السلام عليكم

أقدم لكم هذه المتواضعه وأتمنى أ ن تنال

اعجابكم

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يامل عينن ليا امسى كل مخلوقي = عافت لذيذ المنام وعافت الراحــــه
أون واسهر ولاحي كل طــاروقي = واذكر زمانن مضى والنفس مرتاحه
ماهو من الود ولا الحب والشوقي = ضيعت قفل الغرام وضاع مفتاحــــه
انا همومي رعود وسيل وبروقي = الهم مثل البحر والقلب سبــــــــاحه
زلة رفيقي تغير كل منطوقـــــي = وتعلق القلب لاثابت ولاراحـــــــــــه
كنت احسبنه ليا من صرت مزنوقي = ولا حداني الزمان وكثرت اجراحه
ياقف بجنبي يزيل الهم والعوقي = ويصد الاخصام والعدوان بســـلاحـه
واثر المعنى ظعيف نفس مطفوقي = ويهز قلبه ظلام الليل واشبـــاحــه
شذب العراقيب مثل الكيف والذوقي = وطرد المقفي رفاهة نفس وسياحه
هذا وشكله من الوقفات مفهوقي = يلقى بدالي خبول وناس مزاحــــه
ولا الحميه تراها تسوقني سوقي = دون الرفاقه يهون الموت وارماحه
والسلعه الهينه ماجات في سوقي = أبيع واشري واعرف السوق وارباحه
لي عزة النفس والمطرود ملحوقي = ولا اتسمع قناة المجد والواحــه
سلم القبايل مزارق طيب وحقوقي = والناس للعز والمعروف طمــــــاحه
والحيه الي لها نابين وشدوقي = ماارجي ورى نابها خوخه وتفاحه
والله لاني بمتنبي ولاشــــــوقي = ولاكل شاعر يجيب العلم مسباحه
هذي حقايق وقول الحق موثوقي = ماهي سواليف للجمهور والساحه[/poem]