بنصابه = وقفته تعرف مع الاقصين واللي داني ان بغيته في لزوم(ن) ما تروح الابه = وان نخيته في الشدايد قال شانك شاني فبيّض الله وجهه اي والله ومن هو جابه = راعي الوقفات لا من جيت صوبه عاني اذكره بالطيب ابو عايض وهو كسابه= واعتبره انه من اغلى واحد(ن) في اخواني واشهد انّه مايضايقني ياكون غيابه = واشهد انّه ينشرح صدري لا شفته جاني وكل طيب ودّي انّي واحد من اقرابه = وكل يوم انصاه في بيته وهو ينصاني والزلابه ما علي منّه لأنه زلابه = كرّم الله وجه من يقراء مثل حذياني ما يضايق خاطرك غير ابّرود اعصابه = لا نخيته قال رح لفلان والاّ فلاني آتحاشا منه وان كشّر علي بنابه = انفذ اذراعي بفعلي قبل نطق لساني قلتها والرجل ماينفعه زين ثيابه = لو يلبّس ثوب كلّه لؤلو ومرجاني وكل طيرٍ له جناح وعايشه مخلابه = ويرزقه من كرّم المسلم على النصراني والذيابه من خلقها الله تعيش ذيابه = والحصان يجيك له اخو(ن) ماهوب احصاني قلتها والكامل اللي نهتدي بكتابه = والوفاء والطيب يبقى وابن آدم فاني [/poem] |
صح لساااانك يابومبارك قصيده جزله وفي واحد يستاهل دائماً تتحفنا بقصائدك المميزه اخوك وليد القويفل |
صح الله بدنك
ياأخ / وليد القويفل والطيب ماله جزى الا مثله ومرورك شرف الله يعطيك العافيه |
صح لسانك وبيض الله وجهك
قصيدة جزلة وفي رجال يستاهل |
صح لسانك ولالالالالالالاهنت ياذيبان
|
صح الله بدنك ياعبدالله المهداني
ومرورك فخر لنا والله لا يهينك |
لا عدمتك يابن ملهي
ومرحبا بك كثر من قال مرحبا |
اقتباس:
شاعرنا المبدع دائماً / فهد المكودر السلام عليكم ما قصرت وبيض الله وجهك وصف دقيق وتوظيف رائع للكلمة المناسبه ورجل يستحق المدح ورجل يستحق المدح |
وعليكم السلام ورحمة الله وبركاته
ارحب ارحب يابو ياسر والله لايهينك واشكرك على الكلام الطيب ولاهي غريبه على امثالك تقبل تحياتي اخوك / فهد المكودر |
صح لسانك يا ابو مبارك
وبيض الله وجهك |
| الساعة الآن 05:58 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com