الاخ الكريم العريدي

بيض الله وجهك على حميتك وهي تدل على طيب اصلك وعلو قدرك

ولقد غيرت لدي تصور سابق عن هذا الامر ؟

وتفاعل مع طرحك المشرف سوف اطرح موضوع عن بعض شيوخ قحطان والذين حكموا الكثير من شرق الجزيرة .


اخوك ابن عفيصان

يا مرحبا ومسهلا ,,,


اخوي ابن عفيصان والاسم معرووووف يا ذيبان ..

كفووووووووووووو والله يبن عمي سحيمي اكيد


على الحرام انك اطلق من الشوارب


وافي يالعريدي واشهد بالله انك كفوووووووو ولاهنت يا ذيبــــــان


وحنا في انتضار جديدك يالاجودي


وسلامتك

تقبل تحياتي


اخووووووكم / كحيلان

__________________

اررررررررررررررحب يا كحيلان اسم على مسمى ..



وانا أطرب لا شفت مثلك وشرواك .. يشاركون مشاركات تنومسني ..


والله يرفع قدرك .. آآآآآمين

__________________

العريدي
بيض الله وجهك

ما قصرت ولا نستغني من المزيد في هذا الخصوص

لاهنت لاهنت

العريدي أنا ما أحب أتطرق لها المواضيع لانها سوالف ماضية

ونعم مليون ياقحطان مانقول فيكم شيء بس المعلومة اللي عندك

صححها وهي أن قحطان ماطردوا العجمان على قولتك والعجمان

أصلاً ماهم بحولكم هم في الوادي وانتوا في نجد ...

ولا حصل بيننا شيء سوى قصيدتي الشيخين المشهورة بن قرملة

وراكان بن حثلين والعجمان لعلمك أخذوا الوادي غصب وذبحوا الاتراك

وال سعود في العيينة في الموقعة الشهيرة وقحطان ماسار بينا وبينهم

شيء يذكر سوى قصيدة تهديد بن قرملة لراكان ورد الشيخ بن حثلين

عليه وبس اللي ذكر فيه بن قرملة ياذا البهم والله تباري الجهامة

الى ان وصف ربعة .. ربعي كما سيل يطم العدامة

ورد راكان ان كان تبقى سابقك والسلامة ... فلا تحول بالجحادر على يام

الى ان قال ان كانكم سيل يطم العدامة حنا زبار يشرب السيل لاعام

وفي الاخير أرجوا أن كلامك توجهه لاعداء قحطان الحقيقين مطير وعتيبه

ولا توجه كلامك لمحلف مع العلم بأن غير صحيح

كلمة أخيرة عاش الشيح/ راكان ومات ما انهزم في حياته ولاعاد سار شيء بعده

__________________
إن صاح صياح وقالوا هجادي
وأخطوا ممس سروجها من عجلها

لحقت ببو فلاح زبن العيـــادي
مــرجع مراديم العشـــــاير لاهلها

اخوي بوجابر

بندق بالعيينه حج راعيها .................. ثورت من فهد في كبد عبدالله

كانت هذه بعد راكان ابن حثلين في زمن ضيدان وكلن فيه حقه من الفخر والطيب وكلن قد انتصر وانهزم وتركو لنا ارث عظيم من الشجاعه والكرم

واخلاق المتخاصمين والاعداء رحمهم الله واذا اردت مناقشه هذا الارث ونبشه ماعندنا مانع في موضوع مستقل وتعم الفائده للجميع

وشكرا

ارحب ساس العرب ارررررررررحب ..
و اررررررررررحب يا وجه المحلف .. واسم ابن حثلين الشيخ مهوب الشيح ..

اما اعداء قحطان هم عتيبة ومطير فهذا هواللي يقال يابو جابر بس الصحيح انهم اعداء الجحادر فقط مع بعض عبيده اي انه تبقى 5 اجزاء من قحطان لم يشتركوا في معارك نجد وصدقني من رحمة الله على الخلق لم تجتمع قحطان ابدا!!!!!!!!!


لأنك تعرف ان الهواجر وقفوا بالضد امام قبيلة العجمان العتيدة وهم جزء من جنب من عبيده وقد هزموا العجمان بقيادة ابن حثلين وبأمكانك معرفة القصه من خلال محرك البحث واكتب الهواجر او ابن حثلين فهناك مشاركة عن معارك الهواجر والعجمان ..

اما المحلف فعلى عيني وراسي و من لا يقدر الرجال ما قدروه وانا أقدر العجمان ومحلف كلهم يابوجابر ..

وحياااااااااااك الله .. ومرحبا ومسهلا ..


الضوير ي .. ارررررررحب

مشاركه اكثر من رااااااااائعه يا الذيب ..

اررررررررررررررررررحب يالعريدي انا اشهد انك ذيب ولد ذيب

بيض الله وجهك على ذي العلوم الغانمه وننتظر منك الكثير ولا هنت