السلام عليكم .. مساء الخير يا وجيه الخير

قصيده اتمنى ان تصل الى ذائقتكم الشعريه ..

::::::::::::::::::::::::

[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

المجلـس اللّـي أبـد مـا يطـفـي سـراجـه=يـــا حـبّـنـي لـــه ويـــا حـبّــي لْـراعـيّــه

مفـتـوح بـابـه ولا قـــد صـــك مـزلاجــه=عـنـوانــه الـطّـيــب مــدهــل للسـنـافـيّـه

محد ٍ مـن أهـل الـرّدى فـي ذمّتـي داجـه=مـاجـاه غـيـر الشّـلـي والـلّــي حـواريّــه

راعيـه طـول العـمـر مــا مــال منهـاجـه=ومـا حــدّد الـيـوم والأشـخـاص والجـيّـه

قـرم ٍ ليـا جـاه ضيفـه يضـحـك حجـاجـه=ماهـوب ضـايـق لـيـا مــن جــاه طرقـيّـه

يستقبـلـه يــا هــلا وأرحـــب ابتبـهـاجـه=ودلّــة نشـامـا مَــعَ اخـلاصـه حـسـاويّـه

ويذبح له سمان ضانه ما شكى ازعاجه=ويـحـط لــه نـعـمـة ٍ مـــن كـــل نـوعـيّـه

ويـقـدّره مــن دخـولــه لـيــن مـخـراجـه=بالعود الأزرق مـن أحسـن نـوع جاويّـه

يعـز رووس الجـبـال ويقـضـي الحـاجـه=سـعـد ٍ لِربـعـه لـيـا مــن ثـــارت الـهـيّـه

مـن جـاه ضـايـق لـقـى بيديـنـه عـلاجـه=وإلـيــا نصـيـتـه يـفــز ويِـصْــدق الـنـيّـه

الجـود والطّـيـب والنفـعـه مــن انتـاجـه=نـفـسـه عــزيــزه ولا هــــي بـالـدنـاويّـه

يكسيـه ثـوب التـواضـع والـكـرم تـاجـه=خـصــايــل ٍ مـــــا تـصـنّـعـهـا طـبـيـعـيّـه

والطـيّـب الـلّـي أبــد مــا مــال منهـاجـه=يالله عسـى سنيـن عمـره تطـمـر المـيّـه

والاّ الـردي يـا عسـى الله يهـدم سياجـه=وعسـى الحكومـه توقّـف مـايـه وضـيّـه

والمجلـس اللـي تشعشـع نــور وهّـاجـه=يـــا حـبّـنـي لـــه ويـــا حـبّــي لْـراعـيّــه [/poem]


::::::::::::::::


وسلامتكم


((.. اخوكم / حسن بن علي الهاجري ..))

__________________