عشت يا شارب الفناجيل

الاخ/براك غيرت الموضوع من جزية الى شاة الغرم وتسميها هدو؟؟؟ولشاة الغرم طقوس خاصة وهى كالتالى :
1- شاة الغرم =هي ان تقوم قبيله ما بمشاركة قبيله أخرى في الأرض وتجزع مجزع القبيله اللتي

حلت عندها وتفزع مفزعها وتبلع مبلعها وتعد من القبيله اللتي حلت عندها مع الأحتفاظ

بنسبها الأصلي وذلك بعد قبول القبيله اللتي حلت عندها القبيله او الأسره الأخرى

ومن ثم تقوم القبيله الوافده بذبح الشاه وتقوم بعزيمة القبيله اللتي حلت عندها

وشاة الغرم لاتسقط مع مرور الزمن ،، وتتعارف القبائل على ذلك

2- اما موضوع الجزية او الاتاوة= فهى تدفع لصاحب الارض وهذا شى متعارف علية بين القبائل ولم تأتى بجديد سوى انك قمت تخلط الامور لشى فى نفسك مرة تعلى ومرة تدلى يالدوسرى ماندرى وين تبقى تروح ومثل ماقال السعدى مدحدرفى وادى ومطفى انوارك .
3-الثمرة= هوان تقوم مجموعة او اسرة بالنزول لدى عشيرة اخرى فى احد القرى عندما يصيب الناس القحط وتعتل مزارعهم بسبب دمر او شح الماء فيقومون بالعمل والنزول عند احدهم للاستزراع والفلاحة حتى تثمر المزرعة ويكون نصيبهم منها النص والنص الاخر لاهل الديرة او المزرعة وذلك لدفع الناس لبعضها وتبادل المصالح فيوم لك ويوم عليك .فقد يأتى زمان وانت راعى بلاد تجدب الارض وتظطر للنزوح عند قوم اخرين ويكون النزول لمدة الثمرة تتراوح بين 3 الى 4 شهور تقريبا وهذا عرف متبع بين اهل القرى بينهم بين وبين اهل القرى والبدو .
4-الجيرة =فهى من عادات قحطان الاصيلة وهو ان يقوم شخص بالجيرة لدى احد القبائل التى يربطها باهل الدم رابطة دم وتكون بمدة محددة والهدف منها هو المنع والحماية من قبيلة اهل الدم ورفع لشأن اهل الدم عند بنى عمهم وعند القبائل وهى من السلوم التى لازالت الى يومنا هذا .

مشكلتك مشكلة @ وفى الاخير نتحسف على ردودنا معك
والعلم اللى وردتها واللة انة ماهو من راسى بل رواة لى احد الاشخاص واتمنى احد الاعضاء تزويدنا بالقصة علما بان وحسبل الرواية بأن قتل العاطفى كان غدرة
اما انت فيقول راعى السالفة (مايعل الا فى المرق)

السالفة معروفة ومشهورة وهي للشيخ الفارس مسعود بن شري المساردة عندما غدروا الدواسر بخويه ابن طلحام وقطع على نفسه عهد ان ياخذ فيه 100 واخذ 99 ثم توفي باقي واحد اوصى عياله فيه واكملوا وصية ابوهم وزادوا عليهم

الرجاء من الاخوان الاعضاء ضبط النفس والاحترام .
اخوي براك المخاريم أرررررررررررحب
والله الذي لا إله الا هو إنكم يالدواسر كفو واخص بالذات ربعك المخاريم ( لاد المنيعي ) ومشاكيل وقروم وانتم منسب طيب من اول وتالي .

أحد الاخوان في إحدى الردود يقول إن لقب ( بجّاد ) للشيج جعفر بن عبود شيخ ال مسعود هذا صحيح وما فيه جدال.
ايضاً لقب ( بجّاد ) لقب للشيخ الفارس سمره بن سعود الهلقمي امير المخاريم في الجهل وقصة الفارس والشاعر الدويخ بن هادي بن شداد ال غيث ال عاطف مع الهلقمي معروفه وهي :

اخذت ذلول للفارس الدويخ بن هادي بن شداد ال غيث ال عاطف من ا بن رشيد أمير حائل في ذلك الحين حيث اتوا مزكية بن رشيد ليأخذوا زكات اهل الوادي وكان بن رشيد إذا علم بذلول طيبه أخذها من صاحبها ولو بالقوة فعلموا مزكية بن رشيد بذلول الدويخ واخذوها وذهبوا بها إلى حائل وادخلها بن رشيد في حوش الهجن المنقيه , أما الدويخ فلن يجد له حيله في استرجاع ذلوله فقصد له قصيدة يستنجد فيها بالشيخ/ سمرة الهلقمي وجماعته المخاريم لحيث إنهم اهل فزعة ومعروفين بنصرة من يستنجد بهم حيث قال في قصيدته:

يافاطري ياللي تشيلين الأضماد
نوب مع قوم ونـوب وحدهـا
انا احمد الله يومهـا ذم بجـاد
شوق الطموح اللي تنثر جعدها
ذم لصبيان المنيعـي بالأكـاد
قوم تسرع بالبلى في هددهـا
حلفتنا اني ماقتفيهـم بسـوّاد
مادامت الدنياوهم في طردهـا



