ب[poem=font="Simplified Arabic,7,black,normal,normal" bkcolor="transparent" bkimage="backgrounds/23.gif" border="double,6,chocolate" type=2 line=0 align=center use=ex num="0,black"]
بديت بسم اللي ليا قال كن كان = اللي رفع سبع على غير عمدان
أعوذ بك يارب من كل شيطان = يلي بذكرك يجهرون الملبين
الله يلهمنا طريق الهدايه = إموضح القرآن في كل آيه
عسى الشهادة نطقنا في النهايه = يا منزل القرآن طه ويا سين
فكرة في الدنيا لقيت العجايب = دنيا مليه كلها بالمصايب
ياكم فقدنا من شباب وشايب = الله يجمعنا على الحق والدين
مرحوم يلي مات سبعه محرم = في ليلة الجمعه رحل سيدي القرم
عساه للجنه من الله يكّرم = مرحوم يا عود رحل قولو آمين
مرحوم يا عود نزل وسط قبره = الموت حق وكلنا لا مفره
عسى الجنان الخضر تاتي مقره = تجعل مقره في رياض وبساتين
مرحوم يا بو عايض اللي فقدناه = المرجله والطيب من وقع يمناه
يا سعد منهو له خوي تمناه = هذاك عود(ن) من رجال حشيمين
يفقده من خاواه لا جا اللزومي = خوي دربه عنه يجلي الهمومي
ويفقده ربع له رجال(ن) قرومي = أهل دهر ربعي على العسر واللين
ويفقده بيت خص لا جا ضيوفه = تلقى السمينه وسط صحن معطومفه
والبن لشقر والسلوم معروفه = فعلك يا بو عايض رجح بالموازين
تلقاه دايم في صفوف المساجد = ون زل نصف الليل لله ساجد
هذي صفاته باقي الطيب واجد = عساه في الفردوس مع المحبين
ياكم سعى بالخير بين الرجاجيل = يتعب على شانه ولو يسهر الليل
بالحق لا شاف الخطى عدل الميل = هذي الحقيقه بينه بالبراهين
حلحيل دايم للحمول الثقيله = ون جا المجالس ما يجيب الهزيله
أنا أشهد إنه فقد كل القبيله = يا عود يلي رحت ماحن بناسين
حلال عسرات الأمور الصعيبه = لا جاب شوره قلت يا طيب طيبه
وربعه ليا جا ما قف(ن) تكتفيبه = ياكم سعى بالخير ما بين لثنين
الصدق نهج له من أول حياته = الله يرحم ميت هي صفاته
الله يرحم عودنا في مماته = قلت الحقيقه سطري يا دواوين
تكفون يالخوان يا عصابة الرأس = يا عيال عود منتقينا من الساس
إمواصلة صدقانه اللي من الناس = البر واجب وصل حين بعد حين
الدين يوصينا نواصل صديقه = والجار ما نرضى بشي(ن) يعيقه
وحنا على دربه نواصل طريقه = الله يجعلنا عيال(ن) مطيعين
تصدقو وادعو بحسن النوايا = عسى الولي يغفر ذنوب وخطايا
يارب عفوك يا جزيل العطايا = الواحد المعبود عنا يا معين
وختامها صلوا على نسل عدنان = إعداد ما نثر على الارض ودان
وعداد ما يتلى من آيات قرآن = نبينا اللي بشر الناس بالدين [/poem] ( معيض بن دشن )

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]