المشاركة الأصلية كتبت بواسطة عبدالله بن غفره

الله يجزا الشهري خير

والله يكتب له الأجر والثواب


وصح الله لسان الشاعر بن سحمي


والف شكر لك على التنويه ونقل الخبر المفرح


تحيتي

المشاركة الأصلية كتبت بواسطة الضويري

جزاه الله خير ويبشر بالأجر إن شاء الله وغير مستغرب من قبيلة بني شهر المعروفه بالطيب والكرم والاصالة ..

والله يغفر لولده ويرحمه ويعفو عن رفيقنا ولاهنت يالعريدي تغيب لكن لجيت جيت بالأخبار السارة

المشاركة الأصلية كتبت بواسطة أبو شعاق

جزاه الله الف خير ويبشر بالاجر ان شاء الله
والله يصبره على ولده ويرحمه ويسكنه فسيح جناته
ومع خالص تحياتي معكم ابو شعاق

المشاركة الأصلية كتبت بواسطة العريدي

بسم الله الرحمن الرحيم


عفا العقيد حسن بن عبدالرحمن الشهري عن قاتل ابنه وليد

وذلك بالمحكمة العامة الكبرى بالرياض،
.

وقال الشهري لـ"الوطن" إنني تنازلت عن محمد ناير منير السحيمي القحطاني قاتل ابني وليد

والذي قتله في عام 1429 بمدينة الرياض بإسكان الحرس الوطني لوجه الله سبحانه


ولذلك نتقدم له بجزيل الشكر والعرفان ونقول بيض الله وجهك دنيا وآخره

قال تعالى {الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ}
تفسير آية 3:134 قوله تعالى:" والعافين عن الناس" العفو عن الناس أجل ضروب فعل الخير،


وقد قال الشاعر فراج بن سحمي العريدي السحيمي قصيدة بهذه المناسبة ..

الا يافكر هات الشعر والقصيد افكار = وزلزل مسامع من سمعلك وكتابه
تهيض خفوقي وانتعش وابحرلك ابحار = وصغت القصيد الجزل وانا اتغنابه
الا ياحسن رايتك بيضاء ولك مقدار = ولك موقف يالمحتسب نحسب حسابه
توكلت بالله والله العالي الجبار = ولا خاب يالزيزوم من هو ترجابه
تنازلت واعتقة رقبة من حدته اقدار = ولا لك مطامع كود في الرب واحجابه
تنازلت لوجه الله ياطيب الاذكار = مطالبك فالمولى ولاخاب طلابه
بني شهر موقفهم غصب يلفت الانظار = وسجل ياتاريخ العرب لجل نقرابه
حسن ياحسن مشكور شكر يفوق اقطار = لك الشكر يالمنعور يالسيف وانصابه
وياناير بن منير جاك السعد مدرار = شف محمد ابنك لالفا قم تلوابه
هذي دعوة امه لادعت في دجى الاسحار = لانامت عباد الله قامت تلجابه
وجاه الفرج من ربنا كاشف الاسرار = وزانت وهانت ياولد بشر اللابه
حمدنا الولي رب الملا منزل الامطار = عداد الشجر والنبت ومن هو تمشابه
وآل سحيم حزامي وعزوتي لابتي الاحرار = وهذا سحيم جدي وعزوتي واتعزوابه
وبني مضيم لاصتكت لفو طيبين اذكار = سنادك لياضاقت هم العز وابوابه
ولانيب مطول في مدايحهم ولا خيار = سجل قحطان اقرا وتلقابه اجابه
ونفخر بمثل محمد الهيلع المغوار = ابوسحمي اللي سجل العز بكتابه
وتنشر به البيضاء على موقف له صار = له الطيب مكسب والمراجل تحفابه
وقف وانتهض للمعضله سيفي البتار = محاور حكيم وحكمته ميزة اخطابه
مضى عام عقبه عام ماقال انا محتار = ولا تعبت افكاره ولاتعبت اركابه
وصب السمن من فوق يمناه ياصقار = شهد له بعيد الدار وتشهد له اقرابه
ابوسحمي كعام العدا فالنهار الحار = ينومسك لاوقف ولايشكي اتعابه
عظيم المواقف سيدي هو كريم الدار = لفانا الفرج من ربنا ثم باسبابه
وختم القصيده والله ان الزمن دوار = وتضحك له بيومين ويومين تشقابه
وتمت وصلى الله على سيد الابرار = عدد مامطرت الامطار من سحب صبابه



ابو سحمي المذكور هو العقيد / محمد بن سحمي العريدي

المشاركة الأصلية كتبت بواسطة ناصر السحيمي

كفو كفو كفو كفو

يمال السلامه يا بني عمي و الحمدلله على سلامة محمد

و جعل ربي يرده سالم و غانم لـ اهله و يرده على خير

و يفرج عنه بأسرع وقت ممكن و يعيّد عند اهله و هو طيب

و بيّض الله وجه العقيد حسن بن عبدالرحمن الشهري

و يكتب اجره و تكون في ميزان اعماله يوم لا ينفع مال و لا بنون

و جعل ربي يرحم ولده و يعوضه بالجنه و يبرد قلب امه

و بيّض الله وجه العقيد محمد بن سحمي العريدي السحيمي القحطاني

و عز الله كفو و وافي و ذي عوايد الطيبين و النشاما و لا يستغرب الطيب من اهل الطيب

و صح الله لسان فراج بن سحمي العريدي

شاعرٍ جزل و كفو و قصيده كفو

و لا هنت يالعريدي على ذا الخبر اللي يسرّ الخاطر لا هنت

تحياتي لكم

المشاركة الأصلية كتبت بواسطة فهد العلياني

جزاه الله الف خير

والله يرحم من مات

والله يهدي الجميع ان شاء الله

//