وعندما وصلت القصيدة إلى الشيخ/سمرة الهلقمي رحمه الله تخير رجال من المخاريم وارسلهم إلى حائل في طلب الذلول فواصلوا السير حتى وصلوا إلى حائل فقتلوا حارس الهجن واخذوا ذلول الدويخ واتوا بها إلى الهلقمي فسلمها لصاحبها ثم بعد ذلك رد الشاعر/مترك بن عبد الله بن فلحان المخاريم قصيدة رد على قصيدة الدويخ حيث قال:

ياراكب اللي كنهـا الهيـق لاحـاد
مالمسها المرقاع في خـف يدهـا
تنصى الدويخ من ورا ضلع مغمـاد
ثم بشـره بالفاطـر اللـي فقدهـا
لاهو قصير ولا خويٍ علـى الـزاد
مير قومتنا ابياتـه اللـي قصدهـا
حطيتهـا ذم لنـا يابـن الأجـواد
وإنا برييـن مـن اللـي عمدهـا
من بعدها راحـو مناعيـر الأولاد
ثم جوبها غصب من اللي جحدهـا
من وسط حائل جوبها غصب واعناد
قوم تواعدكم وفـت فـي وعدهـا
جتك الذلول وفوقها الخرج واشـداد
وتفقد اللـي باقـي مـن وهدهـا
هذي عوايدنا على وقـت الأجـداد
لاكبرت القاله نجـي فـي نصدهـا


تقبلوا فائق الاحترام

__________________

البققققققققققققققققققققققققى يبو مرحبا

وكلامك فى متمه والامير محمد بن هادى بن قرمله ايضا يسمى بجاد وهذى قصيده مترك ال ناهش الوداعين
يالله يامنهـوا علـى النـاس بـادي== يا ناشـع الأرض السنيّـه برعـاّاد
أفرج لمنهو عـاف حلـو الرقـادي== والعين ماجاهـا مـن النـوم لـدلاد
لـو ان رزق الله يجـي باجتـلادي== ما كان جالك يالـردي فيـه ميـراد
ميـر الله الــرزّق رب العـبـادي== يعطي عطايا الجود ماهـوب حسّـاد
دنيـا ً تقافـت تاليتهـا النـفـادي== والعمر سيـوّره اليـا طـال ينبـاد
فيا راكب ٍ حمـرا ً تبـوج الريـادي== حدبا الظهر لاهيب هزعا ولا سنـاد
مرباعها من (الايسري) ل (الثنادي ) ==لين الشحم عدى مناقيش الأبـداد(1)
لاروّحـت عجـل غياهـا تـشـادي== هيج اليـا ضـف الجناحيـن حـوّاد
تنشر من (الفرعة ) مع الصبح بادي== وفالعصر تمسي يابس الشور بجّـاد (محمد بن هادى بن قرمله)
ليـه نيـرة ٍ مثـل الثريـا تنـادي ==بيتـه كمـا عـد ٍ بـه الكـل ورّاد
وله ربعـة ٍ يلقـا بهـا كـل زادي ==يذبح سمان الابل مع الحيل الأضمـاد
وله سابق تطرى مع هـل الطـرادي== لافرعن البيـض غضـات الأنهـاد
كم من قليع ٍ جـات صوبـه تقـادي== سعد ابن عمه يحتمـل منـه ماكـاد
سلم عليه اعـداد حـب الحصـادي== واعداد ماتـذري زواعيـج الانـواد
وانا ماهمنى كلام بعض الاعضاء
ومايستشك يحسين كود الرديين==ولاترى الطيب وسيع بطانه
انا تواجدى فى منتدى قحطان للاستفاده من تاريخ الطيبين وتصحيح بعض المعلومات ولعلى استفيد منكم اكثر مما تستفيدون منى ولكن ودى يكون
النقاش بأحترام وتقدير ويكون عقلانى وبالأدله سواء التاريخ معنا او ضدنا والرجال من خلقت الدنيا وهى تاخذ وتوخذ وتنتصر وتنهزم ولاضر الرجال هزايمهم وكل فيه حقه من المراجل،،،
تحيه وتقدير لشخصك الكريم ياأبا الذموم
تحياتى

يابراك العلم لايتعداك
اول الغيث رش ثم ينهمر
اول علومك حلوى ثم رجعت وخنزتها ياولد زايد
تراك اتكلم عن قحطان مانت اتكلم معا السعدي والله ماودنا تسيرون ياالربع بدون نور
بارد عليك بالكلام الي عليه الله
مشخر الفرسان قصير شالح وعدا معى قصيره لاكن ماهو ذا الي تدور له

