المشاركة الأصلية كتبت بواسطة ابن عياف

صلوا على النبي
واسموها مرة ثانية أحلى

والطـواري ياقفـار ٍ ياعـمـار=والجمايل بين حيّ وبيـن ميـت

من يقول الليـل يشبـه للنهـار=وإن عطيت تشابه لمعنى خذيـت

من تعذر غير منهو قـال صـار=شامخ ٍ من طيب ذكره ما إكتفيت

لبّى قلبه يـوم هيّضنـي وسـار=حرفي العاطر يشكّل بيـت بيـت

أمتلا التنـور بهجوسـي وفـار=بين عل وبين لـو وبيـن ليـت

عل يفداه الردي وأهـل البـوار=ولو بيديني مثل ماأعطاني عطيت

وليت مالي بالطواريـق إختيـار=كان يمكن لا سريت ولا شقيـت

رحت أجيها من يمين ومن يسار=أطرد أفكاري بلا وعي وغديـت

لأن بعض أحيان مايكفي إختصار=الجمايـل مايوفّيهـا إن حكيـت

كيف بأشكر واحد ٍ عالشفّ سار=لازمي قاضيه وتوّي مـا بديـت

حايـز ٍ للطيـب كلّـه بإقتـدار=مسندي خالد ليـا منّـي نخيـت

حر ٍ أشقر ومْتحدّر مـن حـرار=القروم اللي لهم بالطيب صيـت

جعل ابوه الجنّـة وداره خضـار=هاجسي سرّاه والمقصود جيـت

بـس أردّد ياقفـار ٍ ياعـمـار=الجمايل بين حـي وبيـن ميـت


لا تعليق
الشباب وفو وكفو