رد : القبائل التي دفعت الجزيه لا بن هادي (سلطان نجد)
اقتباس:
المشاركة الأصلية كتبت بواسطة براك المخاريم
الله يبقيك وماعليك زود يالحبابى
ابن عيفه الحبابى اللى نعرفه من شيبانا ونعرفه من سلوم الاولين ان اللى يبى ينزل له على قبيله ويزاحمهم فى محلاتهم يقدم الهدو لهم وإلا يفارق القبيله اللى هو مزاحمها فى مراعيها وبعدين فقاره نجد اللى متربعين عليها قبيله قحطان وماقول نجد كله اقول واعيد واكرر فقاره نجد (وسط نجد) هى اللى ياخذ عليها محمد بن هادى بن قرمله الهدو اما بلاد الدواسر من السواده والحزم والهضب مابعد سمعنا انه خذا عليهم الهدو الا لابغوا يجونه فى ديرته وانا اعرف ان شيبان المخاريم الاولين مايوخذ عليهم الهدو منهم سمره الهلقمى اللى يسمى بجاد لانه يبجد نجد من غير قصير وله علاقه طيبه مع قحطان وهم خوال ولده مشخر الفرسان بالتحديد الزلال من السحمه
اما تسميه الجزيه فهذه بدعه ابتدعتوها وهى ماتطلق الا على اهل الكتاب كما هو موضح فى الآيه بس انتوا تجادلوا حتى فى نصوص القرأن ،،،
واعلم يااخى الحبابى انى اكن تقدير ومحبه خاصه لقبيله قحطان لعلاقه العنوه بينى وبين ال رحمان من ال عاطف وال زقبان من ال مسعود فكل منهم خوال لاجدادى،،،
لكن هالموضوع اللى وضعه شارب الفناجيل ماله داعى ويسبب المنقود لكم وانا من باب النصيحه لكم ادعوكم الى ذكر الحقائق وعدم المبالغه والتواضع للقبائل وعدم هضم حقوقهم لكى تكسبوا احترامهم وتقديرهم،،،
تحياتى
|
يا براك الله يعطيك العافيه على الردود الطيبه الي كلها مواعظ ودين وبيض الله وجهك خاصه وحنا في رمضان
ونحتاج الى داعيه مثلك الله يثيبك ,,,,,,,,,,,,,
ولكن تقول الموضوع ماله داعي لماذا ؟؟؟؟؟؟؟ لانه يخص الجزيه
طيب اخوي براك هل دخلت منتداكم يالدواسر وشفت مواضيعكم الفريده طبعا راح تقول مالي دخل ؟؟؟
وتقول انك عانيه ونسيب ورفيق ومن هذا الباب تبي تنصحنا بأن نتنازل عن مسمى الجزيه لانها للكفار
ومع هذا كله فلا تزعل وما حنا مزعلينك يا وجه الرفاقه ماهي جزيه لكن أختها
وبصحح لك معلومه فديتك مير لا تزعل ترى لقب (بجاد نجد) للشيخ ابن عبود لانه كان يبجد بطن نجد الى اقصى الشمال بالقوه والسيف وهذه نسبتها لشيخكم وما هي غريبه بكره تقول الجزيه تراها للدواسر مير نسبتوها لكم يا قحطان