اما مسعود بن شري
شقيتوا بطن خويه وعلقتوه في مجلس ابن قويد ثم قلطتوا مسعود لاخويه ينازع ويقول تكفا يامسعود غدروني الدواسر فقال مسعود ارقد بنومك والله ان اخذ فيك الميه اما لونكم الحقتوا مسعود خويه كان هانت عليكم لاكن تبون تقهرونه وتفشلونه بين القبايل فخليتوه لاكن ربي يدور لكم
استمر مسعود بن شري يغزي الدواسر اربعين سنه حتى ذبح تسعه وتسعين ويوم جاه الموت قال لعياله منو منكم جملي قال جمل بن مسعود انا جملك يابوي قال العود باقي لي عند الدواسر واحد وابر ديني فغزاهم جمل وعين سته فذبح واحد فهجموا الباقين فامتنع وذبحهم العدد----105 يابراك
هذا حق الخوي عندنا قبله محمد بن محسن بن سلطان ( الحرقان ) ذبح من ربعه القريبين 11 حاديهم خاله في خويه

حنا ذبحنا خالنا في خوينا

اما الجيش الي يقوله ابن دحلان انه يخصي العرب وقال انه جيش مولاه فحنا وانتوا مولانا الله فانه جيش الباشا والطريق الي سلكه الجيش الخرمه رنيه تربه
فلا هذي بديار قحطان ديار اقحطان كما قلت انت فقار نجد

اما وطبان فضربه ابيض المشعاب في جبهته بالمشعاب لاعيونه في القاع
اما الجزيه فهاذي القشه التي قصمت ظهر البعير
اما انا وانت والمشاركين فديدنا الكلام والفعل الله اعلم به

اختم بهذه الابيات قلتها في وقت سابق

من عقب ذا ياراكبن فوق مــــــــنتوق ----------------------- لاينتقص زيته ولاينتقــــــــص ماه
يموج تمثاله كما عـــــــنق غــــرنوق ----------------------- خل السليل وجــــــــهتله بمـمشاه
ينصا القروم الي القوادي لها ســـوق ----------------------- الاد زايد مســــــــرجين المـــحذاه
اهل الجهام الي رعت كل زمـــــــلوق ----------------------- ترعى بهيبتهم على كل منحــــاه
سود الغوارب دونها الدم مــــــــريوق ----------------------- كم طامعن من دونها كسرت انياه

والدواسر متعدين القبايل بكرمهم وشجاعتهم لاتحط عليهم عجه لاعدمتك هم عندنا مثل الشمس الي تشرق علينا من وراهl

لو أن لبدوان في الحكم شده= كان بن هتديا حكم وبن هادي

ويقول ابن هادي :
ان كان رمحك في هل الخيل ملحوم=فنا برمحي حامي نجد كله

هناك فهم خاطيء في المصطلحات المتداولة وغيرها مثل :
الجزية وهذا اللفظ ليس له وجود عند القبائل وإنما الموجود الاخاوة والشبكة .

وابن هادي سيطر سيطرة شبه كامله على بادية نجد ويعتبر في زمانه حاكم البادية في تلك النواحي خاصة أبان أختلال الامن المركزي في بعض مراحل الدولة السعودية الأولى والثانية كما هو معروف .

ملاحظة هامة : تذكروا إنكم في شهر الخير والبركة فلا تذهبوا حسناتكم في بعض اللغط الغير مجدي .
تقبلوا تحياتي .

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

اختموها يالربع وقفلوا المواضيع الشهر فضيل والحذف وصل الركب

انت يابراك استفزتك الجزيه وحولت علينا ياجيرانك بشي مقطع وشي مخلع وتروا ماكل مايكتب يقال

هذا مثال
دخلت المنتديات من -- 3 --- اشهر لاثري معلوماتي == مجالس قحطان== قحطان نت== بوابه الهيلا== عتيبه الهلا== مجالس العجمان==
وكل من هالمجالس يحوش الجمر لقرصه لاكفاهم الجمر ولانجحت القرصه

ولاكن ان قلتوا لا
فلاتجرحون القبايل احشموها بالكلام وبالفعل
وشيوخ القبايل من انقص قيمه شيخ او افترى عليه الله ياهبها بين عيونه
اي قبيله تكبر عندما تعد مالها وماعليها

مرحبا بجميع الاخوان واحد واحد
لا احد يفهم غلط
البيت الي اوردته للشيخ بن هادي قصدي منه ان البدو تحت مضلة الامام لايتجاوزونها ومقصد ابن هادي هو الولاء والطاعه وهذا قصدي في مسألة الحكم (عتيبه ومطير وقحطان وحرب والدواسر تدور معاركهم مع بعض لا ولاء ولابراء بين بين على حسب الظروف (المرعى ، الكسب ، الثأر ....الخ)الله يرحمهم ويغفر لهم
واكثر حروبهم تحالفات وابن هادي سيطر لاكن .....
انا اقول وش دور الامام الي حتى ابن هادي نفسه الي يهدونه البدو يهدي ابن سعود ويقوله ذا البيت في هذه الحاله لمن الحكم
المسأله مسألة قوه وسيطره على المراعي بالنسبه للبدو لان هذي حياتهم وحكمة الله قبل كل شي


لاتزعلون يالربع هذي وجهة نظر
بالنسبه لربعي على قولة اخوي شارب الفناجيل فانا اشهد انا استفزعنا من يستاهل الفزعه وش عقب بن هادي
وانا اشهد انكم عصابة راس